استفسار لاهل الخبره في العقار بشراء اراضي بعمان والطائف وابها والاردن

[n9 legal]

السلام عليكم ورحمة الله وبركاته



شلونكم يا اهل الخبره؟:d


يا اخوان اللي اعرفه افضل استثمار هو العقار وانا اتخيله فبالي مثل الوديعه((حط فلوسك وانساها)) اشتري ارض وانساهااا وبعد مرور جم سنه ابيعها بسعر اكثر وومكن دبلات



ولاكن الحجي اني ما عندي اي خبره بهل موضوع وفعلا حابه ابلش شوي شوي بس مو بالكويت لانه ماشالله عقاراتنا نار بالعلالي وانا على قدي موظفه يديده وحابه ابلش حبه حبه فاللي سمعته انه في اراضي بسلطنة عمان على 1,500 دينار فقط؟وهل خبر شفته من شركة اسمها شركه اميال الخليج...فاللي سامع عنها يا ليت يعلمني وهل تنصحوني فيها؟ واذا فعلا هل عقار ناجح وشريت هل ارض اللي ب1,500 متى اقدر ابيعها وشلون
اعرف الوقت المناسب لبيعتها؟وعلى جم اقدر ابيعها؟وهل انا ابيعها ولا عن طريق الشركه نفسها تبيعها لي؟وعلى فكره هل عرض اللي من هل شركه
فقط معلن لشهر فبراير فعشان جذي حيل بخاطري اعرف الموضوع وادرسه عدل فياليت تفيدوني


وهم سمعت عن اراضي بالسعوديه تحديدا بابها والطائف انه اسعارهم حلوه
و تنباع بدبلات وهم بالاردن سمعت في اراضي رخيصه حيل مع انه خبري
بالاردن غاليه حيل


واسفه عل اطاله وكثرت الاسئله بس هم الواحد لازم يعرف شاللي له واللي عليه قبل لا يقط حلاله باي مكان


وبارك الله فيكم جميعا

 

[n9 legal]

اب





اب

 

[تاجر جملة]

بالنسبة لأراضي عمان البيع و الشراء مافيه شفافية يعني لو تشتري أرض ما يقولون لك هل مسموح فيها البناء أو لأ و كم مساحة البناء بعدين أراضي عمان من التسعينات و هذي أسعارها ارتفعت ارتفاع وهمي ب 2008 و الحين رجعت لأسعارها و في أحد الشروط اذا شريت أرض بعمان لازم تبني فيها خلال سنة أو تدفع ضريبة

السعودية يفضل شي قريب يعني الخفجي ممتاز اذا السعر بين 3 و 5 آلاف

باقي البلدان و الأحداث الحالية مافي استقرار يعني ممكن ينهار العقار بأي لحظة

أشوف مصر الغردقة و مرسى علم و الأماكن السياحية أكيد الحين أسعارهم نازلة على الأقل اذا استقرت الأوضاع ممكن تروح انت واعيالك أو اتأجر الشاليه و تعرضه للبيع بنفس الوقت

طبعا آنا مو خبير لكن رأي شخصي

 

[n9 legal]

^
^
^
^
مشكور اخوووي و بالعكس حبيت رايك الشخصي وبارك الله فيك ماقصرت

 

[جديد قديم]

الخفجي توجد فيها أراضي ب 4 آلاف دينار , واذا بغيتي آنه عندي أرض بسلطنة عمان زاوية راس و يمها حديقة عامة مساحتها 650 متر, و تبعد عن البحر 500 متر أبيعها ب 12 آلاف دينار ,,,, بولايةالسويق ,,,,,

 

[بالخير]

انا لي تجربة شخصية معاهم, عموما الاراضي بعمان بسعر التراب إذا سافرتي شخصيا را ح يفرق السعر إلى النصف تقريبا عن اسعار مكاتب العقار بالكويت, نصيحتي غذا بغيتي تستثمرين بارض فكري بالزراعية ذات الموقع القريب من الكويت مثل حائل, تزرعينها بتنوع وارباح البيع لمصروفها و تنميتها و تربين مواشي حبة حبة و الأرض سعرها قابل للزيادة