تطور جديد في البورصة

[bodalal]

إن شاء الله تكون خطوة نحو الانطلاق للأمام والأعلى ..

ويا رب يعم الخير على الجميع

===

أول شاشة خارجية في المنطقة
بادرت ادارة سوق الكويت للاوراق المالية يوم امس بتشغيل اول شاشة خارجية لعرض اسعار الاسهم ومجريات تداول الاسهم علي غرار بورصات العالم في ناسداك وداو جونز وتعتبر الشاشة الخارجية التي تم تشغيلها يوم امس هي الاولى من نوعها في الشرق الاوسط.

المصدر :

جريدة الوطن - الأحد 19 يونيو 2005

http://www.alwatan.com.kw/default.aspx?isu=050619&page=3&topic=359967

 

[خالد العتيبي]

ماشاء الله ... أهم شي تشتغل بورصتنا بس ...

 

[ميثاق]

ابشركم الحوادث بزيد قدام البورصة

 

[ودي اربح]

السلام عليكم .......


عمار يا كويت .

 

[jreea]

خطوه جميله صراحه وان شاء الله يطورون السستم بعد وفكونا من المشاكل

 

[بوحسن]

وين حاطين هالشاشه وبعدين تبين بالصبح ولا نفس باجي الشاشات ما تشوف جانها شغاله ولا طافيه ؟ ؟ انشالله بس مو بمكان مزحوم ..

في احد شاف هالشاشه ؟

وهل تنفع ننقل فيها بالليل مباريات المنتخب ان نزلت البورصه وصار فيها تصحيح ؟

 

[بوفيصل]

شي جميل وحلو خذ من جييسه وعايده .....

تخيلو واحد سهمه صاعد وعند زحمه البورصة شصيير فيه ينخبل واقرب رصيف يصعده علشان يبيع


واحد سهمه نازل ينزل قلبه في بطنه وهاتي يا حوادث الله يحفظنا

 

[المضاربه فن]

الحين عرفت ليش البورصه نازله ؟؟؟ لانهم كانوا يجنون ارباح علشان يشترون هالشاشه!!!!
بينت القمنده....
بس القطارات الى قال عنه سعد الفرج اذا بيسونها كم شهر بينزلون السوق علشان يدفعون لاهل نيروبي !!!!

 

[Q8 Stock]

السلام عليكم

خطوه جميله
اللي عرفته انها واضحه في النهار بس للأمانه ما شفتها قريتها بالجريده

 

[mishlay]

شاشه جديده وبورصه كل يوم فيها خلل شلون يصير هالحجي ؟

سؤال يطرح نفسه . شمس الكويت في الصيف وفي هالأيام شراح تسوي في هالشاشه ؟

 

[النوط الأخضر]

انا اقول شاشة خارجية فكرة حلوة من ادارة البورصة وعسى الله يعطيهم العافية

 

[MH For Ever]

خطوة جميلة وعقبال خطوة التداول المسائي عشان تكمل الفرحة