نظريه تستخدم غالبا في بورصة الكويت !

[بوحسن]

في نظريه بالبورصه تعتمدها اغلب المحافظ وتسمى

من هو الاحمق الكبير


مع الاعتذار لجميع الاخوان بس هذي النظريه صحيحه وعالميه وهنا تستخدم بشكل كبير ومعناتها كالاتي :
هذي النظريه تعتمد انه منو الي تكون اخر مجموعة الي تشتري السهم بسعر عالي وبعده يبدي النزول ..هذيلي اهم الي يسمونهم ب الاحمق الكبير ...

هذي النظريه تعتمد على انهم يتعاملون باسهم لا اخبار عليها ولا بطيخ ولا تحليل اساسي او يكونون مفبركين عليها اخبار معينه ويرفعون السهم لحد معين وبعده يبدي النزول ..شطارة المضارب انه يعرف متى سيوقف الارتفاع بالسهم ويبيع قبل بحبه او حبتين ..ولها اداوتها ...

سوالي كم واحد قره موضوعي وحس انه الاحمق الكبير او ان مرت عليه هالنظريه وكان من مجموعة الاحمق الكبير

الله يسامح اهل البورصه والمحافظ بس
ونايس ويك اند للجميع

 

[بوحسن]

واحد دازلي مسج يقولي ما فهمت الي كاتبه

اسمع تبحث المحافظ بعد اعتماد التحليل الفني على الاسهم الي على وشك التحرك الى اعلى والتي سوف تحقق حركات مفاجئه ومذهله في فتره قصيره ...

ويقومون بالشراء بسعر مرتفع ولكن تخطيطهم انهم يبيعون السهم بسعر اعلى بغض النظر عن السعر الي شرو فيه السهم دام السهم في ارتفاع

وتستخدم هذي النظريه في فترات انتعاش السوق ( مثل سوقنا )

اما الشخص الاكثر حماقة
فهو المقصود فيه بانك مهما كان ارتقاع السهم فسوف تكون قادر على ايجاد شخص اكثر حماقه لديه الاستعداد لشرائه منك

اكيد عندنا الحين اسهم جذي ! مرت علينا

 

[أحمد بورصة]

انا المحافظ الله يهاداهم و يصلح بالهم انشالله .. خلوني (أحس) أني أحمق .. لأني ما بعت المخازن لما كانت 6.750 للسهم :\\\

بس الحمدالله على كل حال ..



و شكرا