إشارات السيارة

[أعرابي]

شي بسيط جدا و مهم جدا

يا جماعة أسمحولي لأني داش عرض لكن لييييييييييش البعض ما يستخدم إشارات السيارة
شركات السيارات مركبين الإشارات لييييييييييييييييييييش ؟؟؟؟؟؟؟؟؟؟؟؟ كشخه و إلا منظر
ينومك عند اللفه الفرعية و بعدين يلف فيها قدام عينك و هو مو داق إشارة إيه علمني بنيتك عشان أخذ الشارع
يهدي السرعة فجأة قدامك بالطريق و يلف و هم بدون إشارة وحنا وراه بريكات ماندري شالسالفة هو دعم و إلا شاف قطو
فجأة يقمز من حاره للثانية بالطريق السريع و يخرعك و بدون إشارة
و إذا الشارع رايح جاي يلف بوجهك بدون إشارة يبي يسويلك مفاجئة و زين ما صارت مفاجعه
و هو كله طقه خفيفة على عصا الإشارة و بس حتى ما تخسرك سعرات حرارية و إلابعض الشباب يستحون يدقون إشارة يمكن الملتزم بالقانون عند البعض معقد
و بالدوار إذا على يمينك و يبي ياخذ الدوار ينام عليك بدون سابق إنذار أو إشارة و البعض يدرعم بالدوار لاهو محترم أولوية الي على يساره داخل الدوار و ماهو طاق إشارة .
لذلك أرجو من الموقع تثبيت نصائح مرورية أو تثبيت هالموضوع وشكرا .
و أدعو جميع الإخوان لا مر عليكم واحد بدون مايعطي إشارة إحرقوه بالهرن حرق عشان يستحي ما يعطي إشارة مره ثانية .

 

[المتفوق]

الله يعينك يالحبيب بس والله كلامك صحيح​

 

[Business Girl]

اي والله صح كلامك

 

[B-A-1983-A-B]

خلها على الله جان زين على الاشارة وبس

 

[أعرابي]

العتب على منو في ضعف الوعي المروري على الداخلية إلي شاطره بجمع المخالفات بدون الصرف على أي دعاية مرورية و إلا العتب على وزارة الإعلام أو وزارة التربية أو ولي الأمر أنا أقول العتب عليهم كلهم .