إخواني العســـكريين ممكن تتفضلون شوي

[corvette_dr]

السلام عليكم
مساء الخير يا الغاليين
أنا خريج هالسنة بكالوريوس علاج طبيعي طب مساعد
ويا إخواان بخاطري أدش الحرس الوطني أو الشرطه
أفكر أكمل ماجستير إداره أعمال
وأقدم علشان ما أبي أشتغل بالمهنة هذي
ودي اشتغل شغل إداري بس أكون بالحرس أو الشرطه
فشنو شرايكم أكمل ماجستير وأقدم
ولا أقدم عقب البكالوريوس ؟؟
ويا ليت تعطووني معلومااات على الأقل توضح لي الصووره وشاكرلكم

 

[ياسر الروقي]

السلام عليكم \
اخوى حسب معلوماتي تخصصك صعب انك تدخل فيه ضابط الا لما يطلبونك عن طريق الاعلان بالنسبه لداخليه حسب علمي لايوجد تخصص طب طبيعي لانه لايوجد مستشفى اصلآ يوجد مستوصف في قرطبه والعلاج الطبيعي يوجد في المستشفيات
والحرس ما عندي معلومات عنه لكن ما عمري سمعت عن مستشفى الحرس الوطني
يوجد المستشفى العسكري في صبحان وهو تابع للجيش ان كانت لك رغبه بالعسكريه اقرب شي لك ضابط بالجيش وراح يحولونك للمستشفى العسكري حسب تخصصك .
بالنسبه للماجستير تخصص ادارة اعمال وماجستير الاداره حتى المهندسين الاحظهم يختارونه لان فيه مرونه ولا يوجد فيه تعقيدات ومطلوب عند التخرج لكن متى تدرسه انا افضل دراسة الماجستير تكون بعد الوظيفه لاسباب كثير منها ان الواحد يأمن له دخل ويستقر ثم يكمل على راحته ان كان له رغبه في مواصلة دراسته
تقبل تحيات اخوك ومبروك التخرج مقدمآ​

 

[corvette_dr]

مو المشكله يا أخووي ما يبونه الحرس والشرطه فمضطر أخذ ماستر إداره وأقدم ؟؟؟
بس يقبلوني على الإداره ولا العلاج الطبيعي ؟؟؟
بالنسبه للجيش ما أقدر أقدم عليه لأنه عمري طااف ال 24

 

[بدون مجامله]

انصحك تقدم على الحرس وان شاء الله يقبلونك الحرس عندها عيادات بالمعسكر تقريبا لجميع التخصصات وتتخرج ملازم اول بخلاف الداخليه والجيش ملازم ثاني الحرس راحه+راتب+عمل خفيف +ترقيتك ابدا ماتتاخر فيها نصيحة اخ محب لك الخير

 

[corvette_dr]

أخووي بدوون مجامله
يقولون الحرس صعب قبووله ولازم وااسطه
تقدر تفيدني بقبوول الحرس ؟؟؟

 

[sanad2007]

مافي شي اسمه قبول ع الماجستير اخذها مني واذا مو مصدقني روح للديوان واسأل

التعيين في اي جهة ع الثانويه او البكالريوس

ونصيحة من اخوك لاتدرس ماجستير غير تخصصك في البكالريوس انا درست وتوهقت ما استفدت منها شي

 

[بوناصر العجيل]

أخووي بدوون مجامله
يقولون الحرس صعب قبووله ولازم وااسطه
تقدر تفيدني بقبوول الحرس ؟؟؟

توكل على الله وقدم على الحرس

خلك من يقولون
لاواسطه وله يحزنون

الربع 3 دشوا

الحجي كله اذا مقدمين وايد تصير قرعه

توكل وروح
ربك معاك بس صف النيه

 

[فهد الرشيدي_28]

مو المشكله يا أخووي ما يبونه الحرس والشرطه فمضطر أخذ ماستر إداره وأقدم ؟؟؟
بس يقبلوني على الإداره ولا العلاج الطبيعي ؟؟؟
بالنسبه للجيش ما أقدر أقدم عليه لأنه عمري طااف ال 24

الجامعي اعادي ديش الى حد عمر 31

 

[corvette_dr]

للرفع
مشكورين يا إخوااان

 

[ENG.electric]

بالنسبة للحرس اخر اعلان مكتوب تخصصات الطب واعتقد أنك تشملهم وراتبهم ممتاز لان كادرهم ماشي

أنصحك تقدم على الحرس قبل تكمل دراستك لان في عمر معين مادري جم بس أعتقد حق الطب 31 سنه وباقي التخصصات 28

وأفظل حل تكمل واذا نزل اعلان تقدم

بتوفيق

 

[ميكانيكي]

مافي شي اسمه قبول ع الماجستير اخذها مني واذا مو مصدقني روح للديوان واسأل

التعيين في اي جهة ع الثانويه او البكالريوس

ونصيحة من اخوك لاتدرس ماجستير غير تخصصك في البكالريوس انا درست وتوهقت ما استفدت منها شي

اتوقع كلام الاخ صحيح

الا اذا بتشتغل بمستشفى خاص يمكن هني يطلبون منك ماجستير

توكل على الله وقدم على الحرس

خلك من يقولون
لاواسطه وله يحزنون

الربع 3 دشوا

الحجي كله اذا مقدمين وايد تصير قرعه

توكل وروح
ربك معاك بس صف النيه

وكلام الاخ العجيل هم صحيح

على خبري مافي واسطات

واذا زاد العدد قرعه

واحد من الربع انقبل بالقرعه

 

[corvette_dr]

للرفع يا إخوااان
اللي عنده شي يفيدني لا يقصر