بنك الخليج يتقاضى دينارين عن كل حساب اقل من 100

[جديد قديم]

السلام عليكم

تفاجأت اليوم بخصم مبلغ دينارين من حساب الراتب , حيث ان حسابي فيه اقل من 100 دينار , اتصلت على خدمة العملاء فقالت لي الموظفة ان الدينارين خصم من الحساب كونه فيه اقل من 100 دينار !!!!!

و منها الى البنك المركزي ارجو النظر في هذا الامر الذي يعد سابقة خطيرة و اختلاس عينك عينك من الحسابات ,,,,,, ​

 

[aliii]

خبرك قديم ... من زمان والبنوك تخصم دينارين شهريا اذا رصيدك أقل من 100



.

 

[سهمك اخضر]

اظاهر البنوك تعوض خساير البورصه على ظهور العملاء

بنك يأخذ 10 على خدمه المسجات

بنك ياخذ دينارين من الرصيد

بنتظار الافكار الجايه من البنوك

 

[Trillion]

اظاهر البنوك تعوض خساير البورصه على ظهور العملاء

بنك يأخذ 10 على خدمه المسجات

بنك ياخذ دينارين من الرصيد

بنتظار الافكار الجايه من البنوك

اي والله صدقت

 

[عقاري1]

اخوي جميع البنوك تخصم دينارين اذا حسابك تحت ال100 ---

 

[ali kh]

من زماااااااااااااااان
يالحبيب

​

​

 

[عليمي و مقرود]

البنوك الامريكية والاوروبية التي تديرها عقليات يهودية لم ولن تتجرأ على فعل ما عملته البنوك الكويتية تحت غطاء البنك المركزي.
لاول مرة بحياتي اشوف هذه السرقات تتم في عز النهار بموافقة الحكومة.... ومثال على ذلك:-
جميع البنوك الاجنبية في امريكا، اوربا و اسيا يتم اصدار البطاقات الائتمانية وتجديدها مجاناً الا عندنا بالكويت يتم دفع مبلغ 80 دولار سنويا ومثلهم عند التجديد

وبما ان الكويت والدستور المادة الثانية منه تقول: ان دين الدولة الاسلام وان الشريعة الاسلامية مصدر رئيسي للتشريع ، والدين الاسلامي يحرم اخذ الفوائد ولكن للاسف من يسمع او يعترض على ذلك

يجب على كل من تضرر من هذه البنوك الانضمام لفريق يتم انشائه بحول لله عن قريب لمحاربة هذه النوعية من سراق العصر وسرقة قوت الشعب
والله ولي التوفيق

 

[عديل الروح]

بنك حقير حقير حقير

هالدينارين حتى بأثر رجعي ياخذهم

ناهيك عن امور اخرى خلتني احول راتبي من عندهم وأسحب ما تبقى من مبلغ وكسرت الكرت وحذفته عند باب البنك

أحقر بنك يستنزف ويسرق اموال عملائه ...

 

[Business Girl]

مادري اشفيهم البنوك هالايام على البوق

دعاياتهم ورواتبهم كله على احسابنا

 

[الغرقان]

يا اخوان انا حسابي فى بنك الكويت الدولى مافى اي خصم اذا كان الرصيد اقل من 100 دينار وخدمة المسجات مجانا الله يخلى البنوك الاسلاميه

 

[تويجر]

الوطني هم ما يخصم اذا اقل من 100

 

[starQ8]

البنك ما يخصم دينارين اذا كان عليك قرض يكون البنك ماكل منك وخالص والبنوك بلكويت حراميه وما يردون علي احد وساكلون من العملاء ويطلعون ارباح منك غصب وشااااااااااااكرلكم

 

[saeed]

المتعارف عليه من سنين اذا حسابك جاري لازم مايقل عن 100

اما الحساب العادى ما ياخذ منك شي حتى لو تصفره

بخصوص بنك الخليج سوالفه واجد منها بياخذون القسط مرتين من راتب شهر

اخوى ماخذ منهم قرض نزل معاشه اخر الشهر خذوا منه القسط بقا عنده رصيد احتاج بنص الشهر راح يسحب البنك يقوله المبلغ محجوز دق عليهم الموظف يقوله علشان ما ناخذ من الالف ليما ينزل !!!

ما الومه حاطينه حق زف العملاء وبيرقع اللى ما يترقع اشلون بتاخذون قسطين من راتب شهر

والله بعد النرفزه والدوخه شالوا الحجز وراح سحب الباقى من معاشه

 

[راعي_أسهم]

إذا مقترض مايخصمون عليك دينارين

 

[قطاع الارماس]

الوطني هم ما يخصم اذا اقل من 100

الظاهر رصيدك مانزل اقل من 100 دينار الله يوفقك
نعم الوطنى يخصم 2 دينار اذى اقل من 100 دبنار

 

[لهيب]

اخوي جديد قديم خلصوا فلوس المنحه

 

[ودي ومتردد]

يخصم دينارين اذا حسابك فاتحه 100 دينار

اما الجاري عادي مايخصم

 

[الغرقان]

المختصر المفيد البنوك الاسلاميه ما تخصم دينارين

 

[UNDER_0]

المختصر المفيد انا احنا شعب ما يتكلم مهما سووا زادوا السعر او ارفعوا شي عادي نتحلطم شوي بعدين نستسلم للأمر الواقع !!

لو تصير حمله منظمه على كل شي يرتفع او ينخصم من دون وجه حق محد راح يتجرأ يسوي هالسوالف


سوو حملة مقاطعة البنوك اللي تخصم مبالغ بدون وجه حق وهذا ويهي اذا ما غيروا سياستهم بعد جم يوم

مثال "حملة خلوها تصدي " اللي سووها الاخوه السعوديين على السيارات

 

[صقر2010]

شلون دريت بهالخصم؟؟
متى دريت؟؟؟
ليش في أحد بالكويت رصيده أقل من100دينار!!
حرام عليكم حاسدينهم ع هالدينارين؟؟
وراهم ايجارات وموظفين

ياحبيبي صارلهم عشر تعش سنه وهم يخصمون
بس الظاهر أو مره رصيدك يصير أقل من100 وتدري