استفسار عن التداول

[خيال الباجيرو]

السلام عليكم ورحمة الله وبركاته

شباب بغيت استفسر عن شغله

انا عندي حساب بالمقاصه

ومسجل في شركة هيرميس ايفا لتداول وعندي اسهم فيها

المهم

يصير افتح حساب ثاني باسمي وتداول فيه

او يصير افتح بنفس حسابي القديم تداول ثاني في بيتك

 

[مشاوير]

يامرحبا اخوي خيال
نعم يصير انا عندي حساب في المقاصه وحساب ثاني عن طريق بيت التمويل المثنى للتدول
وحياك الله اخوي خيال واي استفسر انشالله نفيدك

 

[خيال الباجيرو]

يعني عادي حسابين

اشكرك اخوي على التوضيح

 

[الصامد.م]

اعتقد مايصير تفتح حسابين بشركتين يعني مثال على ذلك مايصير تبيع بمكتب وتشتري بمكتب ثاني لازم تنقل حسابك للشركة اللي تبي تتداول فيها اتمنى اني فدتك وسامحني اذا كنت غلطان

 

[خيال الباجيرو]

ننتظر الاخوان

 

[hanon2222]

هذا والله أعلم

يجوز تفتح حساب في أكثر من شركة تداول الكتروني مثل بيتك أو الاهلي المتحدة أو ايفا هيرمس.... لان التداول يكون باسم محفظة الشركة وليس باسمك مباشرة... هذا بالنسبة للتداول الالكتروني.

اما بالنسبة للتداول عن طريق مكاتب الوساطة في البورصة فحسب معلوماتي القديمة نسبيا يجوز الشراء والبيع من أكثر من مكتب على أن يكون نوع حسابك ( حساب مجمع ) وله رسوم 10 دينار .. وهذه معلومة قديمة منذ سنتان أو أكثر

 

[تمويل بطيخ]

انزين ياجماعه انا عندي حساب تداول الكتروني بهيرمس ايفا
بدايه هالسنه فتحته وشريت بكل المحفظه
سؤالي فيه رسوم شهريه او سنويه على هالبرنامج والا بس مقتصر على العموله بحال الشراء والبيع
يعني صراحه كدينا خير اذا فيه اشتراك شهري او سنوي
اسهمي موقفه والحبايب يجرجوني اشتراك

 

[خيال الباجيرو]

تمويل بطيخ / سؤالك حلو

ياليت الاخوان يجاوبون عليه

 

[plus q8]

انزين ياجماعه انا عندي حساب تداول الكتروني بهيرمس ايفا
بدايه هالسنه فتحته وشريت بكل المحفظه
سؤالي فيه رسوم شهريه او سنويه على هالبرنامج والا بس مقتصر على العموله بحال الشراء والبيع
يعني صراحه كدينا خير اذا فيه اشتراك شهري او سنوي
اسهمي موقفه والحبايب يجرجوني اشتراك

انا حسابى بهيرمس ايفا اكثر من 6 سنوات العموله فقط على البيع وشرا