" ما طريقة تقديم العلاج بالخارج "

[شبابي]

السلام عليكم

كيف حالكم يا اخوان ,,

بغيت اعرف شنو اجراءات طلب العلاج بالخارج ؟!

الاوراق المطلوبة - مكان تقديم الطلبات - هل فيها واسطة ؟ - كيفية اختيار الدولة - وغيرها من الامور المهمة ..


ارجوا الافادة وبارك الله فيكم ..

 

[عجبي]

اول شي ما تشوفون شر
اهم الخطوات :
1ـ تقارير من المستشفى وتكون مصدقة من ادارة المستشفى التابع له .
2ـ تقدم طلب الى ادارة العلاج بالخارج ( قرب مستشفى الصباح ) وادخالها الى لجنة .
والله يشافي جميع مرضى المسلمين

 

[Low Fat]

ياخوي بدون لايمشي معاك واسطتك ترا بيعقدونك
حتى لو خلصت من اللجنه ووافقوا على علاج المريض بالخارج
لازم واسطتك يكون معاك حتى لو المعامله عند الموظف راح يقولك ماوصلني شئ
إذا مو الواسطه هو اللي يمشي بالأجراء معاك صدقني راح تتعب على الفاضي
وبالأضافه على كلام أخونا (عجبي)
تتم المراسلات بين المستشفى اللي المريض فيه والمستشفى الأجنبي
اللي راح يعالج فيه وينسقون فيما بينهم ويحطون للمريض موعد

عن تجربه 2006 و 2011

وعسى الله يشفي مرضانا ومرضاكم وجميع مرضى المسلمين.. اللهم آمين.​

 

[شبابي]

تسلمون يا الربع وما قصرتوا ..

طيب منو يراسل المستشفيات . انا ولا الوزارة ؟

ومنو الي يختار المستشفى ؟

 

[شبابي]

يا الربع رحت اليوم وخلصت طلب اللجنة ,,

وعطوني موعد الاسبوع الجاي .. اشوف لي واسطتي ولا ما يحتاج !!

لان الدكتور قالي مدام الي كشف عليك دكتور زائر وطلب علاج بالخارج الامور ماشيه ,,

شرايكم ؟!

 

[لوفي لايث]

انا كشف على بنتي دكتور زائر وقال التشخيص خطا وغير العلاج كانو يعطونها مؤثرات عقلية وطلب اجراء اشعة ماتوجد بالكويت واللجنة رفضت ذا صار لي بابن سينا اخذ واسطتك معاك حتى ماتبهذل والله يشفي مريضك

 

[شبابي]

دعواتكم يا الربع .. موعد اللجنة الاربعاء

وما قدرت اشوفلي واسطة .. ربكم يسرها

 

[الوسييم]

اخوووي شبابي الصحه صعبه حيييل ولازم واسطه بالجنه

وواسطه للجنه العليا اما الدفاع والداخليه سهله حييييل

اذا تقدر علي الدفاع او الداخليه اسهلك

 

[الوسييم]

مساعده ياشباب الي يعرف بالعلاج بالخارج

قدمت كتابي علاج بالخارج علي وزارة الداخلية

المانيـــا (( أخــــن ))

وتم الموافقه عليه من قبل الوزير الداخليه الله يحفظـــه

المشكله ادارة العلاج بالخارج الداخلية

يقولون راجعنا بعد شهر او راح نتصل فيك

يقولون مواعيد المانيا تطوووول حتي يتم تحديد الموعد مع الدكتور

هل صحيح المواعيد تطوووول ياشباب الي سبق وراحو

في ناس قالت شهر وفي ناس قالو شهرين وفي ناس قالو 3 شهور ::verymad::

الي عنده معلومات الله يجزاكم خيـــــر وسبق راح هناك يفيدنااا الله يجزاكم خير


ومالكم غيـــــر الاجر

 

[al7bebe]

على كثر ميزانه وزارة الصحة ماتقدر توفر اطباء من الخارج غير الاطباء القليليين خبرة وعلم

الله يكون بعون المريض وين ماراح

 

[شبابي]

السلام عليكم

اليوم قدمت اوراقي بالكامل .. وراسلو المكتب الصحي بالمانيا ..

بس الي استغربته ان محددين مكان العلاج بهامبرج .. ليش وشنو السبب ما ادري ؟!

وهل في احد مجرب مستشفياتها ..