خيارات غير (بيتك)؟

[الشجرة]

السلام عليكم ...

بعد أرباح بيت التمويل الأخيرة ... الواحد صار يفكر في خيارات ثانية ...

فأنا في بالي أسئلة ممكن تكون في بال الكثيرين .. فبحطها .. والأعضاء إن شاء الله ما يقصرون

1) الخيارات الثانية غير بيتك أهمه بوبيان والأهلي المتحد.
بس الواحد لازم يعرف الناحية الشرعية .. شنهي الخدمات اللي يقدمونها وتختلف عن بيت التمويل؟ واللي ممكن يكون فيها خلاف شرعي؟
يا ريت المتبحرين في الأمور المصرفية يفيدونا عن الفروقات


2) شلون أرباح الراجحي؟ لأنه توني عرفت أنه لهم فرع بالكويت! وعندهم ودايع تبدي من ألف دينار:
http://www.alrajhibank.com.kw/ar/Individual/accounts/Pages/Term-Investment-Deposit.aspx
فجم أرباحهم تقريبا هالسنة أو السنة اللي طافت؟



3) شنو في بنوك إسلامية غير كويتية ولها فروع في الكويت وفيها ودايع زينة تنصحون فيها؟

 

[Bo Hammod]

حلو الموضوع

ما عندي خبرة بهالأمور عشان أجاوب بس عندي اضافة سؤال بالنسبة لبنك بوبيان

الحين البنك الوطني مو يتملك نسبة كبيرة من بنك بوبيان ؟؟!!

شلون يصبح بنك بوبيان بنك اسلامي ؟؟!!!!

أرجو الإفادة !!

 

[FuXur]

السلام عليكم

صحيح ان بيتك هالسنه نسبته ليست عاليه ولكن كثير من السنوات الماضيه النسبه كانت ممتازة كتوزيع للودائع والدليل زيادة في الودائع الى اكثر من 7 مليار دك والاصول ايضا مرتفعه والايرادات اكثر ايضا والسؤال المهم هو هل ستستمر البنوك الاخرى بتوزيع نسب عاليه السنوات القادمه

وجهة نظر

 

[ناس داك خوش ناس]

يبه المساله واضحه.... طالما ماكو تمويل للمشاريع بالدوله من قبل البنوك.. الفلوس والودايع محد يبيها لانها راح تكون راكده عنده ويبيلها من يجابلها.... التمويل العام كان عذره الازمه الماليه والسنه عذره مخصصات طيب وبعديين ؟ الله اعلم عموما قال شحادك يا مسمار قال المطرقه....
اما بخصوص بنك بوبيان اعتقد انه بيحاول ياخذ عملاء بيت التمويل بشتى الطرق...
بنك المتحد يبى يدش بالميدان وتوه يحبى بس جذب الناس بسالفه ( حساب حصادى ) ؟؟ وانا سالتهم عن شرعيه السحب الى يسونه ما احد عطانى اجابه شافيه ( هل حلال ام حرام ) ؟؟والله اعلم عن شغلهم هذا...........
يعنى خلنا علا بيت التهويل وربنا يسهل امورنا مع انى لو ما انى مرتبط بقرض معاهم ولا جان من زمااااااااان شلعت ودورت غيرهم

 

[باحث جديد]

الله يعطيك العافيه على هالموضوع المتميز والي والله انا كنت بنزله بالبدايه ..!

ولكن سبقتني الله يجزاك خير..!

وين تنصحونا نروح اي بنك وجم وزعو البنوك الثانيه ..؟

الي عنده خلفيه يقول لنا ..!

 

[الشجرة]

مشكورين على الردود ..

إنزين محد قال لي على الراجحي ... أنا دعبست على النت وطلع صار له سنة فاتح له فرع بالكويت ... وعندهم ودايع تبدي من ألف دينار ..

بس جم أرباحهم هالسنة يا ترى ... ما لقيت شي على النت ...

فياريت اللي يعرف يقول لنا ... لأنه ما أعتقد باجر يكونون مبطلين علشان نسألهم ..


وبعد لو في خيارات بنوك إسلامية خارج الكويت وشرعيتها مضمونة .. وشلون إجراءتهم ..

وسوري على الحنة

 

[النجدي2007]

اخذلك عقار ابرك وفية اجار شهري اذا مبلغك يكفي

 

[باحث جديد]

الراجحي ..؟

وبرقان..؟

وبوبيان..؟

جم ارباحهم الي عنده خلفيه يرد علينا يالاخوان..؟

 

[fuphcr]

بوبيان اعلن اول امس 2.7 على الودائع السنويه......الاهلي المتحد توزيعته هي الاعلى في البنوك الاسلاميه لكن ما ادري عن شرعيته .

 

[الشجرة]

أدري الموضوع قديم، بس حبيت أرفعه لأن هذا وقته.

منو ممكن يفيدنا عن شرعية الودائع في بوبيان والمتحد؟

في ناس شككوني في المتحد بسبب حساب حصادي.


فيا ريت أحد يفيدنا بأي معلومة.


سؤالين على الهامش:
هل أعلن بوبيان أو المتحد عن ارباح ودائع هالسنة ولا بعد؟

البنوك الربوية كم نسبة أرباح الودائع عندهم؟
(بس سؤال من باب العلم بالشي ... الله يبعدنا واياكم عن الربا)