قضية التطليق للضرر

[عبدالله85]

فزعتكم يالمحامين ويالمستشارين رحم الله والديكم

السلام عليكم ورحمة الله وبركاته
شخباركم ؟؟ عساكم بخير؟
اخواني وخواتي المستشارين والمحامين ابي رايكم بالقضيه الي بطرحه لكم..؟؟
صارت خطبه بيني وبين بنت الناس وكتب وكتاب وابرام عقد الزواج والمهر وكل شي وتم الاختلاء بالصاله بس مجرد اختلاء وماصار دخول

رفعت عليى قضية طلاق للضرر وخذت القضيه مجراها ورحنا للمحكم الشرعي وكان نتيجة التقرير اقتراح التفريق من غير تعويض لعدم معرفته للمسيء حلو
انا طبعا كنت رافع قضية بيت الطاعه وحكمو لي بالطاعه بالدرجه الاولى وسوت استئناف وقبل سبوعين أيدو حكم الطاعه وتوه قبل شوي اطالع حكم الطلاق للضرر بالانترنت حكمو لنا بقطعي ... يعني شنو هالقطعي ويصير ان يحكمون للضرر وبنفس الوقت حكمو بالطاعه مع العلم ان ماكو شي يدل للضرر لا من تقارير وولا من شي بس مجرد كلام وانتو ادرى بالناس اشلون قامت تبيع ضميرها وتجذب بهالزمن.. وجزاكم الله خير

 

[rahaly]

اخوي حكم الطاعة لا يمنع من الحكم بالطلاق
روح بكره الاستعلام القضائي في المحكمة التي اصدرت الحكم عشان يقولون لك عن حكم الطلاق
ايضا لكي تستأنفه في حال انك غير راض على الحكم
اسمحلي موقع النت ساعات يخلون مصطلحات لا يمكننا ان نعول عليها الا بالسؤال في الاستعلام وهو الافضل

بالتوفيق

 

[عبدالله85]

تسلم اخوي بس ماعليك امر يصير يحكمون ظلم اشكره؟؟

 

[كويتي2]

اخوي انا بكلمك نصيحه لوجه الله ... تبي تكسب القضية ؟؟؟

شوف اخوي .. مع احترامي للمستشارين ..


اكيد هي رفعت الدعوى وانحكم لصالحها غيابي ... لانك اكيد ما حضرت في الجلسة .. لانك لو انك حضرت بالجلسة وقدمت للقاضي حكم الطاعة .. كان راح يجي الحكم من صالحك برفض الدعوى مالتها ... وفي هذه الحالة كانت راح تلجأ للخلع .. والموضوع كان كله راح يصير لصالحك .. وراح يرجع لك المهر والذهب ...
على العموم بسيطة وسهلة ... تقدر تستأنف الحكم لانه كان غيابي وتقدم اوراق الدعوى اللي انحكم فيها الطاعه .

 

[rahaly]

اخوي انا بكلمك نصيحه لوجه الله ... تبي تكسب القضية ؟؟؟

شوف اخوي .. مع احترامي للمستشارين ..


اكيد هي رفعت الدعوى وانحكم لصالحها غيابي ... لانك اكيد ما حضرت في الجلسة .. لانك لو انك حضرت بالجلسة وقدمت للقاضي حكم الطاعة .. كان راح يجي الحكم من صالحك برفض الدعوى مالتها ... وفي هذه الحالة كانت راح تلجأ للخلع .. والموضوع كان كله راح يصير لصالحك .. وراح يرجع لك المهر والذهب ...
على العموم بسيطة وسهلة ... تقدر تستأنف الحكم لانه كان غيابي وتقدم اوراق الدعوى اللي انحكم فيها الطاعه .

اخي الكريم ...
من اين اتيت بان الحكم غيابي ؟؟
يقولك محكم .. وقرر بانه لم يعرف المسئ !!!!!!!!!!!!!!!!!!
يعني كان في حضور وفي محكمين ثم حكم مرجح

الله يهديكم قلناها تكرارا ومرارا ... هذا الموقع قانوني متخصص ..
والاسئلة تتعلق بمصائر ناس .. يعني لو اجبنا خطأ هناك من قد يسمع ويتضرر

فلنعطي الفرصة لاصحاب الاختصاص ليخدموا اخوانهم - جزاكم الله خير

 

[عبدالله85]

السلام عليكم
اخواني وخواتي اليوم شفت حكم قضية طلاق للضرر وحكم القاضي بالطلاق وحرمان الزوجه من كل حقوقها الزوجيه من نفقات ابي اعرف لو ابي نص او كل المهر يرد اشلون وانا ما اطلب بنص المهر الا لاني مادخلت عليها شنو تنصحوني في واكون لكم شاكر