استفسار بخصوص محل خضار وفواكه

[بو ضاري1]

سلام عليكم
يا إخوان اذا الله وفقني وحبيت افتح محل خضار وفواكه
شنو تنصحوني فيه؟
-- ومن وين اشتري المنتجات هل من حراج الفرضة؟
-- وكم راس المال بالبدايه ؟
-- وشلون ربحيتها ؟
-- ونصايح اخرى ؟
ولا تبخلون علينا بنصايحكم
وجزاكم الله كل خير

 

[mosaid]

الى الأخ بو ضاري1 .. تحية طيبة وبعد .. بالنسبة الى موضوعك فأن اول ماتفكر به هو ايجاد مكان او موقع لبداية المشروع .. وللعلم ان الموقع المناسب هو بداية النجاح لأي نشاط مهما كان.. فعلى سبيل المثال لاحظ البقالات والمطاعم والمحلات الأخرى التي تتواجد بالشوارع العامة او منطقة الأسواق يكون ربحها اضعاف مضاعفة ..واما الباقي فأنها بسيطة ان شاء الله اتعب على المكان وانا حاضر لأي سؤال .

 

[بو ضاري1]

مشكور اخوي mosaid على النصيحه وراح احطها من ضمن الاولويات....

واتمنى من كان له خبره او راي يدلي بدلوه
وشدعوه مشاهدات 27 ورد واحد بس
لاتبخلون علينا نصايحكم

 

[المؤشر العقاري]

تشتري من الحراج في سوق الخضار المركزي على طريق كبد...
الموقع مهم جدا بس انا صراحة مابي احبطك اكثر الكويتيين يشترون من الجمعيات في ايام التنزيلات بعد والله يرزقنا وياك ويوفقنا وياك

 

[naaser]

مشروع الخضار يخوف خاصه اذا اول بداية لك
لان الخضار بسرعه تتلف و بكل مكان تحصلها مثل بقاله او جمعية
عموما بالتوفيق والله يرزقك