ارجو الافادة للأهمية - عاجل

[كويتي2]

السلام عليكم




انا سلفت طليقتي 18 الف دينار قبل ما اطلقها .. ووقعتلي على ايصال امانة على بياض .. وهي خذتهم عشان تعطيهم حق اهلها عشان ترميم منزلهم ..
وقالتلي انها راح اردهم بعد سنة ...


....

لكن صارت ظروف وطلقتها واخذت اليهال ... والحين قاعد اكلمها بخصوص الفلوس وكلمت اخوها ... قالي ما لك عندنا اي شي ...

السؤال هل اقدر اكتب المبلغ على الايصال لانه مو مكتوب فيه شي الا توقيعها فقط ؟؟؟؟؟؟
وارفع عليها وطالب بحقي ؟؟؟؟؟؟


والسالفة صارلها اكثر من 5 سنين تقريبا .. وانا ما حبيت ااذيها لان اليهال كانوا معاها .. شنو تنصحوني فيه ؟؟؟؟؟؟؟؟

 

[duaij]

السلام عليكم ورحمة الله

اخوي موضوعك ترى غير نمونة وجوابه هم لابد يكون غير نمونة.
السالفة فيها عيال ومثلك عارف الحريم مخهم صج بركبهم واذا كرهوا بعد اكرهوا.
اذا ودك تضرها ترى العملية سهلة ولكن اقعد ويه نفسك وترى على فكرة الصديق من صدقك وليس من صدقك, كل العملية راح ترد على عيالك وركز عليها ترى عيالك , وخلك من اخوها واللى اشوفه طنبور طين ولا راح يعطيك نوط واذا عطاك نوط تعال ولك حق.
الفلوس تروح وترد وتقدر اتشوف هال الشاكلة من الاخوان اللى يشاركون في هذا المنتدى كلهم طايرة فلوسهم بس ها فلوسهم
ما ودي اتفلسف عليك وايد عزيزي بس اعرف لي واحد تزوج وحدة كانت جوهرة ونثية والريال منا ترى بمشاعر أغرم فيها, الشاهد ما طولت وياه قالت له ما ابيك انت مو امخلي شيء حق عيالك كله على عمالك واهلك. طلقها وعطاها البيت اللى كانت ساكنة فيه باللى فيه من حلال وما أخذ اي شيء منها.
هذا رأي ويمكن تسمع رأي مخالف لي والله يصبرك ويعوضك ويبلغك بعيالك ولو انا منك رديت المطلقة والعيال واشوت اخوها فنغر من حياتي وحياة عيالي

 

[مقام العز]

السلام عليكم




انا سلفت طليقتي 18 الف دينار قبل ما اطلقها .. ووقعتلي على ايصال امانة على بياض .. وهي خذتهم عشان تعطيهم حق اهلها عشان ترميم منزلهم ..
وقالتلي انها راح اردهم بعد سنة ...


....

لكن صارت ظروف وطلقتها واخذت اليهال ... والحين قاعد اكلمها بخصوص الفلوس وكلمت اخوها ... قالي ما لك عندنا اي شي ...

السؤال هل اقدر اكتب المبلغ على الايصال لانه مو مكتوب فيه شي الا توقيعها فقط ؟؟؟؟؟؟
وارفع عليها وطالب بحقي ؟؟؟؟؟؟


والسالفة صارلها اكثر من 5 سنين تقريبا .. وانا ما حبيت ااذيها لان اليهال كانوا معاها .. شنو تنصحوني فيه ؟؟؟؟؟؟؟؟

كفو عفيه معطيها18الف! اخوي انت طيب حيل الله يعينك والله ماجاب لنا المشاكل الاهالحريم المرأة الكويتية (الجيل التالي) والله ثم والله ماكو فيهم شي ينحب دلع اكثر من اللازم نفعه وقومه في البيت ولزوج وأذا كلمتها كلمتين قالتلك رجاء" مااسمحلك شخصيتي! مالت,, اخوي والله لو ادري مبلغ 18الف بيفك رقبتي منها صدقني اطلق من باجر وفوقهم 2000بعد .لاتهمك الفلوس والله يعوض عليك وعيش حياتك عساهم فداك الفلوس وهلها

 

[duaij]

السلام عليكم ورحمة الله
اخوي مقام الله لا يبليك وان شاء الله تنفرج لاخونا واقولك بأسك في حينك وانا اعتقد واجزم لك انه ما عندك عيال وما عرفت تنصح عدل ويزاك الله خير

 

[mfa2202200]

انا اطلب ان يكون الرد للقانونيين فقط
لان المشكلة مو خلاف في ديوانية شباب
الموضوع أكبر ويحتاج رد من ناس متخصصين
وشكرا

 

[rahaly]

اخي الكريم ..
طبعا في حال نكرانها انها كتبت بيانات ايصال الامانة فسوف يتم التحقيق بالامر
ويفترض انك تقرر بانك من كتب البيانات
لكن ............ يجب ان تثبت انك سلمتها المبلغ وعلى اساس القرض مثلا

بالمناسبة ... ايصال الامانة هذا من الاخطاء الشائعة التي يستخدمها الناس
فله شروطه واسباب صدوره التي لا تنطبق عادة في الحالات المعروضة

يعني يفترض تكتب عليها ورقة بانها اقترضت منك مبلغ 18 الف لترميم بيت اهلها كما تقول

والله اعلم

 

[shaima ahmad]

اخوي كويتي

هذا الشي طبيعي ولكن يعتمد على الصيغه في الوصل ويمكن المطالبه به بامر أداء مدني وليس جزائي لفوات 5 سنين عليه وكان من الممكن المطالبه عند تقديمك بشكوى بالمخر لو كان بحدود السنه المطلوب سدادها لذلك بمثل هذه الحاله

يجب المعرفه بكل الحلول والثغرات ووضوح قضيتك من ناحيه الصيغه المكتوبه بوصل الامانه هل هي مذيله بالصيغه التنفيذيه ام لاا او حتى قمت باعطاءها السلفه مدفوع نقداً بعد سحبه من البنك او لا

كل هذه الأمور لا يمكن تقييمها او حتى تقييم وضعك بعنوان الموضوع

 

[كويتي2]

اشكر كل اللي رد علي وما قصرتوا اخواني

الايصال الامانة هو اللي موجود بمكتبة الجمعية واللي مكتوب فيه :

اقر واعترف انا ....
واحمل جواز سفر ...
عنوان السكن ....
عنوان العمل ..
بطاقة مدنية ...
بأن للسيد ...
مبلغ وقدره ( ... )
بذمتي على سبيل الامانة وهذا المبلغ ادفعه إليه حين طلبه ولو تأخرت في سداده أكون خائنا للأمانة متحملا كافة المسئوليات الجنائية والمدنية المترتبة على ذلك . واتعهد أمام الله ثم القانون الجنائي .
بأن أدفع للسيد .............. حين طلبه .
وهذا توقيعي بذلك .
المقر بما فيه : ..........
طيب الحين انا كنت ماخذ اكثر من قرض ايامها .. وسلمتها المبلغ ..
سؤالي هل اذا رفعت عليها هذا الايصال راح اخذ حقي ولا ممكن تقول اني انا كتبت بكيفي وهي بس وقعت بالايصال ؟؟ ويمكن تسقط القضية .. وتكسبها ؟؟!! صراحة طليقتي كانت نسره ..

شنو الحل مع العلم ... انها رفعت علي قضية نفقة وطالبتني بمؤخر وفوق شينها قوات عينها خذت مني نفقة كبيرة حيل وانا ما سويت لها شي ولا رفعت من زمان والحين صار لها اكثر من 3 سنوات تاخذ نفقة .. وتوني رفعت عليها قضية بتخفيض النفقة ..

المهم الحين الايصال اقدر ارفعه واخذ حقي بسهولة ولا راح يكون بصعوبة ؟؟
بطريقة سلسة حتى اقدر استوعب ماذا افعل
يا ليت التوضيح وجزاكم الله خير

 

[قناص_السوق]

عندك شهود ؟ و عندك دليل ؟مثلا حولت المبلغ بحسابها ولا كاش في ايدها ؟ اذا كاش ضاع نص حقك

 

[كويتي2]

اخوي بالنسبة للشهود .. يعني انا اقدر اجيب اي شهود وهذه سهله ..

بالنسبة لاستلامها الفلوس فهي خذتهم كاش .. وشنو قصدك بأن نص حقي ضاع ؟

 

[rahaly]

عندك شهود ؟ و عندك دليل ؟مثلا حولت المبلغ بحسابها ولا كاش في ايدها ؟ اذا كاش ضاع نص حقك

غير صحيح ...

المادة 39


في غير المواد التجارية اذا كان التصرف تزيد قيمته على خمسة آلاف دينار او كان غير محدد القيمة ، فلا تجوز شهادة الشهود في اثبات وجوده او انقضائه ما لم يوجد اتفاق او نص يقضي بغير ذلك. ويقدر الالتزام باعتبار قيمته وقت صدور التصرف بغير ضم الملحقات الى الاصل.

 

[كويتي2]

شكرا رحالي ..

بس الحين بعرف الزبدة ... اقدم ولا ما اقدم ؟؟

 

[duaij]

السلام عليكم ورحمة الله ومشكور اخوي رحالي على الافادة الحلوة اللى مذيلة بالمصدر. انت اخوي رحالي مكتب قانوني ؟ اذا مكتب قانوني خل اعرف اي مكتب لو سمحت وعنوانه ومشكورين كل الاخوان اللى شاركوا

 

[rahaly]

شكرا رحالي ..

بس الحين بعرف الزبدة ... اقدم ولا ما اقدم ؟؟

اذا عنك اثباتات كافية على انه كان قرض حسن .. بامكانك اقامة الدعوى
واذا كانت هي لا تنكر القرض .. قضيتك سهلة
اما اذا انكرت وادعت تعامل اخر كالهدية او المساعدة بسبب الصلة
القضية تتعقد

انصحك اعرض قضيتك على محام نصوح - ليرشدك اذا كانت قضيتك فيها امل

والله اعلم

 

[rahaly]

السلام عليكم ورحمة الله ومشكور اخوي رحالي على الافادة الحلوة اللى مذيلة بالمصدر. انت اخوي رحالي مكتب قانوني ؟ اذا مكتب قانوني خل اعرف اي مكتب لو سمحت وعنوانه ومشكورين كل الاخوان اللى شاركوا

اخي الكريم انا محام حر ..
لكنني افضل الا افصح عن مكتبي لان هدفي خدمة الاخوان في القسم ...
وليس التربح هنا ...
السموحة ..

 

[duaij]

السلام عليكم ورحمة الله
مشكور وكثر الله خيرك اخوي رحالي وعسى الله يرحم والدينك