بمناسبة هبوط الريال مقابل الدينار مرة أخرى , كم أسعار التاهو و السوبربان بالمملكة

[aw99]

السلام عليكم

كم أسعار الجديد التاهو و السوبربان , و اليوكن و اليوكن اكـس ال بالسعودية
و هل فيه مكتب يجيبهم مقابل عمولة 200

و شكرا

 

[japan skyline]

الوكالة موجودة بالخفجي

قريب من الكويت مايحتاج مكتب

 

[بومعالي]

الفرق فوق الألف

 

[abatchy007]

عطونا معلومات واسعار هالنوع من السيارات ووين الارخص بالسعودية مكاتب ولا وكالة واذا ممكن احداثيات للقارمن لاماكنهم اذا موجودين عندكم خصوصا وكالات الخفجي

 

[Q8 yes]

مايبيلها قارمن ولا شي دق سلف بعد الجوازات يجيك طريق الكويت الجديد باتجاه الدمام تجيك اول دخله رئيسيه يسار للخفجي ادخلها بعدها يجيك دوار اخذه يسار تجيك الوكاله يسارك وسلامتك واذا مالقيت اللي تبيه اطلبه يجيك من الدمام او المعارض جنب الوكاله وموفق خير يالغالي

 

[خال الحكم]

الفرق فوق الألف

اذا الفرق الف ولا شي
اشتري من اهني احسن
ولا الفرق بسيط
كل سيرفس بطق درب للخفجي
هذا عن نفسي
اكيد غير له راي ثاني​

 

[aw99]

اذا الفرق الف ولا شي
اشتري من اهني احسن
ولا الفرق بسيط
كل سيرفس بطق درب للخفجي
هذا عن نفسي
اكيد غير له راي ثاني​

السيارة مكفوله عند أي وكيل جنرال موتورز سواء بالكويت أو السعودية أو أي بلد
و السيرفس تقدر تسوية بالكويت

http://kuwait.*****.com/ar/cars/chevrolet/suburban/2011/49761/itemdetails.aspx
هذا سوبربان للبيع في كويت كار , أصفار 2011 وارد الخليج و بأرقامه
شوف عاد كم شاريه قبل شهرين بعد , الحين الريال نزل أكثر



Uploaded with ImageShack.us

 

[فيصل99]

انا واحد من الشباب توه ماخذ يوكن 2011 وكالة الجميح الي بالدمام الدرجه العادية الي يجي تشغيل عن بعد وسنسر و ديكورات يا طويل العمر سعرة بالوكاله سعرة 10400 دينار وطلع عليه 11000دينار لانه سحب بالكي نت عند الوكاله وخصمو عليه 600 دينار لان ياخذون عموله البنك وحرام لو انه ماخذه من هني احسن ما فرق السعر الى شوي
فنصيحه اذا بتاخذ من السعوديه اخذ فليساتك كاش اصرف بالكويت والتاهو اكيد ارخص من اليوكن بالف تقريبا

 

[بومعالي]

سوبربان 2011 نوع lt سعره 9650 دينار بالسعودية وعند الغانم 11700

الفرق فوق ألفين !!!

 

[aw99]

بارك الله فيكم جميعا

ياخوان مافي مكتب يجيب سوبربان من السعودية و ياخذ عمولته
عادة المكاتب يجيبون السيارة بسعر أرخص من أنك تروح بنفسك و تشتريها

و بالمناسبه يسلمونها لك بلوحاتها الكويتية بعد
يعني يريحونك من كل هالدوخه مقابل 200 دينار
شغلهم حلو , و صراحة الآن فرصه لأن فرق السعر كبير جدا , و الريال صار ب 0.074 فلس

و اذا مافي مكاتب تسوي هالشي شلون الطريقة

 

[Se7T]

مثل تساؤلاتك
والجمارك جم ياخذون على الموديلات 2007 و2008
فرصة

 

[aw99]

سوبربان 2011

 

[fasal1979]

انا مستعد اوفر اي سياره لكم بالخليج
وكويتي منكم وفيكم
وباوراق رسميه

 

[بو علي]

صباح الخير ياشباب

توني داق علي وكالة العالميه بالخفجي
والاسعار
137 الف ريال لليوكن العادي يعني تقريبا 10200 د.ك
185 الف ريال للاس ال تي تقريبا 14500 د.ك
وكلهم بدون دبل

وقالي الموضف بعد يومين بيكون فيه تنزيلات علي السيارات

بصراحه انا اشوفه مايفرق السعر بالكويت وهونت

 

[fd-29]

الوكيل بالكويت مايستقبل

من اسبوع اتصلت بجنرال موترز مركز الشرق الاوسط الي بدبي وسالة عن الكفاله اذا بحولها للكويت اذا شريت من السعوديه قالو كفالة من الوكيل الي اخذة منه يعني حاله حال الي يجي من امريكا تجاري
اخذ من الوكيل لو مستعمل كويتي احسن وبعض الشغلات تتعطل مايعرفلها الا اهلها بالبيع يفرق
وشكرا
رقم جنرال موتورز دبي ( 0097143143333 )

 

[bobcat]

اخوي لو كاتب بخصوص هبوط الريال افضل من بمناسبة هبوط الريال لان نزوله مو مناسبه عشان تنكتب هالكلمه

 

[جهاد666]

صاحب الاعلان الله يوفقك ويرزقك خير
تبي ادور لك انا بالسعودية اذا تبي اشوف لك شي مستعمل ونظيف تاهو او يوكن ولاابي منك شي سلامتك اذا لقيت شي سعره حلو ارد لك خبر واعطيه عربونه واشوف اموره وتجي تاخذ وتمشي لاهلك احسن لك ان اردت راسلني على الخاص وماابي الاسلامتك مجرد خدمة لله..

 

[aw99]

صاحب الاعلان الله يوفقك ويرزقك خير
تبي ادور لك انا بالسعودية اذا تبي اشوف لك شي مستعمل ونظيف تاهو او يوكن ولاابي منك شي سلامتك اذا لقيت شي سعره حلو ارد لك خبر واعطيه عربونه واشوف اموره وتجي تاخذ وتمشي لاهلك احسن لك ان اردت راسلني على الخاص وماابي الاسلامتك مجرد خدمة لله..

مشكور بارك الله فيك
والله ياخوي ما أثق بالمستعمل بالمره , خطر جدا لسيارة عائلية

 

[khaled6]

نصيحه لك انتظر العروض الذهبيه وهي تبدا ١٥ رمضان يكون فيه خصومات كبيره اكثر الناس تشتري منها اخوي شرى ٢٠٠٩ بالعروض الذهبيه ٩٢٠٠ طلع عليه اليوكن بدون دبل وكان عند بهباني ١١٠٠٠