مكشور ياخوي على الرد السريع
بس في شغل مافهمته
اشلون كل ما اصغرت المزرعة زاد سعرها
انا إلي اعرفه العكس
با اختصار ... المزارع من مساحة 100 الف متر مربع و لغاية مليون متر مربع (( صعب تصريفها بسهوله . لان حجمها كبير و سعرها غالي . و زبائن هل المزارع اما من فئة التجار او الشركات .
مثلا لو فرضنا سعر المتر 800 فلس و مساحة المزرعه مليون = وين تلاقي شخص يدفع على مزرعه 800 الف دينار ؟! الا في حلات نادره و التي ذكرتها لك سابقا .
و ثانيا / اقلب الناس صارو يتوجهون الي المزراع من مساحة 100 الف و لغاية 16 الف متر مربع ....
زاد الطلب + نقص في المعروض = ارتفاع في الاسعار .
في مزارع في العبدلي بالملايين مهجورة و للاسف اصحابها اما يكونون ورثه و بينهم خلاف او يكونون تجار او شيوخ مو محتاجين يبيعونها ...
هذا مما ادى الي نقص المعروض و زيادة الطلب .
في رمضان السابق كان سعر المزرعه مساحة 50 الف متر مربع شارع واحد 65 الف و الحين وصل سعرها اقل شي 80 الف ..
في ناس نعرفهم واجد باعو جواخيرهم في جبد بمبلغ 40 و 50 و 60 الف و زادو المبلغ جم فلس و اشترى مزرعه بمساحة 50 الف متر مربع ... و لما تحدثنا اليهم قالو لنا ان المزرعه مساحتها كبيره و سعرها مقارب لسعر الجاخور و ان مساحة الجاخور اما 1250 او 2500 متر مربع .... مما زاد الطلب على المزارع الصغيره و مما ادى الي ارتفاع الطلب .
اخوي انا بوصلك الفكره بشكل اوضح شوي . انت لما تشتري بلوك اراضي في جنوب السره او بو فطيره غير لما تشتري ارض وحده ... دائما الشي لما يكبر حجمه يقل سعر المتر فيه . او لما تروح شركة بيبسي لما تشتري صندوق بيبسي غير لما تشتري 100 صندوق لان راح يسولك خصم ..
بالعربي مافي احد يدفع مبلغ كبير على مزرعه ... و هذا الي خلى الناس اصحاب و ملاك المزارع الكبيره اما ينزلون من سعر مترها او يقوم في عمليات الفرز و بيعها بسعر اعلى .
انشالله وصلت الفكرة لك و سامحنا على القصور اخوي
