وين بتسافرون ياجماعه ؟

[bo7anon]

السلام عليكم يعطيكم العافيه شباب


الحين تونس ومظاهرات و مصر هم مظاهرات
لبنان ومحترقه
سوريا بتقوم على ديرتهم

وين نسافر بال1000

بدون حسد ياجماعه واحباط ضيقة خلق ترى وين نروح

لحد يقولي دبي بحرين ماتسوى كلش نبي نغير جو


المغرب ؟
تايلند::verymad::
اوكرانيا ؟

محتارين


ابي الكل يحدد وين وجهته خن نشوف وجهاتكم الطيبه

 

[yoyo1983]

روح العمره وادعيلي

 

[bo7anon]

ادري انكم بتقولولي هالكلام لان اساسا اون ريدي بروح مع الاهل اسبوع الياي العمره 3 ايام وبرجع


بس انا اقولكم يعني حق شهر 4 او 5 هم بخاطري اسافر

 

[b.bader2010]

اذا تعرف انجليزي هج لديارهم ترا خوووش ديار استكشف ويلز اسكتلندا ايرلند ترا ديااار موطبيعية تدعيلي واذا لغتك مو زود اقعد وحطهم وديعه

 

[Balloons Shop]

في أجمل من جو الكويت في هالوقت
لكن في الصيف أقصد بلا منازع اسكوتلندا
وجهتي اللي ما رحت لها ابد

 

[الحرملك]

يعني من وصل خبر المنحه

وعلى طول بنسافر فيها

حتى كنت وقتها انا بمصر

الشباب يقولون حلووو بنسافر فيهااا

يعني عجبي كل همهم نصرفها شلوووون ونصرفه بالسفر
لو توهم واصلين من السفر


لللاسف شعب تفكيييييييييييييييييره

 

[bo7anon]

لالا تدرون شلون خلاص

بحطها وديعه واستثمرها لين تصير بالالاف وباجر اشتري بيت

 

[b.bader2010]

يعني من وصل خبر المنحه

وعلى طول بنسافر فيها

حتى كنت وقتها انا بمصر

الشباب يقولون حلووو بنسافر فيهااا

يعني عجبي كل همهم نصرفها شلوووون ونصرفه بالسفر
لو توهم واصلين من السفر


لللاسف شعب تفكيييييييييييييييييره

ياخي كيفهم ناس يبون يصرفون فلوسهم بالسفر شي راجعلهم ماخذو من جيبك صج ناس تفكييييييييييييييييييييييييره

 

[b.bader2010]

لالا تدرون شلون خلاص

بحطها وديعه واستثمرها لين تصير بالالاف وباجر اشتري بيت

عطني اياها والوعد بعد سنة اظبطك

 

[bo7anon]

شدراني عنكم

يبه كلها 1000
ياتسافرون فيها
يا تصكرون فيها فيزا او ماستر او قرض 1000 او عليكم اقساط متأخره
او تشترون اجهزة ببالكم
او اي شي بخاطركم انتوا شكوووووووووووووووووووووووو كيفهم يسوون اللي يبونه براحتهم

للاسف شعب تفكيييييييييييييييييره

 

[foxmind]

ياسبحان الله يعني الناس ماعندها هالالف ويوم وصلها تفكر شلون تصرفه وترجع تفلس من جديد واذا كنت مو مهتم بالألف اذا مافرقت وياك تقدر تسافر في اي وقت بس تفكر شلون تصرفها والله شي عجيب انا مو قصدي اتفلسف عليك لكن يااخي احفظ فلسك تحتاجه بيوم اسود والسفر له وقته

 

[بو شيشه]

يعني علشان الرجال يبي يغير جو خليتوه انه يلعب بالفلوس
يبا هذي فلوسك تبي تستمتع تبي تخشهم سوي اللي بخاطرك
و الرزق من رب العالمين
ياما ناس خشت فلوسها و راحت عليها الدنيا وما استمتعت بنفسها وياما ناس استمتعت بفلوسها واخرتها انقطت بالسجن عاد اختار انت شتبي فيهم
قطهم لسفره سنعه تتمتع فيهم انت والأهل ابرك من ناس قاطتهم على شراء اغراض بهالأسعار المرتفعة بسبب التجار الجشعين وهي ما تسوى نص السعر

والمثل يقولك اصرف ما في الجيب يأتيك ما في الغيب

 

[rock404]

شوف

1- العمرة - بيت الله

او


2- أمريكا كاليفونيا


وبس اختار الى يناسبك هذولى احسن الامكان بالعالم​

 

[كنكون]

انا وياك بل هوا سوا
انا بسافر شهر 4 ولا ادرى وين للحين العالم صار صغير بعيوني
يمكن
بالى او بولندا
ويمكن تلقانى باجر اقولك امستردام
بس ماراح اسافر بفلوس المنحه

 

[بوخمسين]

ان الله لايحب المبذرين

ان الله لايحب المسرفين

فاتقوا الله فى أموالكم وفي عيالكم

 

[YAMAHA-RRX]

وليش تسافر اصلاً
هههههههه

 

[داشه عرض!!]

اذا امريكا انصحك بقوة وراح تزهد كل الدول خاصتا كاليفورنيا
زور لوس انجلوس ولاس فيغاس وسانت ديجو لانهم يم بعض وادعيلي

 

[bo7anon]

اذا امريكا انصحك بقوة وراح تزهد كل الدول خاصتا كاليفورنيا
زور لوس انجلوس ولاس فيغاس وسانت ديجو لانهم يم بعض وادعيلي

جم يكلفون لو بفتر على هالولايات

تكلفه السكن والتذكرة والمصرف

 

[BO NASEER]

الجو هاليومين اللي طافو يقولك اركب الطياره بعدين حدد الدوله

 

[بيت]

اشرايك بجنوب افريقيا