سبب النزول الحاد

[العتيبي72]

ياعيب ياسوق الكويت ياعيب

شكرا كان عنوان موضوعي تم حذفه من الاداره ما اعرف السبب وين حريه الكلمه ياعيب ياسوق الكويت ياعيب

شوفوا اسواق الخليج كانت تحت ومنها قطر ومسقط والسعوديه والان سبقتنا قطر ومسقط والسوق السعودي را ح يسبقنا والفارق الان 40 نقطه ياعيب ياسوق الكويت ياعيب الله يرحمك ياسوق الكويت راضين باخساير لمته خساير سلم علي ابو عزيزي

 

[صفاة عالمى]

نهاية سوق شجاع

اليوم هو اخر يوم للنزول والازمه الكويتيه للسوق؟

 

[انوفستي]

لا غلطان الأزمه العالميه اليوم بدت بالكويت الي قبل كله ولاشي

 

[مساهم متواضع]

مسخرة يبون يبوقون فلوس الناس والله حرام بكل دول العالم يوجد تحليل فني يوجد اسباب ممكن تأثر على حركة السوق الا هذا السوق لا تعرف سبب نزوله

 

[knm]

سوقنا صاير

ندابه

لكل العالم

 

[Motfa2eL]

السلام عليكم ورحمة الله وبركاته, اشكك تاثير نزول اليوم من احداث البحرين... الوضع يشير الى تصريف محفظة كبرى , ومحافظ ماليه

وهذا الشيء ليس اعتباطيا , يبدو ان في الافق خبر !!! واعتقد والله العالم انه وضع صفقة زين السعوديه - المملكة القابضه

 

[العتيبي72]

هههه ياعيب السوق السعودي يسبقنا اول مره من 3 سنوات

 

[أبو المصادر]

أساله تبحث عن اجوبه

السلام عليكم

انهار السوق
انهار السوق وانهار الكبير قبل الصغير وتهاوة الاسهم كما تتهاوى اوراق الشجر فى الخريف فلا من كبير ولا صغير يقدر على ارجاع تلك الاوراق الى محلها الصحيح عندما تسقط بل تترك ألى حين يمر عليها فترة من الزمن ومن ثم تعود الى سابق عهدها وألوانها الجميله الخضراء .

سؤال يدور فى خاطرى واتمنى ان احصل على اجابته اسف قصدى عدة أسالة وليس سؤال واحد.

1. هل هناك من يريد ان يفك الحديد بالحديد ؟
2. هل هناك من يريد ان يوصل رسالة الى ... اما المساعدة او الهلاك للجميع ؟
3. هل تم طرد مجموعة رجال الاستثمار المتوجهين بطلب المساعدة من قبل..... ....؟
4. عظم الله أجركم يا اهل السوق فى سوقكم .​

 

[عندك سلف]

اليوم يفتتح السوق المصري بعد انقطاع طويل على خلفية الاحداث الاخيرة بمصر
والسوق بدأ بداية سيئة نازل 10% تقريبا
وسوقنا تأثر الى حد ما

 

[xTrader]

الي صاير شيء طبيعي
صعدو قطاع البنوك والقطاعات الثانية في نزول
صفقات خيالية واخبار كاذبة بهدف التصريف
خطة التنمية والدندنه على اوترارها
مقدمي برامج الاقتصاد بالكويت ومدحهم المستمر للسوق وتعافيه

 

[fayoona74]

ان مع العسر يسرا والله كريم

 

[أبوخليفه]

سوقنا ينطبق عليه المثل : يالقرعه من وين امشطج

 

[عديل الروح]

نزول قوي ماله داعي

اليوم الاربعاء آخر يوم تداول وبكرة الخميس عطلة ...

لكن هالنزول الكبير متعمد يبون ينزلون الاسعار ويشترون بالنازل على امل يبيعون فوق

نزول مفتعل وإغراء لدخول مبلغ المنحة الأميرية عشان يلهفون ويسرقون فلوس العالم

ولا اشمعنى هالوقت واليوم بالذات نزلوا السوق بهالطريقة القاسية ... وسوقنا الوحيد اللي كل يوم نزول ولا استفاد حاله حال باقي اسواق العالم

تحياتي

 

[بروكر محترف 2]

اليوم يفتتح السوق المصري بعد انقطاع طويل على خلفية الاحداث الاخيرة بمصر
والسوق بدأ بداية سيئة نازل 10% تقريبا
وسوقنا تأثر الى حد ما

اخوي السوق المصري ما فتح هذا اخر اغلاق تم التأجيل في مصر

عشان البنوك ما فتحت

 

[ركن الزهراء]

ياجماعة نزول مفتعل اكيد ان اجزم ان نزول مفتعل يبون المنحة عشان يغرون الناس واللة العظيم متاكد مالة داعى هالنزول كلش شوفو قيمة التداول ليش اليوم جذى منو قاعد يشترى يبون المنحة وتذكرو كلامى قبل شهر اكتبو بالوطن بين السطور ان عرابين السوق راح اسوون نفضة حق السوق عشان المنحة واللة ارجو ان محد ابيعماكو شى منو قاعد يشترى منو

 

[بو ضاري 2005]

هاذى فرحة الكويت خير الكويت ومناقصاة وتموين ------------------- تجازون الفرحه وفرحة الامير الله يطول فى عمره ابو ناصر -------------- فى هاذى الطريقه تكفا تكفا يابو ناصر خلهم لا تدخل الاستثمارت خل التاجر مثل مانزل السوق يتحمل فعله

 

[ahmaaad]

لا للبيع لا للبيع لا للبيع للحراميه
لاتعطونهم اسهمكم بالاسعار الي فرضوها
السوق باذن الله مرده بيرتفع تدرون ليش؟؟
لان الحراميه مايقدرون يصبرون بدون السوق ومص فلوسنا
اللهم لاتوفق كل واحد بالسوق سعى في خساره مسلم
اللهم اشغله في نفسه اللهم رد كيده في نحره
اللهم ارنا فيه عجائب قدرتك في ماله وصحته
امين امين امين

 

[Navigator]

شكرا كان عنوان موضوعي تم حذفه من الاداره ما اعرف السبب وين حريه الكلمه ياعيب ياسوق الكويت ياعيب

شوفوا اسواق الخليج كانت تحت ومنها قطر ومسقط والسعوديه والان سبقتنا قطر ومسقط والسوق السعودي را ح يسبقنا والفارق الان 40 نقطه ياعيب ياسوق الكويت ياعيب الله يرحمك ياسوق الكويت راضين باخساير لمته خساير سلم علي ابو عزيزي

دور على موضوعك عدل

تلقاه اندمج مع موضوع مشابه