افضل طريقة لاستثمار 70000 الف دينار ؟

[كويتي محب]

السلام عليكم ؟
ياخوان اريد استثمار لمبلغ 70000 الف دينار كويتي ؟
شنو الاستثمارات او المشاريع على حسب هالمبلغ ؟
لاتقولون اسهم وبلاويها ؟؟؟

 

[خادم العلم]

مرحبا اخوي

ممكن نعرف شنو طبيعية ونوعية المشاريع التي ترغب بها

مع الشكرررررررر

 

[الكويت2009]

وعليكم السلام ورحمة الله وبركاته
اظن لو تزيد عليهم شوي
او تحصل عقار بالمبلغ المذكور
وتاجره ممتاز
بالتوفيق ان شاءالله

 

[JustSmile]

ماشاء الله تبارك الرحمن

الله يزيدك من فضله اخي العزيز

عليك بزياره بيت التمويل الكويتي اداره العقار المحلي
و اسال عن نظام الاجاره

ياجرون عليك البيت الذي ترغب فيه بعد ان تدفع نصف القيمه او اقل شوي و هم يكملون الباقي
و لك وكاله عامه عليه من هدم بناء تاجير بيع

لهم كل سنه 9 بالميه من المبلغ الذي تكلفوا بدفعه
و اذا حبيت تبيع تعيد لهم المبلغ الذي تكلفوا دفعه فقط

شي ممتاز

 

[الموحد1]

ماشاء الله تبارك الرحمن

الله يزيدك من فضله اخي العزيز

عليك بزياره بيت التمويل الكويتي اداره العقار المحلي
و اسال عن نظام الاجاره

ياجرون عليك البيت الذي ترغب فيه بعد ان تدفع نصف القيمه او اقل شوي و هم يكملون الباقي
و لك وكاله عامه عليه من هدم بناء تاجير بيع

لهم كل سنه 9 بالميه من المبلغ الذي تكلفوا بدفعه
و اذا حبيت تبيع تعيد لهم المبلغ الذي تكلفوا دفعه فقط

شي ممتاز

الله يحفظك ممكن توضح الفرق بين نظام الاجاره والمرابحه وايهما افضل؟

 

[ياسر الروقي]

لا تدخل اى مشروع الا انت عارف كيف تخرج منه
اعرف مخراجك قبل مدخالك

 

[j.y.j]

عندي مناقصه بس ناقصني السيوله المناقصه قيمتها 50000 الف دينار والدخل الشهري صافي لك 5000 دينار لمده سنتين وعليك الحسبه مع تقديم كافه الضمانات المناقصه راح تروح مني بسبب عدم وجود السيوله اذا حبيت تعرف اكثر اتصل فيني اخووك ابو محمد 60600868

 

[(@فهد علـي@)]

والله نصييحة عالمية وليست مني او من غيري

اذا تبي تتاجر ادخل فقط 10% من رأس المال

لاتفكر بمشروع ياخذ اكثر من 10% من فلووسك

منها تتعلم ولو اضريت يكون عندك سيولة كبييرة

اما لاتدخل لابالمبلغ كلة ولا حتى 60% منة خذ بنصيحتي

مشكلتنا اذا صار عندي مليون لازم اسوي مشروع ياخذ المليون كلة اولا

اي ليش ادخل بمشروع ماتتجاوز تكاليفة 10% من فلوسي الي عندي او 20% ولاتزعل

لان التجارة رزق من الله بدال ماتدخل بفلوسك كلها تجرب بنسبة قليلة

حياك الله ودير بالك من النصابين الي يخليلك الشمس بييد والقمر بييد

 

[wolfole]

السلام عليكم ورحمة الله ..
بيت التمويل الكويتي ياخذ نسبة 6% وليس 9% على المبلغ الذي مولك فيه
.....
أما الفرق بين نظام الاجارة ونظام المرابحة فنظام الاجارة يكون بمثابة تأجير المبلغ فقط..
أي انهم يشترون العقار المطلوب ويؤجرونه عليك ..بمعنى لو انك اخذت عقار بمبلغ 100000 بقسط 6000 وضليت تدفع القسط طول العمر ما ينقص من اصل الدين ولا دينار ...
ولكن نظام المرابحة فهم يشترون العقار الذي تريد شراءه ويبيعونه عليك بأقساط شهرية ثابتة وسعر فائدة ثابت ..

 

[al7oot511]

اخوي اذا لك بالتجاره بالمملكه العربيه السعوديه ... وحلالك قدام عينك .. محد يناشبك فيه لا اقصاد عليك ولا شي متي ما حبيت ترجع فلوسك تقدر ترجعهاا لانها بالاصل باسمك دون الرجوع لاحد ولك مدخول شهري اذا حبيت راسلني عالخاص واعطيك رقمي نتفاهم ...

 

[kwto_o]

انا اقول تخشهم عندي احسن لا تضيعهم

 

[Balloons Shop]

طق من بيت التمويل بيت الحرامية
والمشاريع كثيرة لكن تفكير ثم توكل على الله وتدبير بأمرك
أدخل بالنص
والله يكتب اللي فيه الخير

 

[بوعلي2010]

بطل لك مصبغتين يبا مايكلفون عليك 30 الف وضمنهم ولا اشتغل فيهم كل شهر يدش لك 1000 والباجي خشهم وبس لاتطير فلوسك

 

[محمد35]

السلام عليكم
في تجار عقار يشترون اراضي ويبنونها عمارات ويبيعون الشقق ويحتاجون شركاء وكل شريك له حصه من الربح حسب النسبه الي داش فيها ويعطونك كل الضمانات بحق الشراكه بالعقار وهذا شي موثق يعني مو شيكات ووصولات وكمبيالات و اقرار دين والسوالف هذي الا ماوراها الي المحاكم والمشاكل
يعني حقك مضمون وبايدك _ مثلا ارض بالسالميه او حولي _ تدش شريك فيها والمربح بصراحه مغري وانت المستفيد لانهم خبره بالعقار وحقك محفوظ ( المشروع عباره عن محفظه يديرها تاجر عقار خبره ) وسلامتك .

 

[b.bader2010]

عطني اياهم ومرني بالعيد انشاء الله