تبي ايفون 4 رخيص تفضل

[B.A]

السلام عليكم
اخواني انتو شايفين اسعار الايفونات اللي صايره مو طبيعيه واستغلال من الشركات بشي مو طبيعي والربح خيالي يعني قبل ينباع 230 ورابحين عليك مبلع من 30 لي 50 دينار والحين بعد ردو مره ثانيه رفعو سعره خلوه 270 اقل شي تحصله يعني ربحهم على الجهاز الواحد فوق 70 او 80 دينار فانا انصح تطلبونه من ابل ستور بريطانيا واهو موقع شركة ابل ببريطانيا وهذا موقعهم http://store.apple.com/uk/
وسعر ال16 قيقا ب 230 دينار تقريبا
وسعر ال 32 ب 270 دينار تقريبا
وهالسعر لان من ابل ستور بريطانيا وعارفين بريطانيا ضرايبهم غاليه وايد
الشركات ماييبونه من برييطانيا لا اييبونه من هانق كونق وضاريبهم اقل يطلع عليهم الجهاز اقل بوايد لان الضريبه ببريطانيا بحدود 40 دينار المهم


اول شي لازم يكون عندك فيزا عشان تشتري من موقعهم وقيمتها 5 دنانير فيزا دفع مسبق من البنك الوطني دق عليهم واطلبها توصلك ليلبيت نظام تعبيها وتشتري اذا خلص المبلغ اللي انت حاطه فيها ماتقدر تشتري ولا تسحب مثل الايزي والاكسبرس تتكلم بس باللي انت معبيه فماعليها خوف لان وايد ناس يقولون فيزا لا يبوقون حراميه او انا اخاف اسحب لالا نظامها حلو وهذا رقم البنك الوطني 1801801

بعد هذا لازم يكون عندك صندوق بشركة اراميكس عشان توصلك البضاعه وقيمة الاشتراك 10 دنانير مدى الحياة ويعطونك صندوقين واحد بأمريكا وواحد ببريطانيا وتطلب على كيفك المهم ولمن توصل البضاعه ياخذون منك 7 دنانير ونص قيمة الشحن بالنسبه للجهازين اذا بتطلب ايفونين واذا ايفون واحد ب 6 ونص فرق دينار
وهذا موقع شركة اراميكس تقدر تفتح صندوق وتشترك عندهم من خلال موقعهم http://www.aramex.com او انك تروح عندهم تشترك وهذا رقم الشركه 1820011

وبس تدش تطلبه والجهاز يوصلك خلال اسبوع بالكثير
خل نحسبها جم يطلع عليك الجهاز الواحد وجم يطلع عليك الجهازين

5 دنانير فيزا
10 دنانير فتح حساب بشركة اراميكس
7 ونص فلوس الشحن للجهازين
مجموعهم
22 دينار

+ قيمة الجهازين 460 دينار ل 16 قيقا
او
+ قيمة الجهازين 540 دينار ل 32 قيقا

اذا كان 16 قيقا
الجهاز الواحد يطلع عليك = 230 + 21 = 251 دينار كويتي
للجهازين يطلع عليك = 460 + 22 = 482 دينار كويتي

او اذا 32 قيقا
الجهاز الواحد يطلع عليك = 270 + 21 = 291 دينار كويتي
للجهازين يطلع عليك = 540 + 22 = 562 دينار كويتي


والشحن يطول اسبوع بالكثيييير ووفرت على نفسك 20 دينار اقل شي اذا كنت بتطلب جهاز واحد واذا بتطلب جهازين 40 دينار توفر على نفسك وفوق هذا عندك فيزا وصندوق تطلب اي شي تبيه مو بس اايفون لا من امزون او مواقع شركات

وهذي نصيحه وانتو كيفكم واتمنى تتقبلون نصيحتي
وبالامانه مو نيتي اكسر بالشباب بالمنتدى
بس كل قصدي الشركات وايد قاعدين ينصبون علينه ويرفعون الاسعار عشان هالمنحه الالف
وكل واحد يصرف فلوسه المكان اللي يريحه

 

[كويتي 24]

مشكور عالتوضيح

 

[الهاشمي1]

جزاك الله خيرا

 

[الكويت2009]

وعليكم السلام ورحمة الله وبركاته
اولا الله يجزاك كل خير اخوي على رسالتك للي تبي فيها الخير للاخوان

لكن ؟!

- الهاتف الاوروبي يبيع الجهاز اي فون4 -16جيجا ب249 وهذا ابلغ فيه احد الاخوان الاعضاء والسعر هذا موجود في ارض المعارض حاليا وكذلك ابلغ عن كارفون يبيع الجهاز بنفس السعر علما بانني لم ازر المعرض الى الان لكن هذا ماكتبه العضو
- فتح حساب في بنك ربوي واعانته في وضع مالك هذي مساله اخرى كبيره لابد ان لاتمر مرور الكرام
-رسوم الشحن والضريبيه والانتظار مدة لا تقل عن 15 يوم
- كفاله الاجهزه في الكويت تقدم محليه بامكان بسهوله مراجعه الفرع ، لو قدر الرحمن وخرب السوفت وير كيف تعمل صيانه خاصه ان مالهم فر ع في الكويت

كما ذكرت سلفا اقولك لك شكرا لك

 

[kokokaka]

وعليكم السلام ورحمة الله وبركاته
اولا الله يجزاك كل خير اخوي على رسالتك للي تبي فيها الخير للاخوان

لكن ؟!

- الهاتف الاوروبي يبيع الجهاز اي فون4 -16جيجا ب249 وهذا ابلغ فيه احد الاخوان الاعضاء والسعر هذا موجود في ارض المعارض حاليا وكذلك ابلغ عن كارفون يبيع الجهاز بنفس السعر علما بانني لم ازر المعرض الى الان لكن هذا ماكتبه العضو
- فتح حساب في بنك ربوي واعانته في وضع مالك هذي مساله اخرى كبيره لابد ان لاتمر مرور الكرام
-رسوم الشحن والضريبيه والانتظار مدة لا تقل عن 15 يوم
- كفاله الاجهزه في الكويت تقدم محليه بامكان بسهوله مراجعه الفرع ، لو قدر الرحمن وخرب السوفت وير كيف تعمل صيانه خاصه ان مالهم فر ع في الكويت

كما ذكرت سلفا اقولك لك شكرا لك

اخوي كلامك مو صحيح

اولا بخصوص الفيزا صحيح انها رباوية ولكن بعض التعاملات فيها حلال انشالله

والدليل انها تصرف من بيت التمويل وهو اسلامي ... ولما الواحد يشتري

عن طريق النت مايدفع فايدة ... وربح البطاقة هذي اتكون رسوم اشتراك

وليس ربحهم على الفايدة

وبعدين كارفور روحلة الحين يقولك سعري 249 بس يقولك ماعندي

شنو الفايدة

وانا توني جاي من ارض المعارض رايح بس اعاين اسعار الايفون

ارخص واحد عطانياه 265 اللي هو اكستريم ال 16 جيجا

واللي تقول عنه عند الهاتف الاوروبي وغيرة بي 249 هذا يلزمك بي عقد

سنوي مع شركة اتصالات ... يعني لازم تشترك

تبي ارخص ايفون مع عقد طبعا 32 في محل بشرق كان عارضة بي 180

مع عقد مدة سنتين مع شركة زين


وبخصوص المدة قاعد يقولك الرجال 7 ايام والجمرك على ماعتقد ان لما تشتري جملة

وبخصوص كفالة ربعنا اهني كله ضحك على الذقون .... يقولك مكفول سوفت وير ... يعني حدة حدة معاك يسويك رستور ويقولك لاشوفك مرة ثانية

والرستور اي واحد في البيت يسوية ( ايعادة ضبط مصنعي )

واذا جيتهم على شي في الهاردوير يعني قطعة داخل الجهاز خربان يقولك اقضب الباب

طبعا اتكلم على كفالة الغانم اللي اهو يضرب فيه المثل في قوة الكفالة

 

[B.A]

يعطيكم العافيه
واخوي الكويت2009 جاوب عليك اخوي كوكوكاكا وكلامه من واقع تجربه

والشحن مايطول اكثر من 3 ايام بالنسبه حق شركة ابل ومن لندن لي الكويت اراميكس كل 3 ايام تشحن كل البضايع
يعني 6 ايام وبالكثير 7