صبغ تجميلي

[بوفواز8]

السلام عليكم
اخواني بارك الله فيكم امس رايح افحص cls باخذة لخوي المهم فحصنا الحمدالله كل شي اوكي لكن في صبغ تجميلي من غير معجون الفحص يقول مو دعمة صبغ المهم راعي الموتر صغير بالعمر وقالي يبة انا اي شخطة على الباب اروح اصبغه وقالي لو ادري انه بيأثر ماصبغتة مبين علي علي نيتة مسكين بس انا ابي اعرف الصبغ التجميلي يأثر على السيارة او لا للعلم الكبوت والسقف والدبة خالي من الصبغ شرايكم انصحوني بارك الله فيكم والله يرزقنا بكل خير معاكم

 

[كنكون]

اكيد يأثر على السياره
طبعا الصبغ ماراح يكون 100% مثل الوكاله
من ناحيه البيع والشراء
يعنى اذا السياره من 6 الاف وتحت ماعندي مشكله اذا فيها صبغ تجميلي قطعه او قطعتين
اما اذا السياره فوق 6 الاف لا والله اخذ شي زين ونظيف مومصبوغ
وبعدين راح تحس فيها لجيت تبيع السياره من تقول السياره مصبوغه اعرف طاح من قيمتها مبلغ وقدره

 

[Se7T]

حسب ثقافتنا في الكويت
الصبغ اهم من المكينة والمحركات بالنسبة للبيع والشراء
كل ماقل عدد القطع المصبوغه زادت قيمة السيارة
هذا مفهوم عام
وياليت تذكرلنا وين صبغت
وجم قطعه مصبوغه
اذا طعتين ثلاث توكل على الله
اما اذا واجد لاوالله يااخي حرام تقط فوق 7 الاف وبكرى يكسرون فيك الشريطية عمييي مصبوغة وبيها ومابيها !

 

[recommeneded]

اخوي توكل على الله الصبغ التجميلي مايائر بشي لانه يمكن انزلغت السياره او احد فتح الباب عليها شلون يعني ما اصبغ علشان خاطر الشريطيه توكل الو مالك شغل بالحجي الفاضي اذا بتستعمل

 

[الوالي@]

السلام عليكم اخذ السيارة وتوكل على الله

مادام الشاصي والمحركات اوكي

بعدين شنو سالفة قطعة وقطعتين احنا داشين مخطط سكني