هل تؤيدون التداول بالفترة المسائية

[غازى]

اعتقد بأن تداول مساء اليوم هي بروفة لفكرة التداول بالفترة المسائية 000فبرأيكم ما هي سلبيات وايجابيات التداول بهذه الفترة

 

[بورصاوي]

والله ودك يصير فترتين
9:30الى 12
5:30الى 8
يصير مجموعهم خمس ساعات
واعتقد ان فترة الثلاث ساعات الحاليه غير كافيه

 

[بوحسن]

والله اشحلات التداول بالليل
تمنع الجريمه لان الكل لابد ( منخش ) - الترجمه - بالبيت وكل الكويتيين تقريبا عندهم اسهم بالبورصه

وكل زوجه اليوم مستانسه ريلها بالبيت من الساعه 6 المسا

والخسران يقدر يطلع الساعه 9 يروح القهوه ينفس عن نفسه بدل ما ينفس بالموظفين الي تحت ايده

وبعدين البورصه خضره اليوم ولا اشرايك لا وبحد اعلى ..اي مقيوله

..الليل مزاج


بس فيه عيب واحد ..اليوم شريت سهم بالغلط لا وبسعر السوق بعد ما ارمق بالليل وايد

 

[bu3teeg72]

أنا مع.

 

[النوط الأخضر]

والله انا اشوف ان الفترة الصباحية كافية , لان الواحد فينا يالله متحمل الفترة الصباحية وعوار القلب هالمرة باليل بعد , كفاية حرام

 

[دنانير]

لا أؤيد التداول في الفترة المسائية

احنا نتداول في الفترة الصباحية والسيستم الفقير كله معلق هالنوب بالليل.

يعني أعصاب الصبح وأعصاب بالليل

لا يحوششششششششششششششششششششك

 

[ChuCky]

والله انا مع الفتره المسائية
10 لي 12
6 لي 8
كافي وحلو

 

[بوديمه]

احلا تداول الفترة المسائيه
طلعو افلوسكم وروح الامارات ولا السعوديه ولا قطر سوق كل مشاكل مانبيه وقطاعيه وحسد مانبيه

 

[المتمكن]

احنا الحين الصبح وشاب راسنا تبون العصر الله يستر شي بصير فينا خلك على مينونك لا اييك الاين منه .
لو في تداول الفتره المسائيه بعد جان حتى عيالنا ما ندري عنهم خلنا جذيه احسن.

 

[Bo Saleh]

الصباح رباح يعني ربح

 

[jreea]

صراحه شغل عدل التداول بالليل

 

[nasr 2]

انا اقول ان التداول المسائى حلو بس الفتره الصباحية تكفى ليش

كافى نروح الصلاة الظهروالتفكير فى السهم... موفى الصلاة

عطوك وله بعت... والنوبة صلاة المغرب مع العشاء يعنى الصلاة تكون فى

البيت وبس هذا اذا صليت

 

[مضارب1]

انا واياكم التدوال فى الفتره المسائيه مريح والفسيه هادئه الصبح دوام وشغل ومزاج عصبى000000000000000000000

 

[MH For Ever]

انا مع التداول المسائي وبشدة خاصة للموظفين الذين لا تسنح لهم الفرصة في الصباح.

 

[أحب الحلال]

الصباحي كفاية

استغرب من الي ينادي بصباحي ومسائي لو اننا مخلوقين للبورصة


خلنا في المساء نشوف الدنيا ... الصباح دوام والمساء بورصة والباقي نوووووووووم

متعب والله الي جرب السوق السعودي يغتث من المسائي .

 

[rahaly]

ياخوي مو خوش فكرة ..
أحنا نتداول الصبح سوق الكويت .. والمسا السوق الامريكي الله لا يغيره علينا

من دخلنا سوق الكويت والضغط صاعد .. لو يصير فترتين .. مقبرة صليبيخات ما يبقى فيها مكان ..
خلوها بس الصبح احسن

تحياتي

رحالي

 

[الخطاف]

بصراحة الفترة المسائة أكثر من ممتازة الواحد ما يفكر بداوم ولا ينشغل بشيء ثاني ويتابع بمزاج ..........علشان جذيه حلاته يصير التداول من 10 الى 12 صباحا ومن 6 إلى 8 مساء
والله يرزق الجميع ويوفقهم

 

[بـريـفنـق]

بصراحة الفترة المسائة أكثر من ممتازة الواحد ما يفكر بداوم ولا ينشغل بشيء ثاني ويتابع بمزاج ..........علشان جذيه حلاته يصير التداول من 10 الى 12 صباحا ومن 6 إلى 8 مساء
والله يرزق الجميع ويوفقهم

كلامك عين العقل

ولكن شباب مافي خوف بان تنزل معنوية المتداولين بالفتره المسائيه من كثر التداول

 

[bodalal]

المفروض يكون في تداول الصبح والمسا ...
واللي يبي يتداول الصبح بس بكيفه .. واللي يبي بالليل وبس هم بكيفه

واللي يبي يلهم الأكو والماكو صبح وليل ... هم بكيفه

يعني المفروض السوق يفتح فرص والناس تختار

مو جذي أحسن ؟

 

[sadsa]

المفروض التداول من 10الى 12
ومن4 الى7
حتى ما يكون هناك تزريق من دوام الصبح الوزارات وما يكون فيه تعطيل مصالح المواطنين بسبب انشغال الموظف بالبورصه بدوام الصبح لانه عنده مجال يتابع البورصه مساءا
والسبب الاخر لجعلها فترتين هو اعطاء فرصه للمتداول ياخذ فترة راحه وتفكيربين الفترتين لما تم من عمليات تداول صباحا وخلق فرص تعويض ومناوره للفتره المسائيه