هـــام للجميــع..!

[باحث جديد]

بسم الله الرحمن الرحيم

تحيه طيبه وبعد للاخوان الكرام..!

اخواني انا عندي استفسار وياريت تفيدونا فيه الي هو طول الله عماركم

يقولون في سوق بالعاصمه بالكويت لبيع العملات ارخص من الصرافين

يعني انا ودي اشتري سعودي وبمبلغ قوي فـا قالو لي في سوق بالكويت غير الصرافين الي بالمباركيه هناك والصرافين يشترون منه ..؟

فاياليت الي الي عنده خبر يفيدنا الله يبيض وجيهكم ..!​

 

[باحث جديد]

شدعوووووه محد عنده خلفيه عن الموضوع ..!؟؟؟

الرجاء الافاده ..!؟

 

[mtc3]

اخاف مستقبل غلط قصدك الفوركس ..... على العموم شوف الاش بي سي

 

[باحث جديد]

شلون يالاخو ترى مو فاهم عليك ..؟

ممكن توضيح ..!؟

 

[mtc3]

بنك اسمة hsbc هذا بنك عالمي له فرع بالكويت اذكر انة في منطقة شرق .
هذا البنك ارخص اسعار الصرف . غير هالشيء فيه بورصة العملات اسمها الفوركس وهذي ليست لصرف العملات لكن للمضاربة بالعملات مثل المضاربة بالاسهم . يعني الفوركس ماراح تستفيد منها . انت بحاجة للبنك hsbc

 

[mtc3]

و هذا رقم تلفون البنك فرع الكويت
Tel: +965 2223 0722

 

[ابو يوسف25]

اتكلم على 50 فلس او 20 فلس

وبعدين جم المبلغ الي بتصرفه

نضرب مثال 20000 دينار ترا مو فارقه 50 او 30 كلعاده



مع العلم لو تحولها ارخصلك

 

[alnmr]

أخوي انت صاج فيه الجمله اللي الصرافين ياخذون منهم اذا مبلغك كبير يسوا تروح لهم حبييبي تدل موقف التكاسي الرسمي تراه قبله بشوي فيه محلات هوم يصيرون ابظهر المحلات ابجنب صيرفه الانصاري وبهبهاني يعني تقدر تصفط عند مواقف التكاسي وتروح مشي

 

[باحث جديد]

الله لايهينكم يالاخوان وبيض الله وجيهكم ..!

بالنسبه لاخوي ابو يوسف انا بصرف تقريبا مليون ريال سعودي يعني مو شوي

وبالنسبه للاخ alnmr

الله لايهينك ويعطيك الف الف عافيه ولكن ياليت اذا تقدر تفيدني وتجيب لي رقم تلفونهم اكون لك من الشاكرين

وللامره الثانيه الله يعطيكم العافيه ..!

 

[ايمان الكويتيه]

أخوي انت صاج فيه الجمله اللي الصرافين ياخذون منهم اذا مبلغك كبير يسوا تروح لهم حبييبي تدل موقف التكاسي الرسمي تراه قبله بشوي فيه محلات هوم يصيرون ابظهر المحلات ابجنب صيرفه الانصاري وبهبهاني يعني تقدر تصفط عند مواقف التكاسي وتروح مشي

اخوي قصدك اللي بسوق المباركيه ؟

 

[alnmr]

هلابك أخوي الوصف سهل طويل العمر هم أكثر من محل شايف مكان تجمع التكاسي أول ماتدخله شوفهم على ايدك اليمين من تدخل على ايدك اليمين بالنسبه للأخت ايمان لا مو صرافين المباركيه لأن هذول كل الناس اتعرفهم على ماأعتقد

 

[باحث جديد]

الله يبض وجهك ويطول عمـرك يالغالي ..

بشـوفهم ان شاء الله وبسال عنهم ..

لان انا في واحد من الربع يقول ان هنـأك سعر الصرف يفرق لان الصرافين ياخذون منهم ..

فعشـان جذيه .. سالت عنه عمـوما ابي اطلع لهم انا وبشوفهم وان شاء الله خير ..!

ولكن الاخـوان الكرماء اي شخص عنده رقم تلفون صراف بالجمله ياريت يفيدنـا هذا وجزاكم الله خيـر..

 

[البيت الخليجي]

أخوي
دير بالك ترى الحدود السعودية لها حد في إدخال العملات أظن 60 ألف ريال و إلا تصادر منك في الحدود إذا شافوها عندك فانتبه
و الله يرزقك

 

[باحث جديد]

البيت الخليجي ياهــلا ومرحبــأ فيك والله لايهينك ويجزاك خير ..

عندي خبر يالاخو بالموضوع انا حوالات عمري مخذيت نفس هالمبالغ برى لكويت ولكن حاولات ..

والله يجزاك خير يالاخو وبيض الله وجهك على هالنصيحه الاخويه الي نادره هاليومين ..!

ولكن للحين .. مو محصل الي يبيعون جمله ولي عنده خبر لاحد ينسنى يالاخوان ترى نبي فزعتكم ..؟