تعال وقول لنا منحتك بتحطها بأي سهم

[تمويل بطيخ]

طبعا هالموضوع حق اخوانا التجار يدشون ويشوفون نصيبهم من المنحه جم
كل واحد يتفضل ويقولنا وين بيحط المنحه ويعطيها أي تاجر
اللى بيسافر او بيحفظها او بيسوي فيها اي شي مايحتاج يذكر هالشي
فقط نبي اللى بيقطها بالبورصه بيعطيها اي تاجر عشان اخوانا التجار يعرفون جم لهم
بالنسبه لي بقطهم بالخطوط الوطنيه وبخليهم ورث للعيال
وبالعافيه على تجارنا منحتنا

 

[الصامد.م]

ولا سهم حريمتهم مو كافي اللي شفطوه منا

 

[تمويل بطيخ]

ولا سهم حريمتهم مو كافي اللي شفطوه منا

انت طيب وهم يستاهلون
تكفا طالبك عطهم المنحه
:d:d:d

 

[Water]

التجار راح يعطونكم منحة رقية خضرة من برة وحمرة دم من داخل بدون شرط السكين ..وطعمها حلو حده

 

[ليث متواضع]

راح أشتري سهم المستثمرون بالمنحه لأنه سهم نازل درجه ومغري للشراء وإن شاء الله له صعود ولو شي بسيط لكن راح تربح من وراه

 

[f450]

سهم السفر ؟

 

[أبو عمر]

ما تبيلها راي يا تمويل بطيخ !
تمويل خليجي طبعاً

 

[تمويل بطيخ]

ما تبيلها راي يا تمويل بطيخ !
تمويل خليجي طبعاً

هلا بالأستاذ تدري لو تمويل بطيخ ادري انه بيصعد حرام حرم ماأدش عليه
خلاص توبه
يارجل شالوا الاسهم من المحفظه واستانست شكل المحفظه بدون تمويل تبن نظيف وحلو ومرتب شالوا الجرب
خلاص وداعا تمويل بطيخ

-----------------------------
ياجماعه الموضوع القصد منه ان منحتك تستثمرها مو تضارب فيها
يعني ولدك عمره يوم او عشر سنوات
استثمارك بالالف مالته لمده عشر سنوات
يعني تحط الالف اليوم ولما ياخذ ليسن بعد عشر - 15 سنه من خلال منحته تقدر تاخذ له سياره كاش هذا القصد

 

[ibrahimi]

والله فلس مايدش منهم السوق

 

[بيع+شراء]

اول سهم للمنحه لرب العالمين زكاتها ​

 

[Legal]

علج بوسهم

 

[level-1]

لايستدرجونكم الفجار عفوا التجار (طبعا بعض مو كل)يرفعونه لكم يومين وينزلونكم اكتاف الا اذا طاف المؤشر 6950 واكد عليه اهنيه شوف راى اخواننا المحللين تدخل ببعض المنحه والا خلها بعيد من السوق ابرك وروح فيها عمره والا سفر العايله

 

[fayoona74]

بحطهم بالبنك جدام عيني وازورهم كل يوم ولا نقطهم بسوق الكويت لبلع الاوراق المالية

 

[بو ضاري 2005]

كافى خساير تبى سهم ----------- حطهم على اعيالك وبيتك وانا شى اسمه بورصه

 

[zizo 40]

ركز معاى وإسمع نصيحتى, إشترى مثلى مركز ومراكز

طبعا أنا مو مركز ومو عارف أيهم فى محفظتى

قبل يومين كان سعر السهمين بين ال 144-154 بغيت أشترى مركز والنتيجه شريت مراكز بال146 وأنا عندى السهم من قبل وخسران فيه المهم السهم صعد وبعت بال152 وخففت خسارتى
وبعدها قررت أشترى مراكز بال 144 وكنت مركز ومنتبه لكن الدلال مو مركز وشرالى المركز وسبحان الله إرتفع وبعته بال154

يعنى سوقنا يبيله تركيز, لكن نصيبك يجيك حتى لو مو مركز

منو ركز معاى وفهمنى

 

[أبوخليفه]

بزيد عليهم وأبني مسجد فيهم بإذن الله في احد الدول الفقيره ، وهذا عندي افضل استثمار والسهم اللي مايخسر

 

[fayoona74]

ركز معاى وإسمع نصيحتى, إشترى مثلى مركز ومراكز

طبعا أنا مو مركز ومو عارف أيهم فى محفظتى

قبل يومين كان سعر السهمين بين ال 144-154 بغيت أشترى مركز والنتيجه شريت مراكز بال146 وأنا عندى السهم من قبل وخسران فيه المهم السهم صعد وبعت بال152 وخففت خسارتى
وبعدها قررت أشترى مراكز بال 144 وكنت مركز ومنتبه لكن الدلال مو مركز وشرالى المركز وسبحان الله إرتفع وبعته بال154

يعنى سوقنا يبيله تركيز, لكن نصيبك يجيك حتى لو مو مركز

منو ركز معاى وفهمنى:d

ههههههههه مثل اعيان واعيان ع اثنيناتهم اعيان على وزن الزعفران اخو البربير :d

 

[9اوربيه]

تــــــــــــــــــــحـــــــــــــــت الزوليه مثل ما كانت تعمل جدتي الله يرحمها

 

[ابو يوسف25]

ابيار وانشاله راح تدوبل

واذكرو كلام

 

[ليث متواضع]

أشتروا أرخص الأسهم أرباحها مضاعفه