واحد من الربع عارض علي شقة بالصوابر ب 140 الف دينار تسوى ؟

[تاجر جملة]

السلام عليكم
عندي واحد من الربع عارض علي شقة بالصوابر ب 140 الف دينار طبعا آنا ما عندي كاش بس اتفقت معاه اتفاق مبدئي أن أعطيه شقة تمليك سعرها بالسوق 75 الف دينار و أزيده 65 الف دينار

طبعا آنا شقة الصوابر مو هامتني لكن يمكن بعد كم سنة يحوشها التثمين و أستفيد منها

اشرايكم تسوى المغامرة و الا لأ​

 

[المهندس حسين]

توني سامع من الشباب في الديوانية إن الحكومة على وشك تثمين الشقق وتصل الأسعار إلى 250 ألف دينار لكن لا أعلم مدى دقة هذا الكلام ... مجرد حكي دواوين لأني ما قرأت شي رسمي بهالخصوص

 

[عقاري1]

السلام عليكم - اخوي الاخبار الشبه المؤكده انه التثمين ياي عليها - وفي احد التجار صارله اكثر من سنتين واهو قاعد يشري بشقق الصوابر - بس احسب احسابك اخوي انه الحكومه نفسها اطويل ورتينها ايطول يعني يمكن اطول الشغله -اتكون انت حاسب حسبتك - - والقرار الاول والاخير يرجعلك فكر واستخير واستشير --وموفق

 

[تاجر جملة]

مشكورين يا اخوان
آنا فعلا من 3 سنين كنت ناوي أشتري بالصوابر بس واحد من العقاريين قالي ان سعر المتر 4000 دينار فقلت يعني الشقة اللي مساحتها 250 م راح يكون سعرها 1 مليون دينار فقال لي ما ياخذون المساحة الأجمالية ياخذون مساحة المشاع و اللي هي 67 م في 4000 دينار يعني 268 الف دينار لكن خايف ينزل سعر المتر و أتوهق فيها خصوصا أن هذي الأسعار من 3 سنوات يعني بعز الأرتفاع

 

[Bo ayed]

المغامرة حلوة ولكن تكون على قدر المسؤولية
لذلك اذا عندك معلومة تسوى المغامرة توكل على الله
ولو انا منك بالفلوس اللي تبي تشتري فيها اخذ بيت واجره ويكون مدخول استثماري طيب لك

 

[بـ1ـدر]

بـ140 دينار تشتري لك بيت .. وتأجرها من فوق لتحت بربح اكثر من الشقة