اسقاط القروض

[السـبيعي]

اخواني انا وصلني بالايفون بالواتس اب

فيه اسقاط قروض ومخالفات مروريه

صحيح او اشاعه

وفي حال تم اسقاط القروض

هالشي يرفع السوق الكويتي او ماله علاقه


وشكرا

 

[محلل 777]

خطاب الامير حفظه الله اليوم يوحي بالخير للشعب الكويتي
غمزة.
والسبب استعجال المنحه
وليكون العيد 4 اعيادو4ايام لن ينام الشع الكويتي من الفرحه
ويتمنى اي شخص ان يكون كويتي الجنسيه
وربي يحفظ لنا ابوناصر ويطول بعمره

 

[BO-MUBARAK]

آمييين مو يرفع السوق الا اسواق الخليج كلها بعد نتمنى

 

[احمدحميد]

اقولللللللللللللللللللللون الحكومه راح تدفع 50 دينار سنه لقدام حق الخدم الي يشتغلون في بيوت الكويتين

 

[المتفوق]

الحمدلله على نعمة الأمن والأمان

 

[Bo Hammod]

اقولللللللللللللللللللللون الحكومه راح تدفع 50 دينار سنه لقدام حق الخدم الي يشتغلون في بيوت الكويتين

انا سمعت ان راح يعطوون كل كويتي 10000 لتر بانزين منحة بعد ::verymad::

وين القفل يا مشرف

 

[جديد قديم]

اتمنى ان ترجع فلوسنا اللي طارت بالبورصة , و توبه ما راح ارجع ,,,,

اللي يتبرع لي من منحته لحساب قرضي ما قول لأ

 

[محلل 777]

انا سمعت ان راح يعطوون كل كويتي 10000 لتر بانزين منحة بعد ::verymad::

وين القفل يا مشرف

افا ليش يابوحمود
خلو الناس يقولولون رايهم سوق وسكر بارتفاع
كل واحد عنده راي

 

[عبدالعزيز34]

والله الامير ماقصر الله يطول بعمره امين ويعطيه الصحه والعافيه ويخليه ذخــــــــــــر لنــــــا وبصراحه ماقصر بشي ابونا واميرنا صباح الاحمد وخطابه اليوم هو خطاب الوالد الى ابنائه وكل شي جايز وموغريبه على ابونا لآنه عطانا مليار و 200 مليون دينار تقريبن امعنى اخر 4 مليار دولار ومحد سواها بالعالم وفوق هاذا كله عطانا تموين اكل بلاش المدة سنه وشهر 13 شهر اكل بلاش عيش وملح وشكر ودهن ودجاج وطحين وكل المواد الااساسيه الله يطول بعمره ويعطيه الصحه والعافيه امين

 

[عبدالعزيز34]

سؤال الى المختصين كم تقريبن اجمالى القروض قرووض المواطنين مو الشركات بو 10 ملايين و50 مليون ولا الاافراد بو مليون ابي الشعب المواطنين كم تقريبن قرووضهم اللى من 20 الف وتحت او 50 الف وتحت

 

[بو محمدXP]

خبر عاجل امير الكويت يوصي بمساعدات عاجله الى ليبيا كفو دايما مرفوع راسنا في العالم بالقياده الانسانيه الله يديمك يا رب ياعز العرب

 

[الهدف البعيد]

سؤال الى المختصين كم تقريبن اجمالى القروض قرووض المواطنين مو الشركات بو 10 ملايين و50 مليون ولا الاافراد بو مليون ابي الشعب المواطنين كم تقريبن قرووضهم اللى من 20 الف وتحت او 50 الف وتحت

اخوي القروض الشخصية الي هي الاستهلاكية وبناء بيت وفروض السفرات والوناسة ومن هالمواظيع.
الزبدة قروض المواطنين اللي تشملهم اسقاط القروض من 4.5 الي 5 مليار دينار.
وسلملي علي برميل النفط.

 

[بو محمدXP]

برميل النفط 120 دولار وراح يرتفع بعد واذا القذافي فجر النفط مثل ماهو متوقع راح يوصل 200 دولار لفتره طويله

 

[هاربر2]

وين القفل يا مشرف بسنا اشاعات

 

[Winchester SX3]

تدرون أنا من وين ياي؟
انا ياي من ديوانيه عروقها بالماي !

يقولك بسووون الكويت كلللللللللها قطارات

سيارات ممنوع ماكو

والسر عندكم بالأمان
بيطبعون النوط اليديد
نوط بو ألف ديييييييييييييناااااااااااااااااااااار

يقولك هالطوله

-------------

شفنا الألف
وباقي القطارات وتم توقيعها بإجتماع مجلس التعاون


سعد الفرج ( ديوانيتك صج عروقها بالماي )

 

[ماهر99]

لا وانت الصاج راح تاخذ الحكومة 10 طيايير من الكويتية و يسوونهم سبيل للي يحب يسافر

 

[بو فلاح]

نرجو من الله عز وجل ان يفك ضيق كل مسلم والله يفك الناس من ديونها
وفي السلام ختام

 

[مضارب بورصوي]

الله يفرج عن كل مسلم يارب

 

[ADEL ALAZMI]

الحمدلله على نعمه الامن والامان ولله ياجماعه لو ماتطيح القروض انه بخير ونعمه

والكل حاسدنا والله يحفظ الكويت واميرها وشعبها من الفتنه والشر

 

[BO-MUBARAK]

نرجو من الله عز وجل ان يفك ضيق كل مسلم والله يفك الناس من ديونها
وفي السلام ختام

هذا الكلام الطيب والنفس الحلوه والا باقي الشماته الله يرزقهم بديون