استفسار عن جيب مرسيدس g500

[b.bader2010]

إخواني حبيت اعرف عن هالسيارة ليش غالية للعلم شكلها عادي ؟؟شاكر لكم

 

[560SEL]

السلام عليكم
اخوي السياره شكله كلاسيكي ورووووووعه جدا ولو تاملت بتفاصيلها راح تشوف انها مختلفه عن كل سيارات الدفع الرباعي
السياره اساسا مصنوعه للجيش وهي سياره تصميمها عسكري الى الان
كل فتره تجدد من داخل حسب التطورات لفئات المرسيدس الأخرى ومن الخارج يتعدل شي بسيط مثل الليتات والشبك والدعاميات والمحرك يتغير بالجديد لكن ياخذ فتره يعني الى موديل 1994 محرك 560 m117 وبعدها شبح ومن 1999 تغير الى محرك m113 اللي يجي على ابو عيوم والحوت الى 2005 لكن استمر على g الى 2008 وبعدها نزل عليه محرك m273 اللي نزل على الحوت بانوراما من 2006 الى 2011
السياره صناعه يدويه
من سنة 1979 الى 2011 نفس الشكل خارجيا يعني تحافظ على سعره لان شكلها مو متغير الى الان ولا فيه طاري انه يتغير
على العموم لاتحكم على السياره من كلام الناس ترى اهي سياره قويه جداااااااا فوق ما تتوقع ولو تسوقها تحس انها تستاهل قيمتها سواقتها متعه بحد ذاته
وفيه ميزه اللي هي الفتحه الى الان حديد مو جام

 

[abu yousef]

عز الله انه موتر تبيه خط سريع تبيه بر تبيه سفر سياره بمعنى الكلمه والله يحفظك ويرزقنا فى واحد

 

[b.bader2010]

الله يجزاكم كل خير ويرحم والديكم ماقصرتوا علي ردودكم الطيبة انا شفت لي واحد بمحطة غسيل واستغربت من راعية يقول لاتاخذة يطيح بجبدك ماينباع للعلم موديل سيارتة 2002 مجدد 2009 وعطاني اياه 12500 الله يوفقنا معاكم الي طريق الخير يارب