سؤال ياالنشاما

[حاب الخير]

سؤال هل بيت التمويل يشتري لي بيت وماهي الحسبة الله لايهينكم وهل تنصحوني بشراء بيت لان طلبي في 2007 شهر 10 واظن يمكن انطق 15 سنة ماحصلت بيت لاني ابي فيلا بسعد العبدالله

اللي عنده خلفية عن بيت التمويل وحسبتهم يبلغنا الله لايهينهم،،،،،،،،،،



وسؤال ثاني اذا حصلت ارض فاضية مومبنية في سعدالعبدالله هل اقدر اشتريها من صاحبها وابني عليها ويعطوني بنك التسليف السبيعين ام لا استطيع االي يعرف مايقصر يبلغنا

وله دعوه مني

 

[عقاري1]

السلام عليكم - اخوي بالنسبه للي اعرفه اذا بغيت تاخذ عن طريق بيت التمويل - بنضام اسمه الاجاره - لازم اتكون عندك ملائه ماليه - يعني اذا بيت سعره 200الف - لازم ايكون عندك 200 الف كاش او اي املاك - وتدفع لهم نص المبلغ - - وباخذون عليك فايده او ارباح اللي اهو بالسنه 6 بالميه -- وشكرا

 

[haddaq8]

كلام فاضي،،،،أخوي الحسبة كالآتي:

حدك 70 ألف تاخذهم من التمويل إذا معاشك يكفي ، أو اهلك ياخذون معاك هم 70 الف إذا المعاش يكفي ، و طبعا 70 ألف من بنك التسليف إضافي ، و إذا تبي تعرف شكثر احسب 40 % من المعاش (بدون بدل الإيجار صافي قسط التأمينات) و بعدين اخصم أي اقساط أخرى يعطيك الحد الأقصى لقيمة القسط و تحسبها على عدد سنوات التمويل و نسبة ربح البنك على حسب عدد الأقساط طبعا

مثال: معاشك 1500 من غير بدل الإيجار ، اخصم التأمينات 100 دينار ، 40%*1400 = 560 دينار ، نفرض ما عندك أقساط سيارة (احسن تكيشها بأي طريقة علشان ما تخرب على القرض العقاري)، على 15 سنة (180 * 560 = 100800 شاملة نسبة ربح 60% من أصل الدين) ، يعطونك 63 ألف صافي (100800 / 1.6)

على 10 سنوات أرباحهم 40% من أصل الدين

هذي الحسبة على التورق (يسمونه قرض انشائي) ، و حسبة القرض العقاري أرباحها أقل و يطلعلك أكثر بس يرهنون بيتك (لو سمح الله ما قدرت تسدد أو توفاك الله يبيعون بيتك حسب القانون بس ما أدري إذا صارت هالحالات من قبل أو لا)

و إذا اتصلت فيهم أو مريتهم يعطونك الحسبة بدقة أكثر

و موفق إن شاء الله

بس على فكرة ، تاخذ انت و اهلك مع بعض و تخلون شوي من معاشكم احتياط حق اقساط سيارة و ما غير ذلك احسن ، و بهالحالة يتسجل البيت باسمائكم مع بعض

أما بخصوص شراء أرض موزعة من الرعاية السكنية فذلك غير ممكن (البدل فقط)

 

[حاب الخير]

تسلم ياحداق والله يطول بعمرك تفصيلك واضح جدا

الله لايهينك

 

[أبوعبدالله 1974]

وااله نصيحه مدامنك متزوج قبل 3سنين اشتر بيت قبل ما تتمرمط بالايجارات وعيالك صغار لي كبروا زاد الصرف وابتلشت