احذروا من التلاعب في عداد السيارات

[1+1]

السلام عليكم

اخواني حبيت احذركم عند شراء السيارات بالانتباه الى عداد السياره واحد من الربع بايع سيارته على واحد مديل 2003 والسياره ماشيهى 300 الف وبعد بيعته بشهر صادف واحد يعرفه من بعيد جان يقوله هالسياره من وين شاريها قال من واحد ليش قال هذي سيارتي اللي بعتها قاله ماشاء الله عليك مو ماشيه حيل سيارتك قال شنوو سيارتي قاطعه دياار شلون مو ماشيه طلع الللي بايعله لاعب بالعداد من 300 الف الى 80 الف شلون مدري انصدم ( والساكت عن الحق شيطان اخرس )

اللي تلعبون بعدادات السياره خافوا يوم تحاسبون عليه عند ربكم ​

 

[بو شيشه]

مشكور اخوي
بس المشكله شلون ينعرف ان العداد ملعوب فيه؟

 

[sooo]

استغفر الله

 

[abdullah6868]

اللعب بالعداد مشكله عالميه من الصعب تحديدها
ولكن من الفحص الاولى للمركبه ممكن تعرف انها مستهلكه
مثلا سياره 2003 مضى على استخدامها 8 سنوات ومهترئه من الداخل والخارج هل من المعقول ماشيه 80 الف
صعبه جدا
ولاكن قد تجد مديل 90 ماشى 70 الف ولكن بحالة الوكاله هذا معقول
ولكن الفيصل حاليا هو عند قيادة المركبه وتحسس جميع الاجزاء الميكانيكيه والسفايف والمعاونات وتسرب الهواء
بذلك تعرف المركبه هل هى مهترئه ام لا
وفقكم الله بما يحب ويرضى





​

 

[1+1]

شاكر ردودكم اخواني

 

[1+1]

مشكور اخوي
بس المشكله شلون ينعرف ان العداد ملعوب فيه؟

العفو اخوي وعن سالفة شلون نعرف هذي يعرفونها معدومين الذمه والضمير
الامن رحم ربي

 

[أعرابي]

مشكور اخوي
بس المشكله شلون ينعرف ان العداد ملعوب فيه؟

أنا بقول حادثة صارت معاي يمكن توضح شلون العداد ملعوب فيه رحت الحراج طبعا الحراج الحالي و لقيت واحد مصري يشتغل في مكتب و منزل لهم جيب لكزس الموديل 2002 و العداد 75 ألف طالعت السيارة و إلا دواسات البريك و البنزين مكروفة و ربلها متأكل و شفت يدت الجير ,الجلد عليها متغير لونه من كثر المسك و متنتف و كذلك السكان . و التكاية , و الكشنات فيها تكسرات و تشققات و كشن السايق جنه خافس و وضعه متغير عن كشن الراكب الأمامي , ملاحظة ثانية معاونات اللكزس عمرها يزيد عن 75 ألف و عادة تتغير كحد أدنى عند سيرفس 120 أو 140 ألف و السيارة فيها معاونات تعبانة ووقفتها و رزتها مو متزنة و مو رزت وكالة ,فقلت للمصري السيارة ماشية 75 و داخليتها ماشية 200 شلون , فقال و أنا مالي إنشاله ماشية 400 أنا أعرضها و بس .
- ملاحظة شوف سجل الخدمة للسيارة عند الوكالة كم العداد و عند أي تاريخ .
- براغي الديكور يصير فيها حكوك خفيفه و خدوش بروس البراغي عند السيارات إلي يتعدل عدادها بفك الطبلون و
بدون برمجة
و هذا الي مر علي و يمكن أحد يعرف طريقة أو شخص له الخبرة ياليت يفيد إخوانه و الله الحافظ .

 

[بو شيشه]

يا اخوان صعب تصيد تغيير العداد بالطرق اللي تتكلمون عنها وتثق فيها
انا اقصد شي موثوق فيه
يعني مثلا ممكن تلقى سيارة ماشية 130 وتبي تشتريها...وهي بالأصل مثلا ماشية 250 وراعيها منزل العداد...هني اللي أقصده شلون تصيد ان العداد ملعوب فيه
ممكن يكون راعي الموتر محافظ عالسيارة واستعماله ما يبين ان السيارة ماشية 250!!!!
خاصة ان اللي تلقاهم ينزلون العداد تلقى ينزلون 40 او 50 او بهالحدود اغلبهم....فشلون تصيدها
وحاب اعرف..اللي تصيده منزل العداد ويكون عندك الدليل...هل في حكم قانوني عليه عندنا او لا؟

 

[شيطون]

لا حووووله ولا قوه الا بالله ليش الناس متخاف الله يسلموووووووو على التحذير

 

[al-dbel]

اللي اعرفة وواثق منة امام الله ان فية شخص ينقالة ابو انور ال.... اكبرشخص معروف على مستوى الاعلانات في الوسيط وغيرها ينزل عداد السيارة حتى انة نزل عداد كامري 2002 ماشية 40 الف الي 18 الف واقسم على ذلك مع انها مو ماشية اساسا بس شغل الحرمنة يمشي بدمة ومتخصص بالسوبرمانات علشان يكونون زباينة شياب ويغشهم بسهولة ومعروف بالحراج انة اكبر خسيس وهافي فالحذر كل الحذر منة نقلت هذا حتى لا اكون شيطان اخرس

 

[al-dbel]

والله المستعان

 

[الكويت2009]

الله يجزاكم خير
المشكله مو مشكله شلون تعرف انه منزل عداد
المشكله كيف ياكل فلوس حرام !! وياريت تغنيه

 

[1+1]

شاكر ردودكم اخواني وياليت لو الفحص يبين العداد انه منزل او ملعوب فيه عشان لاننغش من هالاشكال اللي ماتخاف الله

 

[بوجويس88]

اذا وارد أمريكا أو كندا يبين اذا العداد نازل ولا لأ عن طريق موقع carfax

و هذا موضوع صارله سنة تقريبا انا حاطة حق سياره بغى يندبس فيها أخوي

http://www.indexsignal.com/forum/showthread.php?t=234749


و طحت على سيارات منزل عدادهم اكثر من 150 الف كيلو

 

[الأرستقراطي]

ياجماعة مو مهم ان السيارة تكون ماشية 200 الف أو 50 الف ،،، أهم شي نسبة المكينة آنا عندي همر ماشي 180 الف و نسبة مكينته 70% و في واحد جهراوي عنده كامري ماشيه 100 الف و نسبة المكينة أقل من 60% يعني النسبة هي المقياس مو المسافة ،،، تحياتي ،،،