وكاله او تفويض ؟

[زهره]

كنت ابي استفسر اذا ممكن اسوي وكاله أو تفويض عند كاتب العدل حق ولدي عمره 18 سنه باستلام ايجارات, يصير؟

 

[rahaly]

لا يجوز توكيل قاصر .. فالوكالة من التصرفات التي تحتاج لان يكون الموكل راشد

ممكن تفويض غير رسمي ... يعني كتاب موقع منك

 

[زهره]

انزين هذا الكتاب بالتفويض ممكن اوثقه ؟ أو في اي شي ثاني عشان يكون رسمي؟
يعني بسوي اتفاق وبوثقه ومن ضمن الاتفاق اقدر أذكر انني افوض ولدي فلان باستلام الايجارات؟

 

[rahaly]

اختي ما يقبلون التوكيل لقاصر

واي اجراء رسمي الموثق يشوف ان الموكل قاصر راح يرفضونه

والله اعلم

 

[زهره]

انزين اخوي رحالي شنو تنصحني فيه حسب خبرتك؟ انا بأجر عقار بالشراكه مع شخص وهذا الشخص ما اثق فيه , وكنت ابي طريقه استلم فيها نصيبي من الايجار من غير ما اتعرض للاحتيال من الشريك, عشان جذي فكرت انه يكون ولدي الوسيط, عندك حل ثاني لو تسمح؟

 

[rahaly]

وشنو راح يغير الموضوع اذا ولدج صار عنده وكالة ؟

 

[تأبط خيرا]

انزين اخوي رحالي شنو تنصحني فيه حسب خبرتك؟ انا بأجر عقار بالشراكه مع شخص وهذا الشخص ما اثق فيه , وكنت ابي طريقه استلم فيها نصيبي من الايجار من غير ما اتعرض للاحتيال من الشريك, عشان جذي فكرت انه يكون ولدي الوسيط, عندك حل ثاني لو تسمح؟

سهلة إن شاء الله أختي زهرة

ليه ما يكون إستلام الإيجار عن طريق تحويل بنكي

أو يعطيك شيك ... أي واحد يقدر يدخلة في حسابك

وإذا كان العقار مؤجر بعقد واحد

ما أدري عندي فكرة و ياليت يعلقون عليها الأخوة القانونين لأنها مجرد فكرة مو متأكد منها

إذا كان العقار عبارة عن منزل ... يكتب فيه عقدين منفصلين لكل شريك علي حدة لكن علي نفس الشخص

مثلا ايجار البيت 1000 دينار

أنتي أجري عليه الدور الارضي ب 500

و الشريك يأجر عليه الدور الاول ب 500

علي نفس الشخص و دون تعديل البيت .. لكن حتي تكون علاقتك مع المستأجر مباشرة

(الغاء من الاشراف)