تداولات يوم الثلاثاء 22/2/2011

[ابو محمد 2007]

اخضر ان شاء الله واحتمال اقل من امس

 

[بو ضاري 2005]

مهما يرتفع الوضع الاقليمى يخوف

 

[abu_fahad]

صبحكم الله بالخير والعافيه ، للأسف السوق باجر حمر والشاهد أسواق الخليج وظروف المنطقه العربيه ،مع أنى والله أتمنى يكون خضر بسس للأسف لعبة المحافظ والمضاربين شكله باجر حمر والله يعينا وياكم بالصبر

 

[al7boob_77]

باجر متذبذب وممكن يقفل او يكون خضر ولكن الاربعاء والخميس بيكون احمر... وان شاء الله الامور تسير على خير

 

[عقاري1]

الامور ماتبشر بالخير - بس انشاله ربك يهدي التجار ويرفعون السوق الناس فلسو والدينصورات قاعدين واحد ايرفع وواحد يجبس - والمستثمر العادي اهو اللي ماكلها صح

 

[(المتمكن)]

اتوقع ان يكون احمر
والعلم عند الله

 

[waham]

صباح الخير .
90 في المئة من حسابات التداول في البورصة .. ( خاملة )
• 386 حساب تداول جديداً خلال شهر يناير الماضي .
• حسابات التداول ازدادت 11 حساباً أعدادها منذ مايو 2010 .
90 في المئة من حسابات التداول في سوق الكويت للاوراق المالية
هي حسابات خاملة لا يتم عليها اي تداول منذ أكثر من 6 أشهر بينما
لا يتجاوز أعداد الحسابات النشطة 9.7 في المئة من إجمالي الحسابات .

 

[Q8-Fund.Manager]

صباح الخير على الجميع ​

 

[hmo]

السلام عليكم
صبحكم الله بالخير

 

[mishmish]

السلام عليكم وصبحكم الله بالخير

ان شاء الله يتماسك السوق اليوم

 

[النهار]

سلام عليكم

 

[xTrader]

استثمارات عندها احتمال ترتد

 

[الوحيد 1974]

السوق راح ينبط الى تحت والله يستر يالطيبين دعوه للمراقبه .

 

[al7boob_77]

اهو على قولتك السوق راح ينبط تحت ومتوقعين له نزول لحد 6280 نقطه تقريبا وبينا وبينها بحدود ال 110 نقاط تقريبا .... في اسهم تقريبا نشفت ووصلت للاخر ... وفي اسهم بحدود 100 شركه يوم النزول العظيم ما نزلت وبقت ثاتبه وهذي الاسهم مع بعض الاسهم اللى قيمتها مرتفعه مع اسهم البنوك راح تكمل مشوار النزول .... يعني مو كل الاسهم شرط تنزل في اسهم اكتفت .... والله كريم ان شاء الله

 

[ريكاندو]

لله كريم الامل بالله كبير ومن ثم بصفقة زين ومابقى اله 8 ايام فقط والاعلان الرسمي

بس بالمقابل هم زين راح توزع حوالي 200 فلس للسهم مو شويه ممكن يرتد مع هالخبر زين فيه خير على كلام الشيخ على الخليفه واهو صااج بكلامه خيرها كبير على السوق الكويتي حتى لو ماتمت الصفقه

 

[al7boob_77]

اخي العزيز ريكاندو الخرافي مافيه شك يدور مصلحته ... ويعتبر من اكبر الملاك بزين ... فاكيد اذا ما تمت الصفقه ... فلابد انه يوزع توزيعه طيبه علشان يستفيد من السيوله اللى راح تجيه فبالنهايه الكل مستفيد ان تمت البيعه او تم توزيعه نقديه مجزيه

 

[zizo 40]

استثمارات عندها احتمال ترتد

فعلا السهم نزل وايد لسعر أقل من سعره قبل الكلام عن الصفقه, أنا شايف السعر فرصه والله أعلم

 

[ريكاندو]

اخي العزيز ريكاندو الخرافي مافيه شك يدور مصلحته ... ويعتبر من اكبر الملاك بزين ... فاكيد اذا ما تمت الصفقه ... فلابد انه يوزع توزيعه طيبه علشان يستفيد من السيوله اللى راح تجيه فبالنهايه الكل مستفيد ان تمت البيعه او تم توزيعه نقديه مجزيه

الحجي انه السوق هل راح يوصل حق ال7150 ويكسرها بقوه بعد الصفقه وله التوزيعه اهني الكلام المنطقي وله يروح قووع

 

[مساهم متواضع]

السوق السعودي نزول حاد امس واليوم الله يستر لاتقولي صفقة ولا توزيعه ياخوي السوق مايطمن كلش . طالع ليبيا واليمن وموريتانيا والمغرب والجزائر والبحرين والاردن ومصر وتونس سابقا

حتى لو تمت الصفقة اليوم مالها تأثير انسى السوق راح وطي واكبر دليل السعودي احمر

 

[Metalforever]

السوق السعودي نزول حاد امس واليوم الله يستر لاتقولي صفقة ولا توزيعه ياخوي السوق مايطمن كلش . طالع ليبيا واليمن وموريتانيا والمغرب والجزائر والبحرين والاردن ومصر وتونس سابقا

حتى لو تمت الصفقة اليوم مالها تأثير انسى السوق راح وطي واكبر دليل السعودي احمر

نظرة على أسواق الخليج حتى اللحظة:

السعودية 6,238.8 (60.0) (0.95 %)
دبي 1,488.9 (27.5) (1.82 %)
أبو ظبي 2,583.7 (36.6) (1.40 %)
الكويت 6,401.5 (24.5) (0.38 %)
قطر 8,237.2 (250.9) (2.96 %)
مسقط 6,736.8 (93.6) (1.37 %)
البحرين 1,466.1 0.3 0.02 %