استفسار عن

[بوغيث]

شباب مساكم الله بالخير

شفت احد الاعلانات عن بيع شقق في مصر

ورحت ولقيت الشقه بحدائق الاهرام البوابه الاولى سعر المتر 1200 ج

الاستفسار عن

في حالة اني بشتري شقه شلون اضمن حقي القانوني علما اني راح ادفع نص المبلغ بالكويت وشكرا لكم

​

 

[قناص_السوق]

انصحك بأن تشوفلك محامي في مصر و خبره في المجال العقاري و تشتري بوجوده

 

[كويتي2]

اخوي شركات اللي موجودة بالكويت وتبيع عقارات برة الكويت مو مضبوطة .. يبالغون بالمواصفات .. لكن على ارض الواقع غير .. وانا مجرب بالمعرض اللي طاف اللي كان بفندق موفمبيك ميناء الشويخ .. ورحت دفعت لهم ..
وبعدين قلت خليني اروح اشوف الشقة .. انصدمت بمكانها وشكلها والمنطقة ما فيها الا الثعالب وكم شقة بس الللي ساكنين ... المهم رديت الكويت وتهاوشت معاهم وبالغصب رديت الفلوس .. بس سويتلهم مشكلة كبيرة عشان يردولي الفلوس ..
نصيحة تبي تشتري اي شي من برة .. روح انت هناك واشتريها
اما بحقك القانوني فهو مضمون بس راح تتعب معاهم بالتسجيل .
المهم في الوقت الحالي لا يوجد اي تسجيل بالنسبة للبيع او الشراء في مصر لانهم موقفين البيع والشراء مؤقت لحين انتخابات الرئاسة والحكومة .

 

[fayoona74]

تضمن حقك من الناحية القانونية بعقد مع الشركة وفاتورة او وصل بالمبالغ اللي تدفعها وباصدار وثيقة تملك رسمية من كاتب العدل من مصر
لكن الاهم من هذا كله الكلام اللي قاله لك الاخ كويتي وحاليا فوضى بمصر

 

[kw_tahoe]

للعلم يوجد نوعين للتسجيل في مصر
1. عن طريق محامي معتمد الرخصه
2. عن طريق الشهر العقاري في جمهورية مصر

والله اعلم