استقاله ويبي نصيحتكم

[بوغيث]

. مساكم الله بالخير جميعا

ولا اعلم ان كان هذا مكان موضوعي المناسب لكن اتمنى اني بالمكان الصحيح وان شالله ما انحرم من نصايحكم واستشاراتكم

الموضوع استشاره ونصيحه

لدي صديق عسكري وصار له عشر سنوات خدمه واكمل المرحله الثانويه مسائي والحين بالمرحله الاخيره بالثانويه وحاب انه لا يتوقف لهذا الحد ويكمل جامعه سوا بالكويت او برا الكويت

وعشان يكمل لازم يقدم استقالته من الخدمه ويتفرغ لدراسه

وعنده التزام شهري 300 دك

وموفر له مبلغ لدراسه 10000 دك

نصيحتي انا له

انا لا يجعل اي شي يقف امامه من اجل اكمال دراسته حتى يحس بشعور الرضى النفسي ونصحته ان يقدم استقالته لان اجرائات الاستقاله يبيلها شهرين علي مايخلص الثانويه

واذا ماتوفق بالدراسه يقدر يسوي اعادة خدمه لوظيفته القديمه

واترك لكم الموضوع لان متاكد ان فيكم من اجدر بالنصح

وشكرا لكم ​

 

[قلم حر]

للعلم العسكري مسموح له يفتح ملف بالتعليم العالي

ويقدر يكمل دراسته وهو على رأس عمله

اما المدني فلا يسمح له بسبب رفض ديوان الخدمه المدنيه

هذه المعلومه من فتره ولا اعلم اذا طرأ عليها اي تغيير


​

 

[khalid592]

شوف عشان يقدر ياخذ قرار بهذا الشي لازم يحط الايجابيات والسلبيات ..

انا شخصيا ما انصحه بالاستقاله لعده اسباب :
اهو يقدر يكمل دراسه بالخارج من غير لا يقول للدوام اللي هو فيه .. يعني يختار جامعه يروح لها بوقت الامتحانات بس ولما يخلص .. يرجع للدوام .. طبعا ياخذ من رصيد اجازاته عادي بالنسبه للتقديم ..

ثانيا بالنسبه لخدمه 10 سنوات مو شويه .. خاصه بالعسكريه .. لانه تقريبا نص الخدمه .. لانه العسكري يحق له التقاعد ب 20 سنه اما المدني 30 سنه .. يعني فيه فرقيه 10 سنوات .. فاذا قدم استقالته وراح مدني راح يدش على تقاعد فوق حدمته 25 سنه اعتقد ..

اذا كانت خدمه 10 سنوات يعني في احسن الظروف عمره لا يقل عن 30 سنه ولو يبي يكمل فوقهم جامعه يكون عمره 35 سنه طبعا 35 سنه وعنده بكالريوس فشنو راح يقدر يقدم بهالعمر لانه هالعمر تقريبا عمر اخذ الحصاد ومو وقته يبدا بعمل جديد بعكس الشاب اللي توه متخرج من الجامعه عمره 22 سنه !!

التزامات 300 دينار شنو راح يسوي فيها ؟ شلون راح يدفعها ؟ لو يصيرله ظرف معين شلون راح يتصرف لا سمح الله وهو اصلا بدون راتب ومطلوب ب 300 دينار شهريا ؟!

رايي في الموضوع ولو انا كنت مكانه لعملت الاتي :
اختار جامعه سهله وتخصص بسيط والجامعه فيها مرونه للموظفين
اسجل بالجامعه واقدم امتحانات وطبعا يكون التقديم من رصيد الاجازات
واكمل بالدوام وما استقيل واخذ راتبي كامل وخدمتي محسوبه

في فرق بين الاثنين .. اهم شي انصحه لا يستقيل بتاتا .. حتى لو وصلت الامور انه يختار الشهاده او الوظفيه من رايي انه يختار الوظيفه .. افضل من الشهاده لانها بكل الاحوال هي مستقبله وهي مصدر الدخل له مدام هو مطلوب ..

وانصحه اخر شي خله يمر ديوان الخدمه وشوف الناس شلون تعاني من الوظايف واهم يحملون شهادات حلوه ..

طبعا اللي مكتوب رايي ويعكس وجهت نظري لوحدي بس .. وقد تكون غير ملائمه للغير ولكن اتمنى ان تطرحها لصديقك ويفكر بالموضوع جيدا

 

[بوغيث]

. كلامكم جدا منطقي

لكن العسكري لا يستطيع ان يفتح ملف بالتعليم العالي الا بموافقة جهة العمل وهذا امر صعب ان يحدث

 

[Maxima]

يقولك النصيحه بجمل
والله اني انصحه لله
ولو انا بمكانه شسوي
اولا ً شوف ياخوي القوانين تغيرت
العسكري يحق له التقاعد بعد 20 سنة مهما كان عمره
المدني لا .. لازم يكون عمره 55 سنة على الاقل وخدمته 25 سنة او 30 سنة
ثانياً خل يضيف شهادته الثانوية يترقى ويصير رقيب او رقيب اول وتفيده بالراتب وتفرق معاه
ثالثاً الزيادات اللي اقروها الحين على الراتب الاساسي راح تسويله الشي الكثير وخصوصا عند التقاعد
رابعاً الكاش اللي عنده خله يسدد فيها ديونه
خامساً يصبر 10 سنين ويرتاح ولا يروح مدني ويطحس فيها الى ان يصير عمره 55 سنة !! وفوقها خدمة طويلة لاتقل عن 25 سنة
سادساً اغلب وظايف خريجين الجامعات وظايف عادية ادارية مافيها اي مميزات وعلى الدرجة الرابعة يعني اذا ماعنده علاوات بحدود 600 الى 700 دينار لايحسبها شي مميز وتروح سنين الدراسة على شي لايستحق

 

[الاحمـد]

شوف عشان يقدر ياخذ قرار بهذا الشي لازم يحط الايجابيات والسلبيات ..

انا شخصيا ما انصحه بالاستقاله لعده اسباب :
اهو يقدر يكمل دراسه بالخارج من غير لا يقول للدوام اللي هو فيه .. يعني يختار جامعه يروح لها بوقت الامتحانات بس ولما يخلص .. يرجع للدوام .. طبعا ياخذ من رصيد اجازاته عادي بالنسبه للتقديم ..

ثانيا بالنسبه لخدمه 10 سنوات مو شويه .. خاصه بالعسكريه .. لانه تقريبا نص الخدمه .. لانه العسكري يحق له التقاعد ب 20 سنه اما المدني 30 سنه .. يعني فيه فرقيه 10 سنوات .. فاذا قدم استقالته وراح مدني راح يدش على تقاعد فوق حدمته 25 سنه اعتقد ..

اذا كانت خدمه 10 سنوات يعني في احسن الظروف عمره لا يقل عن 30 سنه ولو يبي يكمل فوقهم جامعه يكون عمره 35 سنه طبعا 35 سنه وعنده بكالريوس فشنو راح يقدر يقدم بهالعمر لانه هالعمر تقريبا عمر اخذ الحصاد ومو وقته يبدا بعمل جديد بعكس الشاب اللي توه متخرج من الجامعه عمره 22 سنه !!

التزامات 300 دينار شنو راح يسوي فيها ؟ شلون راح يدفعها ؟ لو يصيرله ظرف معين شلون راح يتصرف لا سمح الله وهو اصلا بدون راتب ومطلوب ب 300 دينار شهريا ؟!

رايي في الموضوع ولو انا كنت مكانه لعملت الاتي :
اختار جامعه سهله وتخصص بسيط والجامعه فيها مرونه للموظفين
اسجل بالجامعه واقدم امتحانات وطبعا يكون التقديم من رصيد الاجازات
واكمل بالدوام وما استقيل واخذ راتبي كامل وخدمتي محسوبه

في فرق بين الاثنين .. اهم شي انصحه لا يستقيل بتاتا .. حتى لو وصلت الامور انه يختار الشهاده او الوظفيه من رايي انه يختار الوظيفه .. افضل من الشهاده لانها بكل الاحوال هي مستقبله وهي مصدر الدخل له مدام هو مطلوب ..

وانصحه اخر شي خله يمر ديوان الخدمه وشوف الناس شلون تعاني من الوظايف واهم يحملون شهادات حلوه ..

طبعا اللي مكتوب رايي ويعكس وجهت نظري لوحدي بس .. وقد تكون غير ملائمه للغير ولكن اتمنى ان تطرحها لصديقك ويفكر بالموضوع جيدا

معاك باللي تقولة 100% ​

 

[بوغيث]

شكرا على مروركم لكن الغريب انكم كلكم تتفقون علي نفس الفكره هل يعني ان تفكير صاحبي غلط

 

[kwto_o]

والله اعرف اكثر من واحد استقالوا من الجيش وراحوا مدنيه واستقالوا ثاني مره من المدنيه وارجعوا للعسكريه يقولون لا راتب ولا دوام راحه يقولون انه كل الوزارات تقريبا التحضير بالبصمه يعني العسكريه اهون شوي وبعدين حرام خدمه 10 سنين يعني بعد عشر سنين يقدر يتقاعد والله اعرف عسكريين اعمارهم 38 و39 و40 متقاعدين ومرتاحين جدا واشكالهم صغيره انا اقول لا يستقيل خله يتعب على مكان فيه راحه شوي يدور نقل لمكان احسن

 

[Balloons Shop]

لا يترك وظيفته اللي قعد فيها عشر سنين
ومبلغه يستثمره ويعود عليه بالقسط
الدراسة طموح شخصي مو شرط للوظيفة
في ناس يتخصصون في كذا شهاده ماستر ودكتوراه
لكن لا يوقف .

 

[بوغيث]

شكرا علي دعمكم والله يوفقكم لكن صاحبي مال من دوامه

 

[nabhaan79]

إذا مال هذا شيء ثاني

إذا كان بالداخليه خله لا يطلع وإذا جاب الشهاده حتى لو ما عطوه إذن يدش ضباط عادي حسب ما أعلم

وإذا بالجيش لا السالفه خربانه عندهم

خله يكمل بالدوام وعادي حتى لو جهة عمله ما سمحوله يدرس يجيب الشهاده والتعليم العالي يصدق الشهاده ولا في أي مشاكل كون الجامعة معترف فيها

ترا كل الشباب شوو هالسالفه يداومون ويكملون دراسه من غير إستقاله ولا شي

 

[ezee]

شكرا علي دعمكم والله يوفقكم لكن صاحبي مال من دوامه

يا خوى الله يسلمك ومن بهالدنيا سعيد بوضعة حتى الوزير صدقنى مال من دوامة اعلم يا اخى ان الحال واحد كل العالم مالة من الاوضاع الى تعيشها ومستمرة فيها هذا حال الجميع والراحة بالجنة مو بالدنيا
وانا اخوك الدنيا كد وتعب وعمل ولا الراحة والسعادة بالاخرة يوم يرزقة الله بالجنة وانصحة صاجبك يتمسك بوظيفتة وان كان مال منها ينتقل لمكان افضل لة ويحاول يكمل دراستة حالة حال باجى الاخوان اللى يشتغل ويدرس لين ربى يوفقة ويحصل على الشهادة اصلا الشهادة مالها طعم الا بالتعب والجهد وخصوصا ان كان مو محتاج احد وظيفتة مكفيتة عن حاجة الناس وراتبة ساتر حالة وتقبل مرورى وتحياتى

 

[بوغيث]

شاكر لكم النصح وابي واحد بس مقتنع بتقديم الاستقاله لان الشؤون يمشولك تقريبا ٦٠٠ دك اذا طالب ومتزوج والقصد من هالموضوع ان الشؤون والمبلغ الي معاه يستره لين يخلص حق الدراسه ويسوي اعادة خدمه لنفس العمل وبرتبه اكبر وبمجهود اقل وعناء اقل خصوصا ان عمره ٢٧

 

[بوغيث]

خلوني اشرح لكم اكثر*

رقيب اول باقي له على وكيل ٥ سنوات*

يقول لو اطلع وكمل جامعه وركز فقط علي الجامعه خلال ٣ سنوات ونص يقدر يسوي اعادة خدمه برتبة وكيل او وكيل اول*

او يدش ضابط اختصاص ملازم ١ وجم شهر نقيب*

هذا بخصوص فكرته*

اما من الناحيه الماديه*

الشؤون يخصص ٦٠٠ طالب للمتزوج

والمبلغ الي معاه والي بياخذه من الخدمه يمشي اموره ٣ سنين ونص*

فكرته تفرق معاه ماديه شوي ولكن مرتاح اكثر وتركيز اكثر

خصوصا ماعنده مشكله يتوظف وظيفه بسيطه امن ولا بانزين بس اهم شي ماتعيقه بالدراسه*

ولكم جزيل الشكر

 

[ezee]

الشئون ما يعطونة على طول بيطول وهو يراجع وكشف وما ادرى ايش

 

[بوغيث]

الي اعرفه ان الشؤون متزوج وطالب وتحت 30 يعطوونه