هل العمليات اللي تمت اليوم سوف تعتمد ام تلغى

[السهم الامريكي]

عمليات التداول لهذا اليوم واللتي تمت هذا الصباح قبل مشكلة السستم هل ستلغى ام تعتمد؟

 

[امل الكويت]

شوفو قناة الكويت الأولى ، يقولون انه الصفقات التى تمت قبل العطل تعتبر نافذه وصحيحة ، يعنى الاوامر الغير منفذة فقط هي التى سوف تلغى ، وللأستفسار عن الفترة المسائية الآتصال على هذا الهاتف : 2992000 بعد الخامسة مساءا

 

[بورصراتي]

الكلام مو واضحه شنو معلقه هل اللي اهم بالحد الاعلى او كل الصفقات

 

[مندفع]

هل تعتبر الجلسه المسائية جلسه جديدة ام امتداد للجلسة الصباحية
اي بمعنى هل يتم تداول الاسهم بحدود سعريه جديده ام بنفس الحدود السعرية الصباحية ؟؟

 

[امل الكويت]

الاوامر المعلقة يعني الأوامر التى لم تنفذ . ( سوف تلغى ) يعنى في بداية السوق مساءا سوف تكون اوامر جديده .

 

[As You Like]

مساء الخير :

بالنسبة للصفقات التي تمت ما يقدرون يلغونها ,, بأي حق شخص شرى سهم وبعدين اوقف التداول بخلل شنو ذنبه...أكيد لن تلغى الصفقات لكن بالنسبه للتداول اليوم سمعت إن بكون من الساعه 7 مساء لغاية 9 مساء هذا اللي سمعته واللي بالجدر يطلعه الملاس ( مثل قديم ) ....

 

[بورصراتي]

يعني اللبنانيه الحين بالحد الادنى يعني بليل راح تكون بالحد الانى نفس الصبح؟

 

[As You Like]

يعني اللبنانيه الحين بالحد الادنى يعني بليل راح تكون بالحد الانى نفس الصبح؟

السهم له حد اعلى خمس حركات وكذلك في النزول فسهم اللبنانيه لو إفترضنا ما صعد ماراح ينزل أكثر لأنه هذا المسموح ليوم واحد....

 

[امل الكويت]

اتوقع انه راح يكون سعر الافتتاح على اساس اسعار اقفال يوم امس

 

[بورصراتي]

اتوقع انه راح يكون سعر الافتتاح على اساس اسعار اقفال يوم امس

لا اختى امل كلامج احتمال غلط توه واحد من الشباب ياي من البورصه يقول الصفقات تمت بس الاوامر الغيت السوق ماشي على الصبح

 

[As You Like]

اتوقع انه راح يكون سعر الافتتاح على اساس اسعار اقفال يوم امس

لا ما أعتقد ....

راح يكون السعر أهو سعر إيقاف التداول لكل الشركات شي طبيعي كأن التداول وقف 10 دقايق نفس أمس بس المدة طالت لا أكثر....

والله أعلم

 

[امل الكويت]

وانا شنو اللي قلته غير هالحجي ؟؟؟ الضاهر السستم واقف عندكم

انا اللي قلته الاسعار اللى وقف عندها السستم اليوم لن تعتبر سعر الاقفال ، لكن ستكون الجلسة المسائة امتداد للجلسة الصباحية يعني يكملون التداول عادي وعلى اساس اقفالات امس ، يعني سلطان قفل امس بسعر 1.640 ، راح يكون اكمال التداول اليوم على اساس هذا السعر الحد اللاعلى 1.740 والادنى 1.540 ، ( وضحت الصوره ولا بعد ؟؟ ))

 

[As You Like]

وانا شنو اللي قلته غير هالحجي ؟؟؟ الضاهر السستم واقف عندكم

انا اللي قلته الاسعار اللى وقف عندها السستم اليوم لن تعتبر سعر الاقفال ، لكن ستكون الجلسة المسائة امتداد للجلسة الصباحية يعني يكملون التداول عادي وعلى اساس اقفالات امس ، يعني سلطان قفل امس بسعر 1.640 ، راح يكون اكمال التداول اليوم على اساس هذا السعر الحد اللاعلى 1.740 والادنى 1.540 ، ( وضحت الصوره ولا بعد ؟؟ ))

أول شي ما يحتاج هالإسلوب اللي فيه إستهزاء وثانيا شوفي وإقري اللي كنتي كاتبته كلامج كان مو واضح ولو واضح فعلا جان ما شرحتيه الحين

بلاش إستعباط....

 

[امل الكويت]

أول شي ما يحتاج هالإسلوب اللي فيه إستهزاء وثانيا شوفي وإقري اللي كنتي كاتبته كلامج كان مو واضح ولو واضح فعلا جان ما شرحتيه الحين

بلاش إستعباط....

شكرا جزيلا

 

[mishlay]

واضح كلامج أخت أمل ومثل ماقلتي أن السستم الظاهر واقف عند بعض الأعضاء

 

[mishlay]

اتوقع انه راح يكون سعر الافتتاح على اساس اسعار اقفال يوم امس

هذا كلامك أخت أمل وهو واضح ومايبيله أي توضيح زايد ! ومثل ماقلتي " يكون سعر الافتتاح على اساس اسعار اقفال يوم امس " .

 

[As You Like]

وانا شنو اللي قلته غير هالحجي ؟؟؟ الضاهر السستم واقف عندكم


مافي شخص معصوم من الخطأ وانا إن كنت مخطأ اتحمل خطئي واعتذر عنه لكن ودنا هالشي يكون بإسلوب راق لأنه إحنا ناس كبار إخت أمل الكويت....

ومشكوره على التوضيح ...

 

[امل الكويت]

وانا شنو اللي قلته غير هالحجي ؟؟؟ الضاهر السستم واقف عندكم


مافي شخص معصوم من الخطأ وانا إن كنت مخطأ اتحمل خطئي واعتذر عنه لكن ودنا هالشي يكون بإسلوب راق لأنه إحنا ناس كبار إخت أمل الكويت....

ومشكوره على التوضيح ...

اخوي AS YOU LIKE انا قلت السستم واقف عندكم ، اوكي ما قلت لأ بس وما وجهت الكلام مباشره لك ولا ذكرت اسمك، و كلمة (السستم واقف عندكم ) استخدمت تماشيا مع احداث تعطل السستم في السوق ، ( وهل كلمة الاستعباط هي الراقية ؟؟ ). واعتقد انا حاولت اوصل الصوره بابسط الاساليب ، ولمه شرحت مره ومرتين وثلاث لا يعني انه شرحي غير صحيح و احنا كلنا كبار ان شاء الله بالعقل و الكبير الله .

 

[Small_Stock]

امري انا معلق وسئلت الاوسط قالو لي راح تلغى اتوماتيكييلي

 

[As You Like]

اخوي AS YOU LIKE انا قلت السستم واقف عندكم ، اوكي ما قلت لأ بس وما وجهت الكلام مباشره لك ولا ذكرت اسمك، و كلمة (السستم واقف عندكم ) استخدمت تماشيا مع احداث تعطل السستم في السوق ، ( وهل كلمة الاستعباط هي الراقية ؟؟ ). واعتقد انا حاولت اوصل الصوره بابسط الاساليب ، ولمه شرحت مره ومرتين وثلاث لا يعني انه شرحي غير صحيح و احنا كلنا كبار ان شاء الله بالعقل و الكبير الله .

حصل خير إنشاء الله ,, بالنسبة لي الموضوع صار من الماضي وبلاش نتكلم بالماضي وسوري يا إخت أمل الكويت ....

صافية لبن ؟؟