تبي ربح أقل شي 300% ..... وبفترة قياسية !

[المحلل المالي75]

.


.



سلام عليكم .. مساء الخير لجميع القراء وعساكم بصحة طيبه عموما وحنا بإجازه الأن ( الجمعة والسبت ) الواحد ياحاسب نفسه شوي لأخطاء ممكن طاح فيها الأسبوع إلي فات وممكن خلال الشهر إلي فات بسبب توصية ماأعراها أي أهتمام ..!! أو تحليل فني أو شعور بصعود السهم لكنه أستمع إلي من هم أقل حرفيه منه أو ليس من أهل له لهذا السوق ...!!

خلوني أقولكم قصة المجموعة الدولية للإستثمار وبالتحديد بعد رجوعها للتداول بعد قضايا من الهيئة العامة للأوقاف أعتقد .. وبعد دخول / سامي البدر ... رحمه الله

صعد السهم خلال 9 أشهر وحقق ربح 800% تقريبا ..!! منو يصدق هذا (( أخخخ ) أنا كنت معاصر هالوقت وكل يوم وكل أسبوع وشهر وأشوف المجنوعة الدولية بين أكثر صعود أو الأكثر تداول وصفقات .

وبعد سنه أعتقد كتبت موضوع وهذا أسمه : (تبي ربح أقل شي 300% ..... وبفترة قياسية ! ) بعام 2007 كنت أبي أو نبي نستفيد من الأخوان إلي عنده خبره قوية بالسوق علشان ممكن نركب الموجه من أولها وجزاهم الله خير الأخوان ماقصرو وهذا رابط الموضوع ومدري إن كان مخالف للمنتدى ولا لأ .. لكن للتوثيق فقط : http://www.sooqalkuwait.com/vb/showthread.php?t=6804

طبعا راح أقتبس موضوع بالكامل بالمشاركة الثانية اللحين :



.


.​

 

[المحلل المالي75]

[center](( أرجوا الأنتبهاه بأن الموضوع قديم .. لكن نستشهد بوقائع صارت وهي صعود الأسهم صعود صاروخي )) .

---------------------------------------------------

كتب بتاريخ 14/9/2007


السلام عليكم


مبارك عليكم الشهر ياأخوان .... وكل عام وأنتم بخير


أدري كل واحد اللحين متحمس ويبي يعرف شنو هالسهم الخطير وإلي راح يحقق هالربح القوي وبفترة وجيزه.


صلو على النبي .... وهدوا شوي ( هدي هدي هدي )

أول شي راح أستطرد ببعض الأمثلة والتي كانت خير شاهد على موضوعنا وكيف حققت أرباح سوقية وباسباب مختلفة .


وعند سرد اسباب الصعود ..... كان البعض يتخيلها من باب الخيال ومن المستحيل والوصل لتلك الأسعار !



وعلى سبيل المثال .... طبعا أسهم منتقاه وبالترتيب :


1- المجموعة الدولية .... نسبة الصعود 866%

20/3/2005 السعر المسجل 128 فلس
30/10/2005 السعر المسجل 1,040 دينار

المدة : تقريبا 9 أشهر !!!



2- مركز سلطان ..... نسبة الصعود 548%

3/7/2004 السعر المسجل 500 فلس
18/4/2005 السعر المسجل 2,740 دينار

المدة : تقريبا 9 أشهر



3- جيزان العقارية .... نسبة الصعود 525%

7/4/2003 السعر المسجل 750 فلس
11/2/2004 السعر المسجل 3,940 دينار

المدة : تقريبا 10 أشهر



4- إيجيليتي .... نسبة الصعود 428%

26/6/2004 السعر المسجل 1,600 دينار
18/4/2005 السعر المسجل 6,850 فلس

المدة : 8 أشهر



5- المدينة .... نسبة الصعود 375 فلس

4/12/2006 السعر المسجل 240 فلس
9/9/2007 السعر المسجل 850 فلس ( لم يتم إحتساب خصم الأرباح وهي 55 فلس )

المدة : تقريبا 9 أشهر



6- بيان للإستثمار .... نسبة الصعود 360%

12/1/2005 السعر المسجل 410 فلس
26/4/2005 السعر المسجل 1,480 فلس

المدة : 3 أشهر وأسبوعين



7- جيزان العقارية ... نسبة الصعود 360%

7/2/2007 السعر المسجل 136 فلس
19/8/2007 السعر المسجل 495 فلس

المدة : تقريبا 6 أشهر



8- بتروجلف .... نسبة الصعود 344%

16/5/2006 السعر المسجل 244 فلس
10/7/2006 السعر المسجل 820 فلس

المدة : شهر وأسبوعين


انتهت مجموعتنا المنتقاه .... طبعا بلا شك هناك امثلة كثيرة ولايسعنا الأستشهاد بها

كان يترافق صعود تلك الأسهم اخبار إشاعات .... منها الصحيح ومنها دون ذلك , وكان منا مصدق لتلك الأخبار وكان غير ذلك

تخيلو أرباح تفوق رأس المال باكثر من 300% ووصلت إلى 800% بأقل من سنة !

بلا شك ستتغير الحال من حال إلى حال .....

إنزين شنو هالسهم أو الأسهم إلي ممكن راح يحققلنا ربح خلال موسنه .... خلنا إنقول خلال الستة أشهر القادمة يعني باخر شهر 2/2008


طبعا انا ماعندي توصية وماأقدر اشير !! ..... ادري صدمتكم

الموضوع بإختصار :

هي دعوة لأصحاب النظرات المستقبلية واهل الفراسة .... ليدلوا بدلوهم يتوقعوا


ماهو أسم السهم والذي سيحقق أرباح يفوق رأس المال 300% وخلال ستة اشهر فقط ؟

وكل الشكر مقدما من يدلو بدلوه .... وإن شاء الله راح احاول معاكم كقراءة للقائمة المالية للشركة المستقبيلة ووضع توقعات ويمكن إذا جانا خبر ماراح نبخل عليكم بشي .​

[/CENTER]

 

[المحلل المالي75]

طبعا موضوع قديم ويمكن يفيدنا شوي ويعطينا إنطباع عن حقيقة تلك الأسواق أو سوقنا الكويتي خصوصا فعلا هناك أسهم ممكن نعطيك أرباح قوية وبفترة وجزيه جدا ...

إذا أستثنينا منا القابضة لأسباب كثيرة وماحنا بصدد التكلم عنها ... كان سهم المجموعة الدولية للإستثمار كان الأكثر صعودا وتحقيقا للأرباح بوفترة وجيزه جدا ..

واحد من الربع يقول يعرف واحد كان عنده 26 ألف دينار كويتي ويوم كثر الكلام على المجموعة الدولية للإستثمار ووصل ل170 فلس دخل عليه آجل وكان فيه ذاك الوقت تدفع بس 26% أعتقد مونفس اللحين 40,5% وباعه ب250 فلس ورد خذه فيه طبعا مع زيادة الكمية وباعه ب400 فلس ورد خذاه بزيادة كمية لين وصل تقريبا ل900 فلس تقريبا باع وكان رصيده النقدي قريبا للمليون دينار كويتي ....!! طبعا للإمانة مادققت بكلام صاحبنا وممكن نثير الموضوع اللحين شرايكم ..!! حتى لو وصل كاشه لنص مليون يعتبر إنجاز


مابي أكثر عليكم الكلام ويمكن البعض ضاق خلقه شوي بسبب إما لتملكه للمجموعة الدولية وربعها أو داخل على شركات ومتعلق ..!! الله يرزقنا حنا وياكم أمين .​

 

[صبا]

رد

اتوقع سهم مراكز خلال الفتره القادمه وايضا سهم بوبيان د ق

 

[المحلل المالي75]

وأخيرا شاريكم ... أكيد فيه شركات مظلمة بأسعارها الحالية وهم أكيد فيه شركات تستاهل أسعارها ويمكن مبالغ فيها وهي متوجه للإفلاس عساه الله يبعدنا عنهم .

منو يرشح لنا سهم كتحليل أساسي ومتوقع له صعود خلال سنه كامله مانبي شهرين أو 8 شهور وأحب أذكر هناك أسباب كثيرة تسعد على إنه إنعرف وين هالشركة إلي ممكن تصعد مثل :

- إدارج شركة تابعة ذات أداء تشغيلي
- توقعات للخبراء المالين بإرتفاع الطلب على تلك السلعة أو المنشأة
- إرتفاع الإيرادات التشغيلية للشركة يرافقة إرتفاع الأرباح الصافية
- دخول مستثمر جديد لرفع طاقتها الأنتاجية
- أو التخارج من ( عقار - ملكيات ) لتحقيق ربح قوي , مثر هناك شركات لديها خطة خمسية أو أكثر للتخارج من أصول والتوجه لأصول جديدة أو مناطق جديدة .

وياليت الأخوان يدلون برايهم وإن شاء الله نستفيد من الموضوع والشكر للجميع ,,,​

 

[بوخالد8]

استثمارات وطنية
الاسباب
1- توزيعة زين وارباح شركة تابعة
2- قوة مركزها المالي
3- اذا تمت البيعه اضافة الي ارباح زين سوف توزع هذه السنة ارباح طيبة
4- سنتين لم توزع ارباح ووصل السهم الي سعر القاع
هذا توقع وغير مسؤول عن البيع والشراء

 

[بوخالد8]

انا اذكر تلك الفترة جيدا ايام البدر رحمه الله كان سعر السهم مقوع وكان الشيخ داوود السلمان مسيطر قام البدر وشرا من السوق ورفع حصته واخذ الادارة منه ووصل السهم لخانة الدينار مع ارباح قياسية بس اكتشفنا انها ارباح غير تشغيلية مجرد مضاربات الي ان وصلت المجموعة الدولية علي حطة عينك وكله كوم والحفار كوم

 

[الزاجل@2]

اكثر سهم هبوطا في تاريخ بورصه الكويت خلال 3 اشهر اعتقد هو شركة مراكز اقفال
13-12-2010
سعر السهم 600فلس
اقفال 31-3-2011
سعر السهم 130فلس​

 

[المهذب جداً]

هلا محلنا ؛ شلونك يالغالي ؟


شوف :


ثريا صعد من 20 فلس إلى 79 فلس يعني 400% تقريباً


صفوان صعد من 236 إلى 700 فلس يعني 300% تقريباً


وأن أتوقع صعود مدار من 50 فلس حتى 100 فلس يعني 200% تقريباً حلوين


ب وهو السهم الذي لم يكن عليه تداول منذ 11/11/2011 سبب أرباحه من ملكيته في ثريا !

 

[عاشق الجنة]

انزين واللي شرا مشاعر ب١٦٧٠ وباعها ١٢٢ جم خسارته ولا مالاداعي اقولون

 

[جمبازي]

انزين واللي شرا مشاعر ب١٦٧٠ وباعها ١٢٢ جم خسارته ولا مالاداعي اقولون

اخوى عاشق الجنه


براهنك من طرف واحد ..رهان حلال .


اذا صج شريت صفقه ب 1670 ...لك منى 10 دنانير

 

[الغربه]

اخوى عاشق الجنه


براهنك من طرف واحد ..رهان حلال .


اذا صج شريت صفقه ب 1670 ...لك منى 10 دنانير

ههههههههههههه صادوه لان الوحدات بالعشرين فلس يعني ياتقول 1660 او 1680 لان مافيش 1670

 

[جمبازي]

ههههههههههههه صادوه لان الوحدات بالعشرين فلس يعني ياتقول 1660 او 1680 لان مافيش 1670

هههههههههههه

يعنى انت الى راح تدفع ال10 دنانير

 

[حد الدوسه]

[/size]يا شباب خصوصا الجدد ,,انتبهوا ترى اكثر فلوسنا راحت من توصيات ,صبيان المحافظ في المنتديات , ترى كلهم شله ب1000 نك ,,وكلهم يذكرون الله في كلامهم وتوقيعاتهم كلها آيات قرآنيه ,, الايام الي طافت ماراح ترجع !!!!فلوسكم أولى فيها عيالكم !!!!ترى الذيابه مفتحه عيونها تبي كاشكم ,, سوقنا سوق مضاربه ,, وما كو شركه تسوى الواحد يستثمر فيها نص يوم !!!!!

 

[بوفلاح1]

[/size]يا شباب خصوصا الجدد ,,انتبهوا ترى اكثر فلوسنا راحت من توصيات ,صبيان المحافظ في المنتديات , ترى كلهم شله ب1000 نك ,,وكلهم يذكرون الله في كلامهم وتوقيعاتهم كلها آيات قرآنيه ,, الايام الي طافت ماراح ترجع !!!!فلوسكم أولى فيها عيالكم !!!!ترى الذيابه مفتحه عيونها تبي كاشكم ,, سوقنا سوق مضاربه ,, وما كو شركه تسوى الواحد يستثمر فيها نص يوم !!!!!

جزاك الله خير هذا الكلام الصج

 

[الغربه]

هههههههههههه

يعنى انت الى راح تدفع ال10 دنانير

لاخوي انا ماعندي الا 100
اليوم 10 حتى ولدي الصغير مايرضى فيها

 

[فارس777]

ابيار بعد سنه فوق 300٪ من سعرها الحالي35وذلك بسبب. تخارجات عديده مضت وحالية ومالديها من اصول كبيرة ومدرة للارباح التي لم يعلن عنها خلال السنتين الماضيتين وذلك بسبب استقطاع الاحتياطي 39 مليون دينار غير المبرر لان العقار عكس الاتجاة بالارتفاع مخالفا توقعات الازمه العالميه بانخفاض قيمة العقار

 

[العاشرة وبس]

اتوقع ان ما ذكر من اسعار كاااااااااااااااااان من الماضى

 

[مليون واحد]

الوضع الحين اختلف يا المحلل
الحين الاسهم قيمتها بالافلاس حتى اصحاب الشركه مايشترونها
كلام من الماضي
ويستر الله من اللي جاي
وامور كثيره
لاتنسى الوضع السياسي
وحط تحتها الف خط
ولاتنسى الامور اللي صايره بالبرتغال
واعتقد انك انت منت غشيم
وضع السوق كثير الشبه بما ذكره الاخ بومحمد حقائق
(الربيطه والعقاب)

 

[الماصول]

هلا محلنا ؛ شلونك يالغالي ؟


شوف :


ثريا صعد من 20 فلس إلى 79 فلس يعني 400% تقريباً


صفوان صعد من 236 إلى 700 فلس يعني 300% تقريباً


وأن أتوقع صعود مدار من 50 فلس حتى 100 فلس يعني 200% تقريباً حلوين


ب وهو السهم الذي لم يكن عليه تداول منذ 11/11/2011 سبب أرباحه من ملكيته في ثريا !

بصراحه مادخلت اسوق الى قبل شهرين بس يعني الكلام عن شركة ثريا طلع صح بس اسب والي مافي اي احد جاوبني عليه ليش شركة ثريا ماعليه عروض اشي اثاني ليش بلحد الاعلى اذا عرضو نبي سبب يجماعه