سيارتي اندعمت شلون طريقة التامين ؟

[Business Girl]

السلام عليكم

انا دعمني سايق والدعمه صارت صوب التاير اللي ورا والبدي اللي فوق . الرنج والمكان اللي فوقه اللي ورا فتحة البانزين تضرروا

السايق عنده تامين شامل على سيارته بس انا ماعندي شامل واهوا الغلطان

الحين شلون طريقة شركة التامين ؟ انا معاه شركة الخليج للتامين

يعني الشركه يودون السياره الوكاله ؟ ولا انا اوديها ؟ يعني شلون طريقة التصليح ؟

لان الحين مسكرين ماقدر ادق عليهم ::verymad::

 

[سهمك اخضر]

تروحين المخفر وتطلبين من المحقق اذن تصليح والورقه لشركه التصليح للتامين

واذا اسمج اول وحده بالورقه مالت التأمين يعني انتي صاحبه الحق وأذا سيارتج

صارلها 3 سنوات يخيرونج بكراجات الشويخ عنده فورمه باسماء الكراجات او اذا

موديل 2010 -2009 يصورونها في مقر شركه التأمين الرئيسيه ويقولون روحي الوكاله

والمعاين يطلع يشوف السياره ويقدر تصليحه وتحطين رقمج عند الوكاله ويدقون اذا وصل

معاين شركه التأمين علشان يقدر فلوس تصليحه وتأخذين سيارتج بعد التصليح وبسلامه


والتأمين يحاسبون الوكاله


ان شاء الله قدرت افيدج

 

[Business Girl]

اي انا عندي ورقة المخفر واسمي اول اسم .

سيارتي موديل 2006 يعني مايرضون اصلحها بالوكاله ؟وشركة التامين شغلهم سريع ولا يعطلوني مده على مايصلحون السياره ؟

مشكوور اخوي

 

[fuphcr]

اختي اول شي الحمدلله على سلامتج وبعدين شركة التأمين ما يجبرونج تصلحين بره الوكاله لكن اذا بالوكاله راح يطلح المعاين ويقدر التصليح على حسب الاسعار بره الوكاله وراح يحسبون نسبة استهلاك لقطع الغيار وأذا تبين تصلحين بره الوكاله لازم تودين السياره لشركة التامين علشان يصورونها وشغله ثانيه مهمه اختي كلمي التامين اكثر من مره علشان يرفعون اجور التصليح وأذا صلحتي بالوكاله كلمي مسؤولهم علشان ينزل اجور التصليح وبالحالتين راح تحطين زياده من جيبج والموضوع كله ياخذ له تقريبا ست شهور لان حكم المحكمه راح يتأخر

 

[Business Girl]

مشكور اخوي الله يسلمك

يعني مثلا اذا سعر التصليح بالوكاله 1000 والمعاين قدر 600 يعني انا ادفع 400 ؟؟

شلون يعني 6 شهور ؟ يعني انطر 6 شهور على مايصلحونها ؟ وايد

مكشوور

 

[fuphcr]

اختي الاجور تنقسم قسمين
1-اجور قطع الغيار : والتامين راح يخصم منها نسبة استهلاك وبالتالي راح تدفعين الفرق يعني مثلا المدغر سعره جديد 100 دينار التامين راح يعطيج بس 70 والفرق 30 من جيبج.
2- اجور التصليح :وهو اجور عمال من حداده وصبغ مثلا بالوكاله راح يطلبون 500 دينار لكن شركة التامين تعطيج 300 بحجة ان التصليح بالوكاله غالي وبالتالي راح تدفعين الفرق .
وبالنهايه مثل ما قلت لج حاولي كثر ما تقدرين تاخذين من التأمين زياده ومن الوكاله كلمي المدراء علشان ينزلون المبلغ وخصوصا قطع الغيار .

 

[Business Girl]

اي فهمت طريقة الاجور .

بس شلون يعني حكم المحكمه ياخذ 6 شهور ؟؟

شكراا

 

[fahad ali]

ماتشوفين شر

 

[Business Girl]

الشر ماييك شكراا

 

[س ق]

الاخوان ماقصروا بس خليني اوضح شغلة ضرورية غايبة عن بال كل من شارك. اكيد راح اتعب وانا اكتب لاني مالي خلق اطول بالكتابة بس يالله اجرنا على الله.

اولا... لج الحرية تصلحين سيارتج وين ماتبين الوكالة او غيرها. بس اذا غير الوكالة تختارين من الكراجات المعتمدة عند شركة التأمين.

ثانيا... تقدير الاجور راح يكو كالتالي في مثل الحادث اللي صاير لج: 200 الى 250 دينار اجور تصليح.
ثالثا... 80% من قيمة قطع الغيار المستبدلة.

رابعا... وهذا الاهم... انتي رايح تصلحين على حسابج الحين.. وبعدين بعد سنة تقريبا راح تنزل قضية يكون السائق الثاني هو الغلطان... تروحين محكمة المرور التابعة لمكان الحادث وتقدمين رقم القضية اللي اخذتيها من المخفر ويعطونج صورة من الحكم وبعدها تروحين للصليبية ادارة التنفيذ المدني بجانب السجن المركزي واهنيه المشكلة الكبرى اللي الكل غافل عنها. لما توصلين اهنيه لازم اللي دعمج يدفع قيمة المخالفة وهي في الغالب 10 او 20 دينار على حسب. واذا ماحضر ومادفع لازم تنطرين ليما يجي الاخ ويدفع والا ادارة التنفيذ المدني ماراح يعطونج ورقة الى شركة التأمين. اذا مشوج الادارة واختموا على الورقة انه دفع حتى لو مادفع مشت امورج وتقدرين تروحين شركة التأمين على طول... اذا مامشت امورج، اقدر اقولج طريقة بس على الخاص افضل.

اخيرا... تروحين حق شركة التأمين اللي تابع لها المتسبب بالحادث واذا هي نفس شركة تأمينج احسن بعد. تأخذين ورقة منهم انج ماحصلتي على تعويض وترفقينها مع فاتورة التصليح وتراجعين الشركة قسم حوادث المركبات. يقولون لج راجعينا بعد 10 الى 14 يوم واستلمي الشيك.

وسلامتج والله يحفظنا واياكم من كل شر...

 

[Business Girl]

س ق

اول شي مشكور ويعطيك العافيه

الظاهر ان شركات الـتامين يبون ينحشون الناس علشان مايصلحون على حسابهم ::verymad::


انزين الحين شركة التامين اذا شافو السياره وقدرو السعر بسرعه راح يخلوني اصلح السياره ؟ ولا اجراءاتهم اتطول بالبدايه ؟
لان ودي من باجر اتكون السياره بالكراج

وبالنسبه حق محكمة المرور وادارة التنفيذ اللي بالصليبيه لازم انا اروح ؟ ولا عادي احد ثاني ؟

مشكور والله يسلمك

 

[bobcat]

انا اليوم بس استلمت فلوسي من شركة التامين بس بعد دوخت رااااس يعني الله يعينج على الوقت
لاكن فيه شغله طافت على الاخ س ق واللي هي انه حتى لو يدفع الغرامه بتنفيذ الاحكام الطرف الثاني لازم تقعدين شهر من بعد الدفع عشان يعطونج الورقه اللي تروحين فيها لشركة التامين وهم لما تروحين الشركة يقولون تعالي بعد فترة مايقارب سبوعين عشان تستلمين الشيك منهم وارد اقول الله يعينج على الوقت
وفي حال انه الطرف الثاني مادفع او مابلغوه يبيلج وقت عشان ما تستلمين الورقه منهم فالند يكون الوقت وبس واي استفسار انا حاضر

 

[mishaal 55]

الأخوان أعتقد ماقصروا لكن من ناحية المده أعتقد بالغوا شوى القضيه لما تحكم يبيلها شهرين وبعدها تنطرين 30 يوم علشان الحكم يصير نهائي ويدفع الشخص الغرامه ويعطونج ورقه للتأمين ويواعدونج أسبوع وتستلمين الشيك

وأنا فهمت من كلامج إن السياره تحتاج تصليح فقط ماتبى قطع إهنيه يودونج شركة التأمين لأحد الكراجات اللى متعاملين معاهم واذا وافقتى ممكن ماتدفعين شي وايد ويطلع الشغل مايكلف عليج
وماتشوفين شر

 

[س ق]

س ق

اول شي مشكور ويعطيك العافيه

الظاهر ان شركات الـتامين يبون ينحشون الناس علشان مايصلحون على حسابهم ::verymad::


انزين الحين شركة التامين اذا شافو السياره وقدرو السعر بسرعه راح يخلوني اصلح السياره ؟ ولا اجراءاتهم اتطول بالبدايه ؟
لان ودي من باجر اتكون السياره بالكراج

وبالنسبه حق محكمة المرور وادارة التنفيذ اللي بالصليبيه لازم انا اروح ؟ ولا عادي احد ثاني ؟

مشكور والله يسلمك

أسف على التأخير.. عقب مايصورون السيارة تقدرين تودين السيارة اي كراج تبين. بس أهم شيء تأخذين ورقة منهم بمعاينة السيارة وختمهم على ورقة الحادث.

أي واحد من أهلك يروح بس لازم معاه بطاقتك المدنية الاصلية اذا السيارة بأسمك.

لما توصلين لموضوع تنفيذ الاحكام بلغيني عشان اقولك شنو تسوين.

موفقة خير ومبروك عيد الكويت على الجميع وعسى الله يطول بعمر والدنا الامير صباح الاحمد..

 

[س ق]

انا اليوم بس استلمت فلوسي من شركة التامين بس بعد دوخت رااااس يعني الله يعينج على الوقت
لاكن فيه شغله طافت على الاخ س ق واللي هي انه حتى لو يدفع الغرامه بتنفيذ الاحكام الطرف الثاني لازم تقعدين شهر من بعد الدفع عشان يعطونج الورقه اللي تروحين فيها لشركة التامين وهم لما تروحين الشركة يقولون تعالي بعد فترة مايقارب سبوعين عشان تستلمين الشيك منهم وارد اقول الله يعينج على الوقت
وفي حال انه الطرف الثاني مادفع او مابلغوه يبيلج وقت عشان ما تستلمين الورقه منهم فالند يكون الوقت وبس واي استفسار انا حاضر

ماطافت علي .. أقرأ ردي عدل وراح تعرف والحمدلله على سلامتك وسلامة فلوسك من شركات التخمين مو التأمين...