شنو الاجراءات ابي اشتري بمصر

[اسيره2]

السلام عليكم ورحمة الله وبركااته

ابي اعرف شنو الاجراءات الي لازم اتبعها عشان اشتري شقه في مصر

ياليت تساعدووني لاني خاايفه من النصب والي يعرف مكاتب مضمونه هني عندها شقق بالقاهره يفيدني جزاكم الله خير

 

[عقاري1]

اختي صبري اشوي علا مصر ليما اتبين ملامح الحكومه اليديده -

 

[اسيره2]

جزاك الله خير ع الرد
خلاص بنطر والله كريم

 

[محيسن اللقلق]

السلام عليكم ورحمة الله وبركاته ،،،

اذا لج نية الشراء ابتعدي عن المعارض اللي تقام بالكويت بين فترة وفترة ...
الافضل معاينة الشقة على الطبيعة ، ويفضل اختيار الاماكن المعروفة والمرغوبة
مثل : المهندسين - الدقي - ابراج طيبة ( مدينة نصر ) - الزمالك .
وكل ماكان نسبة سكان العمارة من الكويتيين او الخليجيين مرتفعة كل ماكان افضل .
رأي حبيت افيدج فيه من واقع خبرة ولك حرية الاختيار .

بالتوفيق ...​

 

[BMW750]

لاتشترين اي شي من مصر الا عن طريق محامي السغاره

 

[كويتي2]

يبه بعدو عن مصر كلها نصب بنصب .. تروحين تسوين اوراقج وتكون قانونية بعد .. وهم بعد ينصبون وبالآخر يقولون مو ملكج .. يا ما اتنصب عليهم وهناك النصب مثل السلام عليكم

 

[كويتي2]

للعلم حتى المحاميين هناك ينصبون .. وشرط يتكلم معاك بأحلى كلام وأعسل كلام .. انا عشت معاهم وجربتهم عدل لما كنت ادرس هناك والله يلوع جبدك منهم

 

[nabhaan79]

للعلم والتنبيه

تم بيع أراضي في 6 أكتوبر واللي إهي في الحقيقه عباره عن عماره في الصحراء

كون منطقة 6 أكتوبر كبيرة جدا ولم تبنى كلها

وأنا شفتها بعيني كنت مسافر بالسياره من القاهره ورايح الفيوم مادري منطقة ثانيه ناسي صراحه اللي فيها بحيره خايسه ومزارع صيد تلوع الجبد بعد المهم

شفت وأنا بالطريق بعد ما طفت منطقة 6 أكتوبر شفت عماير بنص الصحرا على اليمين حتى لو موترك دفع رباعي ما تقدر تدشله صراحه كان منظر غريب ومفرقه هالعماير كأنها مقابر وشكلها حلو بعد بس ما حولها شي بنص الصحرا والمنطقه الرئيسيه بعيده عنها بعد

المهم سألت وقالولي إن هالمنطقه تابعه ل 6 أكتوبر

فا نصيحه خصوصا مصر يقولك تطل على النيل ويطلع آخرتها طلع راسك مترين وطالع يسار بين العمارتين اللي هنااااااااااااااااك تشوف شراع القارب اللي باين هذا أهو النيل بوجه بارد بعد

دير بالك دير بالك دير بالك عينك ميزانك

وأساسا إبعد عن القاهره وخلك على منطقة المعادي ومو أي معادي (دجله بالذات) هذي شي راقي صراحه ما أقدر أوصفها

وكذلك منطقة مصر الجديده صراحه خيال وشعبها غير بعد

أهل مصر قاعد ينحاشون من القاهره إلى المناطق الثانيه

 

[realestate]

السلام عليكم
اختي افضل شي اليك قبل كل شي تبي تشترينه لازم تستفسرين عنه وبالتفصيل وبعد كده تقدرين تاخدين الموضوع بجدية واذا تبين اي مساعدة حاضرين احنا شركة عقارية وما بنشتغل بمصر بنشتغل في السعودية والامارات وسلطنة عمان 0096599719952

 

[ابو مرمر]

اااااااااااااااااااااااااااااااااااااااااااااانحش

باجر يقولون لج هذي عمارات حسني مبارك وجمال وعلاء ولازم ترد للشعب


الصبر لما تتضح كل امور الدول العربيه شكله السالفة مطوله