للبيع ايفون 4 32 جيجا مقفول الشبكة

[abatchy007]

السلام عليكم للبيع ايفون 4 32 جيجا مقفول الشبكة فيرجين 4.2.1 للحين مانزله فتح الشبكه بس قريب وايد راح ينزل امريكى at&t نظيف كامل اغراضه للاستفسار 90092444 ونبدأ المزاد والي ما يعرف اسعار الايفون لا يسوم رجاءا

 

[ابو أسامة]

100 دينار
على الخاص لو اوكي

 

[السهم الامريكي]

110 كزيادة عالسومة السابقة وشكرا

 

[mishaal 55]

130 شراى 90009971

 

[abatchy007]

مشكورين مو سعره للرفع

 

[f-16]

150 شراي


شرط النظافه والاغراض

 

[abatchy007]

للرفع

قريت في موقع خاص بالجلبريك انه احتمال ينزل فتح الشبكة الاسبوعيين الجايين فرصة قبل لا يفتح ويصير سعره فوق

 

[first knight]

هذا رقمي 65999939 160عندي

 

[abatchy007]

مشكورين على السومات بس هم مو سعره

وعلى فكرة ترا مسويله جيلبريك والي يبي ياخذه راح يكون متروس العاب جديدة كلهم من تنزيلي يعني بس انتظر فتح الشبكة واستانس بارخص ايفون مستعمل مساحة 32جيجا بالسوق وما يفرق بينه وبين المفتوح رسمي شي وفرصة للي يحب ينتهز الفرص

 

[mtc22]

هو المقفول من امريكا واصل للكويت ١٨٠ جديد
وللعلم في الخبر اجهزة الايفون المقفوله على شركت موبايلي ١٨٠٠ ريال واساسا القفل مو مسالت برمجه لو كانت برمجه كان انحلت المساله من زمان
المساله قطعه داخل الجهاز يعني لازم الجهاز يتبطل هذا على حسب معرفتي لان اخوي شرا ايفون 3Gs من امريكا مقفول وحاول يفتح ما قدر وباعه بثمن الايبود
وبعدين قريبا راح ينزل الايفون 5 ولو كان في امل تنفتح الاجهزه المقفوله ما كان عرضته للبيع
عموما لا تقارن جهاز مقفول على شركه امريكية بجهاز مفتوح على جميع الشبكات خلك منصف ان اردت ان تطاع فامر بما هو مستطاع
تحياتي للبايع والشاري*

 

[abatchy007]

وتحياتي لك يالي تتكلم في شي للاسف ما تعرف فيه وهذا اكبر عيب للاسف هالايام انه الواحد يتكلم بالشي الي ما يعرف فيه اول شي ال3gs موجود له انلوك وحتى 4 بس الي مو موجود له التحديث الاخير 4.2.1 وعلى بيس باندات معينه ما ابي اضيع وقتي واعلمك بعد شنو اهو البيسباند والشغله لا اهي قطعه داخليه ( ما ادري منو الي قاص عليك ومقزرها) الشغلة برمجية بحته واخر انلوك سواه واحد مصري معلومة وتقدر تتأكد واتحداك جدام الشباب الي في المنتدى تجيب لي جهاز مغلق ونظيف نظافة الجديد بمبلغ 180دينار وانا اشتريه منك واعيد واكرر نظافة الجديدة والي بياخذ الجهاز بيشوف انه نظيف جدا جدا واعيد واكرر الجهاز ماكو فرق بينه وبين المفتوح الرسمي فقط الانلوك واذا في شي ثاني ياريت تذكره والايفون الجديد ماراح ينزل الا بعد فترة لازم الشركة شوي تتربح زيادة وتنزل الجديد لأنه ال4 ماشي والكل يشتريه الى اليوم ليش تنزل جديد تنطر عليه لي الصيف ويمكن قبل واحتمال كبير بعد والله اعلم وبخصوص اني ببيعه انا اعرف انه مافي له انلوكد وانا شريته علشان ابيعه والرازق بالسما والحاسد بالارض....

 

[mtc22]

انا ما كان ودي الحوار يوصل للتحدي لكن بما انك طلبت وهذا من حقك
انا اولا اسندت المصدر وهو ان شركة موبايلي تبيعه مقفول على 1800 ريال اي ما يعادل 145 تقريبا وكذلك شركة الاتصالات السعوديه هم 1800 ريال مقفول والشركات موجوده بدوله مو بعيده السعوديه في مدينة (((الخبر))) تحديدا
اما مسالة الاجهزه الامريكيه المقفول مواقع المزاد الامريكيه تشهدلي وهو موقع ebay وهو غني عن التعريف ما عليك الا ان تكتب هالعباره في محرك البحث>>>>>Iphone 4 AT&T
وهذا احد الاجهزه المعروضه بحثت عنه بشكل سريع وهو بسعر بيع 619 دولار
وصرف الدولار بـ280 فلس يعني يصير 173 دينار مع شحن ارامكس 7 دنانير يصير 180 وبالكرتون ولاحظ انه سعر حد بيع يعني اي واحد يحط السعر يشتريه ويمكن ما يوصل لهالسعر
http://cgi.ebay.com/APPLE-IPHONE-4-...0496792257?pt=Cell_Phones&hash=item1e623706c1
ولو تدور بتلقون ارخص وتذكر بالكرتون
اما مسالت البرمجه اللي تتكلم عليها اسال عنها اكثر وتاكد بنفسك ويتاكد الموجودين راح يلقونها كل ما نزل تطوير جديد للفيرجن راح يرد ينقفل الجهاز الى ان تنزله كسر حمايه جديد مثل حال الجيلبريك يعني راح يكون حالك شهر معك ايفون والشهر اللي بعده جهاز مؤقت الى ان ينزل كسر حمايه جديد واظن خبرتك بالطريقه السليمه اللي تفتح الجهاز هي انك تغير قطعه داخل الجهاز يعني لازم تبطل الجهاز وهم لاحظ انك اذا انقفل الجهاز مره ثانيه راح تحتاج تغير شريحة التلفون عشان تستخدم التلفون المؤقت لان الشريحه في الايفون 4 لازم تنكسر يعني بهذله واذا نزل كسر حمايه جديد راح ترد تكسرها مره ثانيه!!!!!!
انت بتقول ابيه بسعر 180 دينار مثل ما هو معروض في الموقع انا ارد عليك واقولك الموقع يخدم كل اللي يستخدمون الانترنت يعني ما اظن راح يوصل هالسعر الا من شخص يملك ويستخدم خط من شركة AT&T يعني باختصار راح يستخدمه كتلفون اما احنا هنا راح نستخدمه كآيبود 32 قيقا لان شركة AT&T مو من ضمن الشركات اللي تخدم المنطقه
واترك الموجودين يحكمو ويقرروا انا حبيت اضيف تعليقي لان لاحظتك تعطيهم امل انهم يشترون الجهاز وكانك ضامن ان الجهاز راح ينزل كسر للحمايه خلال شهر السؤال الاهم هل تقارنه بسعر الجهاز المفتوح رسميا؟؟؟؟

اتمنى حطيت النقط على الحروف واثبت للقراء حقيقة الموضوع واظن انت تحديتني اني اجيبلك جهاز اي فون 4 ب180 >>>>>>>>>>>>>>والحين اثبتلك قدام الجميع ان الاجهزه الامريكيه قيمتها 180 واصله الكويت شنو نتيجت التحدي هل راح تعطيني جهازك مجانا او تحدي بالكلام

 

[mtc22]

اذا كانت المشكله في الفيرجن الجديد 4.2
بامكانك ترجع الايفون الى اي فيرجن سابق والبرامج معروفه للاغلبيه
استخدم هذه البرامج ورجعه الي فيرجن سابق واكسر حمايته وبيعه الجهاز غير مقفول
اخوي اكثر من عانا من هذه المشكله لانه كان يدرس في امريكا وشراله جهاز مقفول حسباله السالفه نفس سالفة اجهزت النوكيا وما شابهها

 

[mtc22]

انت قلت هالكلام >>>>((((فيه اول شي ال3gs موجود له انلوك وحتى 4 بس الي مو موجود له التحديث الاخير 4.2.1 وعلى بيس باندات معينه ما ابي اضيع وقتي واعلمك)))
لا تضيع وقتك معاي لاني انا عارف الموضوع باكمله بس اتمنى تبينه للاخوه اللي ما يعرفونه لانك اذا ما بينته راح يكون البيع بيع الغرر وبيع الغرر لا يجوز شرعا لانه فيه علة الجهالة
لا تبرر المشكله وكانها مشكلت فيرجن
انا اكرر اذا كانت المشكله مثل ما تقول في الفيرجن رجع الفيرجن الي فيرجن سابق وافتح الجهاز
انا كلامي واضح ان كان موجود ليس فتح للجهاز دائم وانما كسر حمايه مؤقت اذا نزل فيرجن جديد راح يرد ينقفل مره ثانيه يعني مو حل دائم حاله مثل حال الجيلبريك يعني شهر معاك اي فون فور وشهر معاك ابو ليت
وانت تتكلم ان الايفون4 له انلوك وكلمتك بهالاسلوب مع انه الى الان لا يوجد انلوك الي الان ولم اسمع به لا انا والا الموجودين
تحياتي للجميع واتمنى ان لا يكون هالبيع بيع الغرر ان عرضت سلعه لا تضع امال مستقبليه اعرضها على حالتها يعني باختصار الجهاز حاليا كانه ايبود وهذا الواقع اللي انت مو راضي تتقبله

 

[abatchy007]

اول شي انا اكلم الناس العقلاء وماراح اعور راسي لأنك الظاهر قاعد تخرف وما تعرف شنو تسوي اول شي الجهاز الجديد المفتوح الرسمي 32جيجا سعره 280 دينار واصل الكويت من بريطانيا وبالكويت سعره من 280 الى 320 دينار على حسب المحلات وانت تقول اني اقارن سعره بسعر المفتوح الله يصلحك بس والمستعمل اقل شي ينباع 250 دينار وين المقارنة الي تقول عنها وانا ما قلت اني راح اعطيك الجهاز ببلاش وهذا الي بين انك داخل على طمع والعياذ بالله من الطمع والحسد الي منتشر فيك انا قلت اشتريه منك وشرط جدام الشباب يكون نظافة الجديد وانا ولله الحمد مو محتاج واحد مثلك يعلمني انا اعلم واتعلم بس من الناس الفاهمه وانا اشتري وابيع من النت من 8 سنوات تقريبا 6 سنوات مع ارامكس وسنتين من غيرهم والمواقع ما اعتقد بتوصل مواصيلي ولا انك تقدر تشتري من مواقع ما ترضاها تقبلها الكريدت كارد الي عندك وهذا اخر كلام والله يوفق الي بيشتري الجهاز وبعدين يا ام تي سي انت تهايط انا ما طلبت بالجهاز 250 علشان تقعد تتفلسف واذا على كلامك اهو ايبود صح اهو ايبود الحين بس خل يفتح الشبكة بتشوف سعره بيوصل فوق وهذا شي اسأل فيه محلات التلفونات الي تتعامل معاهم وانا مو مستعيل على بيعته وفي ناس وايد اتصلو علي وقالولي لا اخلي عقلي بعقلك وانا اكبر من جذي وصح هذا الي بسويه اخر رد لي عليك


وهالنصيحة للكل ماعدا الحسودي الي فوق

--------------------------------------------------------------------------------

والي يبي الجهاز ومستعد ينطر مثلي لأني انا عندي جهاز خاص فيني هم جايبه لي ومخليه لوقت فتح الشبكة ارخص من اني اشتري واحد جديد 280 او مستعمل فوق ال250دينار يا واخوان انا انصحكم نصيحة لا احد يغامر في الشراء من الايباي لأنه فيه بايعين يحطون لك وصف ولمن تشتري تكتشف انه شي ثاني انا واحد من الناس الي انغشيت اكثر من مره بس الحمد عرفت ارجع حقي وبالقانون والي يبي اي معلومات او خدمات انا حاضر ورقمي موجود 90092444

وفي شغلات مستعد اوريه للي يبي عن الغش في الايباي عندي ناس شاريين اجهزه من ناس ثقة بالايباي وبالاخير واصلهم فقط كرتونة مع الاكسسوارات طيب وين الجهاز الاخ يقول انا ارسلته وباين الجذب من كلامه لأنه قال نسيت ارسله وطبعا عن طريق الايميل يكلمنا مو عن طريق برنامج الايباي علشان لا يبين جذبه وبالاخير طلع نصاب وقدرت ارجع للرجال فلوسه ورجعنا الكرتون له عن الحلال والحرام الي ما يعرفونه الناس هالايام

 

[mtc22]

انت اللي طلبت اثبات واثبتلك السعر الجهاز واصل من امريكا ب١٨٠ اما مسالت الغش الغش في كل مكان
واللي يبي يتعامل مع الايباي في تقييم للاشخاص اللي يبيعون فانا مو مكان اشرح طريقة البيع عن طريق الايباي
المغزى من هالموقع هو اثبات ان سعر الجهاز لا يتجاوز ١٨٠ دينار واصل للكويت
خلاص لا يعورون راسهم يروحون للسعوية ويشترونه ب١٨٠٠ ريال من شركة الاتصالات السعوديه مقفول عليها
الاهم انك اعترفت انه حاليا آيبود يعني لاتلومني اذا سمته على هالاساس
انا حبيت ابين للجميع ان المساله ماهي برمجه مثل ما تقول المساله قطعه داخليه يعني لازم الجهاز يتبطل
عموما الكل سمع
وانت قلت المشكله في الفيرجن 4.2
ورديت عليك وقلتلك في برامج ترجعلك الفيرجن الى الفيرجن قديم رجعه وافتح الجهاز اذا كلامك صحيح ان المشكله في الفيرجن
وتذكر انت اللي طلبت تحدي واثبتلك كلامي بمواقع وبمصادر ملموسه اما انت تتكلم بكلام عام ووعود مستقبليه ما حصلت يعني كانك تبيع الشحومية ( الربيان الصغير) بسعر الربيان الجامبو وتقول انتظروها تصير جامبوا
انا ما كنت برد اساسا بس انت تحديتني امام الجميع وهذا سبب الرد
اما تقول انا داخل على طمع لا تخاف الخير واجد انا حبيت ابين لك انك تتحدى كلام في كلام
وانت تحديتني اني اجيبلك جهاز نظيف ومغلق ب١٨٠ انا اعترف ما راح اقد اجيبلك لان الجهاز المغلق وجديد اساسا ما يوصل هالسعر سعره اقل بكثير لانه الجهاز المغلق وجديد سعره ١٨٠٠ ريال يعني ب١٤٥ دينار لو شريته ب١٤٥ وعرضته ب١٨٠ بيطيح بجبدي