ممكن تنصحوني

[بوفواز8]

اخواني عندي 7000 الي 8000 شنو اقدر اشتري سيارة زينة واهم شي تنباع لاني استخدمت كادلاك ووقف في بلعومي ماينباع وبعته بخسارة كبيرة الحمدالله ولكن بغيت تنصحوني بسيارة حلوة وممتاز والله يعطيكم العافية وشكرا للجميع

 

[ابو سالم1]

ارشحلك 3 سيارات ممتازة وبيعتها بسرعة

لكزس

كامرى

اوريون

الله يوفقك ان شاء الله

 

[B-A-1983-A-B]

والله ياخوي الناس ماشية مع موجة التويوتا مع اني ماحبها كسيارة ولكن السوق يمشي فية التيوتا ان كانت كامري او اوريون او لكزس بجميع انواعها اذا تبي يديد انصحك بالاوريون او هوندا اكورد واذا تبي مستعمل عليك بالكزس او اللاند كروزر وعسى الله يبارج لك بحلالك ويرزقك السيارة الطيبة الي تسر خاطرك

 

[بوفواز8]

الله يجزاكم كل خير ماقصرتوا

هل الكزس الامريكي زين؟
معروض علي 460 ب9000 شرايكم

 

[B-A-1983-A-B]

^^^
ترى اللكزس الامريكي زين ولكن وقت البيع يمكن يدقر معاك شوي ،،، فخلك على الساير اذا انت ناوي تبيع بعد مده اريح لك عشان مايعلك ولو انه كاستعمال بالنسبة لي نفس الشي ماكو فرق ولكن النفسية وقت البيع عند المشتري تفرق ..... !

abdullah6868 هذا نك واحد من الاخوان معانا بالمنتدى ينقالة بو علي ريال نصوح وان شاء الله يفيدك اكثر من عندي اذا استشرتة للعلم اهو راعي خبرة وعنده مكتب توريد سيارات على ماعتقد وبينصحك اكثر اذا بتشتري امريكي او وارد الكويت

 

[Se7T]

اريون
افلون
برادو
رغم اني اكره الياباني بس السوق ونظام الشريطية معلقين هالسيارة
او اخذلك يوكن او تاهو
اسعارهم فيهم وبسرعه ينباعون
مايفرقون واجد عن التيوتا
واريح منها واكبر

 

[عبدالعزيز1]

برادو .. لاند كروزر .. لكزس

 

[عبدالعزيز1]

وزييد عليهم يوكن

 

[ابو سالم1]

الله يجزاكم كل خير ماقصرتوا

هل الكزس الامريكي زين؟
معروض علي 460 ب9000 شرايكم

انحش عن الامريكي اذا بقيت تبيع ينشب بالحلق

الساير ينباع بسرعة