منو يضبطنا بسكن حلو في كاليفورنيا

[K.KHALED]

شباب وين تنصحونا نسكن اي فندق او موتيل او شقق مفروشه او بيت قاعد ادور شي مناسب في لوس انجلوس وضواحيها او ساندييغو اللي عنده حق عايله 5 اشخاص الفتره 21 يوم من 27-6 الي 18-7

ارجو الاتصال او ارسال مسج99662272 خالد

 

[ام البنين]

السلام عليكم ورحمة الله

اسال الله ان يوفقك في رحلتك ويرجعك بالسلامه

اخوي انصحك تسكن في فنادق بست ويسترن اذا كنت ناوي تسكن في هوليود الفندق جدا عائلي فيه الغرف كبيرة وراهية وموقف سياره مجاني وقريب جدا من كل شي
b.w sunset plaza hotal
8400 sunset boulevard
west hollywood , ca 90069
بالضبط بينه وبين شارع النجوم شارع ويوقف مقابله بالضبط الباص السياحي


الموقع مميز جدا وكل الغرف ( حسب علمي) تطل على حمام السباحه تطل على عيالك طول الوقت وتطمن عليهم

اما في سان ديجو فانصحك في منطقة اسمها دائرة الفادق عل الشرع العام والخط السريع

ميزة الموقع انه عائلي جدا ونظام الغرف مثل الشاليه الصغير
اذا تحب ارفق لك بعض الصور له

حمام سباحه طبعا لكل الغرف والمكان عائلي جاد وهادي وبالضبط خلفه اكبر مول تجاري ووعندهم ميزة حلوة توصيل لحديقة سان يدغو زو والي لازم تزورها مع العيال لانها فعلا متعه
والشاطي بعد يوصلون له مجاني
والباص السياحي يوقف عندهم

اسم الفندق HANDLERY HOTEL AND RESORT
950 HOTEL CIRCLE NORTH
SAN DIEGO ,CA 92108
www.handlery.com

بالنسبة للوس انجلس المدينة كئيبة مافيها شي

يادوب الحي الصيني وانصحك تروح بالباص السياحي
مافيها تكاسي وبصراحه اهلها صج عصابات حسب ما شفتها


اذا بتروح مكان في كليفونيا انزل انهايم احلااا فيها مدينة العاب والت ديزني والمكان بكل وقت حلووو

اتمنى اكون افدتك


نستودع الرحمن دينك وايمانيك خواتيم اعمالك زودك الله بالتقوي وغفر ذنبك وحفظ اهلك

 

[أبوإبراهيم]

أنا صج مالي شغل بالموضوع

بس جزاك الله خير يا أم البنين على هالمجهود والمعلومات

 

[بوعبالله]

احسن شي بامريكا تأجر سياره او تشتريها افضل - والسكن متوفر وكل مدينه حدها يومين او ثلاثه ايام - لان السفر بالسياره داخل امريكا روعه وانصحك تروح ل يوسميتي بارك او سيكويا بارك
اخوك بو عبدالله

 

[fabulass]

الله يوفقك بس ما سكنا بهالمدينة .... ممممم

جيك أخوي على بوكينج وشوف الريفيو العالي و احجز فيه اذا توافق مع رأي الأخوان المجربين هنيه

 

[K.KHALED]

جزاكم الله خير جميعا ومشكوره يا ام البنين علي المعلومات
واللي عنده زيادة معلومات لا يبخل علينا