ولعت اسعار النفط

[تمويل بطيخ]

اسعار النفط العالميه تولع بهذه اللحظه
المصدر قناه العربيه
كل شوي مطلعين رقم جديد
اللهم زد وبارك لو تقعد هالأسبوع الاسعار منحتنا تطلع بلاش
وبورصتنا داقتها قري مادري صناع السوق والمحافظ داقينها قات والا محببين
الاوضاع طيبه والمليون مايطلع منهم ويدش البورصه الا عقب ماينشفون روح السهم
الله من ايام ورديه راحت افتتاح التداول 10 مليون
والسعري مبطل قاب فوق
ماقول الا لصناع السوق والمحافظ
يانجاااااااااتي انفخ البلالين عشان عيد الميلاد

 

[muscle man]

ذكرتنا بأيام حلوه بالسوق السعودي

كنت اتابع واحلل الرسم البياني للنفط اكثر من موشر السوق

سابك كيان ينساب بتروكيم سبكم رابغ

هذي الشركات بقطاع البتروكيماويات

مو سوقنا ثلث ترباعه بقطاع الاستثمار وكلهم خسرناات

وشوف وين يستثمرون كله برا وبدول كلها مصايب وقتل ومظاهرات

مزيج برنت لمس 117 دولار

والبارح االامير موزع مليار وميتين مليون

وتداول السوق ماوصل 10 مليون

ولا ونزل احمر بعد

ولا ومسوين للسوق موشرين موشر سعري وموشر وزني

هههههههههههه

 

[مقام العز]

قبل سنتين كان النفط ب38 دولار ايام معدوده وبعدها صعد وثبت فتره طويله فوق 80دولار والان ب120دولار وبرصتنا فالحضيض

 

[TheDon]

اسعار النفط العالميه تولع بهذه اللحظه
المصدر قناه العربيه
كل شوي مطلعين رقم جديد
اللهم زد وبارك لو تقعد هالأسبوع الاسعار منحتنا تطلع بلاش
وبورصتنا داقتها قري مادري صناع السوق والمحافظ داقينها قات والا محببين
الاوضاع طيبه والمليون مايطلع منهم ويدش البورصه الا عقب ماينشفون روح السهم
الله من ايام ورديه راحت افتتاح التداول 10 مليون
والسعري مبطل قاب فوق
ماقول الا لصناع السوق والمحافظ
يانجاااااااااتي انفخ البلالين عشان عيد الميلاد

إخواني الأعزاء, مسّاكم الله بالخير و النعيم و كل عام أنتم و الكويت بخير و نعمة

حبيت التنويه لشغلة بسيطة إذا تكرّمتوا, إرتفاع أسعار البترول بهذه الأسعار ما هو من صالح أي أحّد, لأن هذا الإرفاع يساعد على التضخم في أسعار كل شيء حولك من مستلزمات. كل المصانع اللي تصنع كل شيء تحتاجونه راح تشتري الوقود بأسعار خيالية علشان تقدر تشغل معداتها و مصانعها لتصنيع هذه السلع, و طبعا راح تعكس المبالغ اللي دفعتها المصانع للوقود على أسعار السلع, و بالأخير المواطن اللي محتاج يشتري هذه المستلزمات راح يأكلها, و يصير في غلاء في المعيشة. صح الحكومة راح يزيد مدخولها, بس الواقع إن الشعب مدخوله ما راح يتغير, و بهالحالة راح يصير عليه عبء مالي كبير مع الوقت و مع زيادة إرتفاع سعر البترول. فالمفروض منظمة الأوبيك تتحرك بسرعة و تلاقي حل للإرتفاعات اللي راح تضر الناس أكثر من نفعهم و تحاول موازنة الأسعار مرّة أخرى علشان الشعوب بما فيها شعب الدول المصدّرة ما يتأذون من إرتفاع أسعار كل شيء دار ما دارهم, و في هذه الحالة لازم تحاول الحكومات أن توجد حلول لمواطنيها اللي مو قادرين يشترون أكلهم.

النقطة الثانية سياسية بحتة, على مدي السنين, من وقت إكتشاف النفط, و الحكومات الغربية حاطة عينها علينا. من يرتفع سعر البترول عن المبلغ اللي الغرب قادر يدفعه و تبتدي الحكومات بالخليج تكدس مبالغ خيالية, لازم يطلعون لنا شغلة, بطريقة أو بأخرى لازم يستردون هذه المبالغ. بإلزام حكوماتنا بشراء أسلحة منهم, أو بخلق حروب و مشاكل بالمنطقة تدفع هذه الدول المصدّرة بطلب الإعانات الدفاعية. و وضع قواعد لها لتدفع لها (أو لترجع لها) مبالغ هائلة لأن الغرب دفع مبالغ كبيرة عندما إرتفع البترول لأسعار خيالية مثل مو حاصل ألحين, و يبون يرجعون فلوسهم مرة ثانية.

رأيي الشخصي.. الحفاظ على أسعار تكون معقولة, أسعار كل المصانع تستطيع شرائها بدون اللجوء لرفع أسعار السلع على المستهلكين, و بالنتيجة نحن نستطيع العيش براحة لأن أسعار المستلزمات تكون مقدور عليها. تكون أسعار النفط معقولة بحيث حكومات دولنا تستطيع تغطية مصروفاتها و مستلزمات الشعب براحة تامة بدون ما يكون عندنا فوائض مالية كبيرة تضطّر لمساعدة شعبها من غلاء المعيشة, أو تخوض حربا أو مشاكل تضطر لدفع المليارات للتسلح أو طلب مساعدة الغرب.

شاكر لكم وقتكم, تقبلوا مودّتي

 

[محلل 777]

هل ارتفاع النفط من صالح السوووووووق

 

[مقام العز]

هل ارتفاع النفط من صالح السوووووووق

هذا السؤال اخوي هو اللي محيرني بس انا بسألك هل اموال نفطنا يصرف منها شي في بلدنا؟ وهل فعلا عندنا نفط اصلا

 

[TheDon]

هل ارتفاع النفط من صالح السوووووووق

أخي الكريم,

في إعتقادي, إن مشكلة سوقنا بالتحديد أكبر بكثير من أن يتفاعل بإرتفاع أسعار البترول, و لازم تكون في حلول جذرية قبل ما تشوف ثقة المتداولين ترجع. فأنا أعتقد أن لن ترى تفاعل لسوقنا بإرتفاع أسعار النفط أو إنخفاضه..

لك تحيتي..

 

[محلل 777]

هذا السؤال اخوي هو اللي محيرني بس انا بسألك هل اموال نفطنا يصرف منها شي في بلدنا؟ وهل فعلا عندنا نفط اصلا

اشرايك انت
اكيد الخير من الله ثم النقط

 

[عبدالعزيز34]

اقسم بالله امس شريت ببسي وقالى السعر 150 فلس معناتها ارتفع 50 بالميه قلت ليش مرتفع هالسعر قالى مبروك الفلوس اللى عطوكم رديت عليه على طول بطرااااااااااااااااااااااق بتشاركنى انت بحلالنا وفلوسنا ؟ صج اكلا---- واتصلت على البداله ابي رقم التجاره بكلمهم ولكن دون جدوى محد شاله ونطرت اكثر من ربع ساعه وانا اتصل ولكن محد شاله 50 بالميه ارتفاع الببسي

 

[مقام العز]

اقسم بالله امس شريت ببسي وقالى السعر 150 فلس معناتها ارتفع 50 بالميه قلت ليش مرتفع هالسعر قالى مبروك الفلوس اللى عطوكم رديت عليه على طول بطرااااااااااااااااااااااق بتشاركنى انت بحلالنا وفلوسنا ؟ صج اكلا---- واتصلت على البداله ابي رقم التجاره بكلمهم ولكن دون جدوى محد شاله ونطرت اكثر من ربع ساعه وانا اتصل ولكن محد شاله 50 بالميه ارتفاع الببسي

زين سويت انا اليوم حمالي بسوق السمج عطيته ربع دينار وقطه بوجهي يبي دينار مادري ماخذ حمالي ولاتكسي

 

[ليث متواضع]

أسعار النفط ستكون مرتفعه باستمرار في حال إستمرار الاضطرابات في دول الوطن العربي

 

[Legal]

يا اخوان ابي اضارب بالنفط شلون الطريقه

فرصه ما تعوض والله للربح

راح تصير احداث بالعراق مثل الاحداث بليبيا واحتمال يتوقف عندهم النفط وعقبها الاسعار راح ترتفع بشكل جنوني كون العراق من مصدرين النفط .

علموني الطريقه وين اقدر اشتري وابيع هل في مكتب وساطه ..؟