دورة المؤشرنت للتحليل الفني
50 دينار كويتي
غير تداول بيتك
- بادئ الموضوع الشاطر
- تاريخ البدء
الشاطر
عضو نشط
- التسجيل
- 20 يونيو 2004
- المشاركات
- 1,489
بصراحه صار بيتك دجه
الله يهديهم الي هذي الدرجه مو قادرين على برنامج !!
عموما اخوي الشباب يمدحون الاوسط للتداول
والله يرزقنا وياك من واسع فضله
بارك الله فيك بن عدوان ... نعم برنامج بيتك مايصلح لى واظن اكثر المشتركين مستائيين من البرنامج
نبى اراء الاخوان بعد
ودي ومتردد
عضو نشط
- التسجيل
- 7 يونيو 2005
- المشاركات
- 1,080
حسافه كان برنامج روعه السابق
al7boob_77
عضو نشط
يعطيك العافيه ابو خليفه ... انا عندي يوزر نيم وباسورد وكنت فاتح معاهم حساب بس ما حولت فلوسي عليهم لاني كنت اتداول مع بيتك وكانت عندي اسهم شاريها وناطر اطلع منها .... المهم يا بو خليفه سؤالي لك .. الحين اليوزر نيم انتهى اشتراكه الشهري هل ممكن اجدده اون لاين ؟؟؟ ولا لاء ؟؟ والطريقه ؟
الشركه اليوم اتصلت عليهم مسكرين لاني اتصلت بعد الساعه 2 الظهر
شكلي افكر بالتغير الجدي لهم ... وهل عندهم تداول على الايفون ولا لاء ؟
ووهل ما زال اشتراكم الشهري 10 دنانير اذا انا مو غلطان ؟ او 20 ؟؟ ياليت تبين لي
ادري سالتك جم سؤال بس ياليت تفيدنا
وبالنهايه شنو مميزاتهم وشنو عيوبهم ؟؟ وهل كنت بالسابق تتداول مع بيتك ؟؟
وشكرا لك
أبو فراس 2010
عضو نشط
- التسجيل
- 14 يوليو 2010
- المشاركات
- 168
للأسف هناك ثوره داخل بيتك من قبل بعض الموظفين المتواطئين مع البنوك الاخرى لهز بيتك واضعافه والقريب ان الاداره حتى الان تكتفي بمراقبة الوضع فقط!
المسالم الأول
عضو نشط
- التسجيل
- 5 يوليو 2009
- المشاركات
- 48
اخوي انا أداول عن طريق الوطني بصراحة ممتاز البرنامج فيه نظامين يخيرك فيهم الأول عن طريق النت والثاني يسمي برو يعني بروفشنال وهذا عليه اشتراك شهري 15 دينار ام الاول ببلاش وبالنسبه للاتصال ما شاء الله عليهم يردون بسرعه ونفسهم حلوه وخدمه ممتازه وفتح الحساب عندهم 5000 دينار
عبد المعين
عضو نشط
- التسجيل
- 24 مايو 2009
- المشاركات
- 372
الله يجزاك خير
الظاهر بنحول على الوطنى خلال الاسبوع هذا بصفى المحفظه
اللى حط برنامج بيتك هدم بيتهم
اليوم دخلت على البرنامج ابى اشوف السوق ماقدرت لازم اختار السهم وبعد ما اخترت شركه ماطلعت برنامج فاشل
اذا ما شالوا البرنامج خلال شهر ما راح تلقى احد يتداول وياهم
al7boob_77
عضو نشط
-اخي العزيز انت مشترك بالعادي ولا البرو ؟
- شنو الفرق بينهم ؟
- هل كنت تستخدم بيتك بالسابق او شنو البرنامج السابق لك وليش رحت للوطني ؟
- هل عندهم برنامج حق الايفون ؟
شنو عندهم من مميزات ياليت تذكر لنا اكثر ؟
بالنهايه ياليت من الاخوان اللى مو مستخدمين برنامج بيتك يعني برامج شركات اخرى مثل
1- الوطني للتداول
2- الشرق للوساطه
3- الخليج للتداول
4- الاوسط للتداول
5- مجموعة هيرمس ايفا للتداول
6- الاستثمارات الوطنيه للتداول
وغيرهم من الشركات والوسطاء للتداول ياليت اللى مستخدم وحده من هذوله يفيدنا ايهم افضل ويذكر كم رسومهم الشهريه ام مجانيه وهل متطورين عندهم ايفون يعني يذكر مميزات وعيوب البرنامج من وجهة نظره بصراح ودي اغير عن بيتك ذبحنا .... وشكلي راح اروح لشرق للتداول ولكن بشوف راي الاخوان بالاول
وشكرا لكم
BARKAWI
عضو مميز
- التسجيل
- 4 مارس 2009
- المشاركات
- 3,203
أنا نقلت معظم محفظتي إلى الاستثمارات الوطنية وأبقيت جزء بسيط جدا منها في بيتك للتداول والحمد لله أني فعلت لأنه واضح من آراء جميع الأخوة أن التطبيق الجديد يفشل
تجربتي مع الاستثمارات حتى الآن طيبة إما من ناحية التطبيق اللي عندهم أو من ناحية خدمة العملاء المميزة بحق ويتجاوبون مع أي مشاكل تواجهها بسرعة وحرفية
طبعا كان أهم أسباب انتقالي لهم هو ميزة التداول على الأيفون ، وعندهم برنامج ممتاز جدا وتجد فيه كل ما يلبي احتياجاتك وسريع ومشاكله قليلة هذا مع العلم ان اشتراك النت عندي محودد السرعة أي أنك لست بحاجة لنت سريع جدا
الرسوم 20 دينار لكل بورصة وذلك لتحديث البيانات بشكل تلقائي ، وبإمكانك التداول في جميع الأسواق الخليجية بالإضافة للسوق الأمريكي
أي استفسار أنا حاضر
al7boob_77
عضو نشط
تسلم اخوي برقاوي بس ممكن تاخذ لي جم صوره من البرنامج حق سطح المكتب ابي اشوف امكانياته وطريقة عرض التداول والاسهم اذا ممكن ... اهم حاطين على اليوتيوب شرح حق الايفون وشفته واتصلت عليهم وعجبني بامكانياته ولكن انا مو دايما استخدامي ايفون يعني يهمني استخدام الكمبيوتر المكتبي .. وهل اهم برنامج يتم تثبيته ام موقع تدخل له ارجوا الافاده ... وشكرا لردودك 
ajeeb
عضو نشط
- التسجيل
- 27 أكتوبر 2010
- المشاركات
- 215
سؤال ياخوي البرنامج الاول الي ببلاش هل فيه بيع وشراء كسور
وهل الاسعار والصفقات لحظيه
المسالم الأول
عضو نشط
- التسجيل
- 5 يوليو 2009
- المشاركات
- 48
هلا فيك اخوي اول ما تشترك عندهم يعطونك شهر مجاني بالنسبه للبرو وبعدها انت تقرر تبي تشترك اول لا .
وبالنسبه للفرق بينهم النت مايعطيك الحركه لجميع الأسهم انت تختار مجموعه معينه وتابعها مثل موقع البورصه الي برنامج جافا بس تقدر تبيع وتشتري اما البرو تقدر اتابع جميع الأسهم والبيع والشراء والعروض والطلبات وتقدر تحدد الأسهم الي تبي تابعه بس تقدر تبيع وتشتري وفيه سوق كسور ولما تبي تحط امر بيع او شراء فيه رقم سري يعني باسورد نوع من زيادة الأمان يعني لو تخلي الكمبيوتر وجاء واحد بيلعب او يبيع ويشتري ما يقدر اعتبرها ميزه ممتازه ويكفي لما تتصل فيهم يردون بسرعة واذا استفسرت عن اي شي يردون بنفس جدا راقيه .
وبالنسبه لبرنامج للأيفون سألتهم عنه للاسف ما عندهم وان شاء الله اكون رديت علي اسألتك واسئلة اخوني في الموضوع واي استفسار او سؤال انا حاضر
المسالم الأول
عضو نشط
- التسجيل
- 5 يوليو 2009
- المشاركات
- 48
هذا رقم الوطني للتداول عشان الأخوان الي يبي يستفسرون عن اي شي هم راح يفيدونهم اكثر 1803111 دوامهم من الساعه 8 الي 2.30
al7boob_77
عضو نشط
يعطيك العافيه اخوي المسالم الاول وما قصرت
انا اعرف رقم الوطني للتداول بس انا لما سالت ابي واحد من واقع تجربه بالبرنامج ... يعني لو بسالهم بيمدحونه لك على طول ... بس انا كنت ابي واحد مجرب وابي رايه في برنامجهم ...وتسلم على الرد ويعطيك العافيه
انا هاليومين بصبر على بيتك ... ولكن ناوي من زمان اغير واتوقع جاء وقت التغيير
دورة المؤشرنت للتحليل الفني
50 دينار كويتي