شي عجيب شنو قاعد يصير بالبورصه

[مستثمر 2008]

شي عجيب شنو قاعد يصير بالبورصه .


اسعار الاسهم ....... وصلت الى اسعار جدا خياليه ......

الى متى مسلسل هل النزول الذي ابتدأ من سنه 2008 .....

اقتصاد الدوله متين ...... والشركات والتى تعتبر مراة الاقتصاد اسعار بالنازل ......

الصراحه شي لا يصدق ......

 

[Winchester SX3]

اللهم لك الحمد والشكر على نعمة النفط

اللهم أسألك أن تديم النعم علينا وتزيدنا من فضلك
اللهم أبعد عنا تجار المصلحه الشخصيه المضرين بالبلد

 

[Trillion]

اللهم لك الحمد والشكر على نعمة النفط

اللهم أسألك أن تديم النعم علينا وتزيدنا من فضلك
اللهم أبعد عنا تجار المصلحه الشخصيه المضرين بالبلد

امين

 

[مقام العز]

خذها مني وقالها قبلي النائب جمال العمر قبل ثلاث سنوات الحكومات هي اللي قاعده تكيش وتنزل الاسواق يعتقدون بتكسير الاسواق ترضخ الشعوب وتتكبل مادروا الناس بتنفجر, نصيحه ابعدوا عن الاسواق.

 

[gulf]

الوضع حالي نتيجة التداعيات السياسيه في المنطقه ليش تلقون اللوم على التجار الكبار ترى حالهم من حالنا هم عندهم أسهم ونزلت .

 

[sgs_q8]

الوضع حالي نتيجة التداعيات السياسيه في المنطقه ليش تلقون اللوم على التجار الكبار ترى حالهم من حالنا هم عندهم أسهم ونزلت .

التجار الكبار فلوسهم مو بالبورصةوأكبر دليل عدم إدراج شركاتهم الأم (الأساسية) يعني فهمني ليش شركة الخير مو مدرجه وليش kdd بعد مومدرجة وليش كواليتي نت مو مدرجة وليش الشركة الأحمدية مو مدرجه وليش وليش وليش وهذه لجنة المناقصات المركزية وشوف على منو ترسي المناقصات الدسمة كلها أو بمعنى أدق أغلبها لشركات عائلية غير مدرجة أما إلي بالبورصة فهيا فلوسي وفلوسك وفلوس العملاء متمثله بالصناديق والمحافظ وتتم إدارتها من قبل هالتجار بشكل غير مباشر يعني إخذ من جيسه وعايدة

 

[knm]

يبون يردون الاسهم لسعر الاكتتاب

 

[مساهم متواضع]

الوضع حالي نتيجة التداعيات السياسيه في المنطقه ليش تلقون اللوم على التجار الكبار ترى حالهم من حالنا هم عندهم أسهم ونزلت .

اي تداعيات يا خوي السوق الليبي نزل 7 نقاط والعماني طلع 295 نقطة وسوقنا 159 نقطه نزل ؟؟!!!

وتقولي تداعيات الله يهداك ترا سوقنا ما يقدر يمزل اكثر من جذي لو يقدر كان نزل لكن حده :d

 

[خيال الباجيرو]

انتم تبون بس تربحون ما تبون تخسرون ..؟

أسمع أخوي وخلها حكمه على بالك ../


ما بعد الطلوع الا النزول ... وما بعد النزول الا الطلوع ..!

 

[Dream stock]

خذها مني وقالها قبلي النائب جمال العمر قبل ثلاث سنوات الحكومات هي اللي قاعده تكيش وتنزل الاسواق يعتقدون بتكسير الاسواق ترضخ الشعوب وتتكبل مادروا الناس بتنفجر, نصيحه ابعدوا عن الاسواق.

والله وأنا بعد سمع هذا الكلام ::verymad:: على لسان أكثر من شخصية اقتصادية .

 

[مساهم متواضع]

انتم تبون بس تربحون ما تبون تخسرون ..؟

أسمع أخوي وخلها حكمه على بالك ../


ما بعد الطلوع الا النزول ... وما بعد النزول الا الطلوع ..!

خوي انا مع النزول لكن مفروض النزول يكون له سبب ما يصير جذي لما تاجر يبي يخفس سهم يخفسه ولما يبي يصعده يصعده وماله شغل بتحليل فني ولا وضع اقتصادي للبلد ولا شي بس جذي يبي السهم ينزله مثلا كل يوم يقط حد ادنى يخفس السهم يجمع ويصعده يبيع

ترا ما يصير جذي مفروض فيه اسباب ومؤشرات ومؤثرات للسوق الموضوع مو شبرة خضرة ... حتى شبرة الخضرة لها اسعار ثابته وقوانين

 

[خيال الباجيرو]

أخوي الشركه مثلا حاطه فلوسها داخل التجوري .. والفلوس تكاثر من نفسها ..؟

لا .. أكيد لها أستثمارات خارجيه في مصر ..الخ من الدول


يعني أكيد فيها خوف السالفه ..؟


انت ما تدري شنو اللي بالشركه من كواليس ../

 

[ابو ريناد]

هبوط حاد بالاسهم وبالبورصه الكويتية لايمكن تبريرة وغير منطقي جدا

وبصراحة اعتقد واكاد اجزم بانها مفتعلة من قبل بعض المحافظ لاأقتناص الاسهم باسعار متدنيه جدا
الدول التي تعرضت للأظطرابات اصبحت اساوقها خضراء وعلي سبيل المثال البورصه العمانية

واذا كان من يدعي بان هذا الهبوط بسبب ان بعض الشركات المدرجة لها استثمارات في الجمهورية المصريه لابد ان يكون التداعيات تنحصر في هذة الشركات واسهمها فقط

وهناك من يعتقد بأن صفقة شراء اسهم زين وانقضاء المدة دون البيع مبرر لايرقي بأن تهبط البورصة لهذا السبب الشركة محملة بالارباح ولاخوف علي حملة الاسهم

البترول في ارتفاع وهذا برأي الكثيريين سبب قوي بان تتجاوب البورصات الخليجية له وترتفع

حال البورصه الكويتية غريب عجيب ولا اجد سبب منطقي لهذا الهبوط سوى عزوف المحافظ عن الشراء وتخلصها من الاسهم التي لديها علي فترات متفاوته قبل نهاية شهر فبراير
ومحاولة الاستفادة من الازمات المحيطة وتخويف صغارالمستثمريين ودفعهم للخوف والتخلص من الاسهم التي بحوزتهم

هذا ماوددت كتابتة

تحياتي للجميع

 

[الراقي]

في نزول وفي بيع ومافي مشتري وسبب مافي ثقة ونحتاج الى وقت طويل حتى تعود الثقة