سويسرا وانترلاكن

[بادئ التجاره]

السلام عليكم ورحمة الله وبركاته

اللى عنده معلومات عن انترلاكن وعن الاماكن اللى نزورها هناك لا تبخلون علينا واللى يعرف شقه من غرفتين يدلني لان اغلب الفنادق فل ومافي امكانيه علما بان السفره راح تكون من 25-6 لغايه 29-6 اي 4 ليالي


والله يعطيكم العافيه

 

[خالـــــد]

اخوي المحترم

انترلاكن عباره عن قريتين صغار انترلاكس اوست و انترلاكن ايست وكلهم يم بعض

و الفنادق كلها عباره عن فنادق صغيره جدا حلوه محترمه و نظيفه ويوجد فندق واحد فخم فخم بس بصراحه مو ذاكر اسمه بس اسكن بالصغار اونس و تعيش تجربه جديده

المنطقه ما تحتاج لا خريطه ولا دلاله تمشى هناك ولا تشيل معاك تلفون او ساعه

حاول ترتاح نفسيا لانها للراحه فقط

و الفترة الي تروح فيها ما فيها زحمه لانها بالاصل منتجع شتوي لديهم لمتسلقي الجبال و السوالف هاذي

واتمنى اكون فدتك و اسمحلنا على القصور

 

[خالـــــد]

اذا توهقت هناك وماعندك حجز روح عند محطة القطار

راح تلقى بره مظله نفس مظلة استراحات انتظار الباصات راح تلقى فيها صور الفنادق و يم كل صوره رقم تلفون و معلق تلفون فيها ايضا اختار الرقم من الصور و دق تلفون على الفندق العاجبك تأكد فيه حجز او لا و اي فندق تلقى فيه حجز عاد تروحله بدون لا تتعب نفسك و تروح من فندق الى فندق

 

[الكويت غاليه]

انترلاكن هي منطقه الالعاب الشتويه وهي قريه وحده لا شرق ولاغرب
والاوست والوست ماهم الا محطتين للقطار بينهم عشر دقايق مشي. مافيها ترفيه بالصيف لكن هي منطقه للراحه والاستمتاع بالجو العلييييل.

 

[الدينار]

بالتوفيق

 

[الدينار]

أنترلاكن قريه جميله وسط سويسرا
3 مرات أزور هذه القريه
من الفنادق اللى سكنتها البوريفاج 5 نجوم والمتروبول 4 نجوم وجولدى 3 نجوم وكلها ممتازة لكن أفضل المتروبول بسبب أطلالته على الحديقة والجبل وأختار الغرف الديلوكس فى أعلى الفندق

من أنترلاكن تزور عدة قرى ومدن
منها جريندل فالد والقمه المشهورة هناك قمة فيرست وقمة مانليشن
وممكن عن طريق سبيز وبعدها باص فى فروتيجن ومن ثم الى قرية ميثولز تزور البحيرة الزرقاء البلو سى وبحيرة أوشنن سى
ومنها تروح أعلى قمة يونيفريوخ
ومنها الى لوزيرن وقمة ريجى وبيلاتوس
وستيشن أوست وستيشن وست هما محطتين للقطار بينهم 500 متر تقريبا وحده المحطة الشرقية والثانية المحطة الغربية وفيهم بواخر للجولات البحرية
عموما
اذا كان سفرتك الى سويسرا فقط
يكون خط سيرك جنيف مونترو زيرمات انترلاكن لوزيرن ومن ثم جنيف
أنا حافظ سويسرا حفظ اذا عندك أى سؤال حاضر

 

[ابو غانم]

الله يا انترلاكن معشوقتي الساحره

يبا روح لها وماتحسف والله جمال وهدوء وشي خيال وفنادقها حلوه ونظيفه .. بس صراحه يبي لك سياره هناك وبدون سياره ماراح تستانس ابدا .. وتتجول من مكان الى مكان وترجع لها .. ذكرتني بايامها الحلوه .. راجع لها انشالله