رايكم بــ افالون 2011

[Maxima]

شباب شرايكم بأفالون 2011 من كل النواحي

 

[بوحظين]

السلام عليكم اخي الكريم بالنسبة للافالون سعرها مبالغ فيه ممكن اتزيد كم الف وتاخذ اللكزس 350 او المكسيما الجديدة اوبشن وسعر جيد كذلك من نفس الفئة الفورد تورس او الكاديلاك cts اربع اسنين صيانة مجانية ولو ان سعرها ممكن يكون 14000 كرايزلر 300c الجديدة روعة كذلك ولكن بالنسبة للافالون المحرك مثل ما اهو من قبل 10 سنسن و الابشن قليل جدا ودفع امامي استهلاك عالي للبانزين بالنسبة لحجم المكينة اعتقد ما فيها تغير تذكرني بكراون فكتوريا لا تغير وسعرها يزيد ما ادري ما سبب الزيادة!
من ناحيتي افض cts كصيانة وراحت بال وكشخة وسعرها ماسك وليس نفس السابق

 

[Maxima]

السلام عليكم اخي الكريم بالنسبة للافالون سعرها مبالغ فيه ممكن اتزيد كم الف وتاخذ اللكزس 350 او المكسيما الجديدة اوبشن وسعر جيد كذلك من نفس الفئة الفورد تورس او الكاديلاك cts اربع اسنين صيانة مجانية ولو ان سعرها ممكن يكون 14000 كرايزلر 300c الجديدة روعة كذلك ولكن بالنسبة للافالون المحرك مثل ما اهو من قبل 10 سنسن و الابشن قليل جدا ودفع امامي استهلاك عالي للبانزين بالنسبة لحجم المكينة اعتقد ما فيها تغير تذكرني بكراون فكتوريا لا تغير وسعرها يزيد ما ادري ما سبب الزيادة!
من ناحيتي افض cts كصيانة وراحت بال وكشخة وسعرها ماسك وليس نفس السابق

مشكور يالغالي
بس والله زدت حيرتي

 

[syassi]

السلام عليكم

اخوي لو ادقق على الافلون الجديده البدي ماتغير يمكن كبوت والدبه والاسطابات مع الشبك وضيف عليهم العدادات يعني اهي اهي ماتغيرت اذا انتا تفكر بسياره استعمال خمس سنوات جدام مرتاح عليك بشغلتين يا انك تصير لي شهر ثمانيه وتاخذ الاوريون الشكل الجديد او انك تاخذ برادو الجديد الحين اذا مستعجل انا هذي نصيحتي وبعد عن المكسيما والدوج اذا بتشتري راحتك

 

[بايعها]

وخروا عن الساير وسياراته اللي ذبحنا بارتفاع السعر
امس كنت عندهم مسوين عرض على سيكويا وكاتبين عرض خاص وافلام واكشن بالاخير الموتر طلع موديل 2009 تخيلوا لا وسعره 11700 دينار اعوذبالله شنو هذا ؟؟

 

[nabhaan79]

الأفالون معشوقتي

بصراحه أنا متحطم فيها ومعجب من قلب

بالنسبه لي أفضل سياره سعر وإستعمال ونعومه وجوده وكل شي

ولكن الجديد

أحس إن شكله مو حلو وينقصه بعض الشغلات واللي أتوقع شركة تويوتا راح تغير منه شوي

وأنصحك إخذ موديل 2008 أرخص بالسعر ونفس الشي ما فرق واجد

لأن الجديد بصراحه شكله شوي مو مقبول بالنسبه لي وأنا عن نفسي لو بشتري أفالون آخذ القديم من سنة 2008 وطالع والجديد أتوقع بيحلونه شوي السنين القادمه

بس صراحه سيااااااااااااااااااره

متحطم من قلب فيها ومادري ليش كل ما أبي أشتري سياره ما أشتريها وبصراحه دائما أتحسف

 

[Knights]

نصيحه اخو ابعد عنها سياره ابتداء اقل درجه ب8900 ليش حرام هذا الساير واهو شغل ترقيع
حتى الدرجه الاولى الي ب10900 شاشه يركبها
يبا خلك مثلي انطر الاوريون الجديد ينزل واخذه وانت مرتاح كافي فيه سنسر وشكل احلى وصناعه استراليه مو امريكيه مثل الافلون وحتى سنسر ما فيها وشاشه تركيب وترا مشاكل تويوتا ما طلعت الا من السيارات الي تصنع بامريكا فا انحاش منها ونصيحه اخو والله
وايذ انت معزم اخذ لك لكزس ياباني اصلي وناعم وموتر كشخه ولا يطيح سعره ولا يقول اح
وموفق خير وربي نصحتك من القلب يالغالي وقبل لا تشتري اي سياره او تسوي شيء لا تنسى الاستخاره وانا اخوك وموفق خير

 

[Maxima]

السلام عليكم

اخوي لو ادقق على الافلون الجديده البدي ماتغير يمكن كبوت والدبه والاسطابات مع الشبك وضيف عليهم العدادات يعني اهي اهي ماتغيرت اذا انتا تفكر بسياره استعمال خمس سنوات جدام مرتاح عليك بشغلتين يا انك تصير لي شهر ثمانيه وتاخذ الاوريون الشكل الجديد او انك تاخذ برادو الجديد الحين اذا مستعجل انا هذي نصيحتي وبعد عن المكسيما والدوج اذا بتشتري راحتك

وعليكم السلام
جزاك الله خير والصراحة اميل للأوريون بسبب سعرها المعقول
بس اكيد شكلها بيتغير ولا كلام ؟

 

[خال الحكم]

اوريون2012​

 

[و111حد]

ياحلوها من سياره عندى من 5 سنوات كرااااااااااف اذا الله فكك من الحوادث
ماتحط غير البانزين والزيت
واسعه ونعومه وراسيه وسواقتها قريبه حيل للكزس هدوء وراكده
اذا استعملتها بتعشقها

بس الشكل الجديل ماحبيته كلش خصوصا من داخل صارت ممله وشبيهه للسيارات الثانيه
الى قبلها ديكور مسكر كامل واضاءه نيون تحس براحه

انصحك فى 2008

 

[nabhaan79]

على فكره الأوريون تعتبر سبورت

عشان جذي تلقاه يفتقد للنعومه مو مثل الأفالون والأوريون عمره ما يتقارن مع الأفالون

لاحظ اللي يركب أفالون وشوف اللي راكب أوريون دائما الستايل غير ^_^

 

[السوق توافيق]

بالنسبة للاخوان اللي تكلموا عن الافالون 2011 انا اتوقع ولا واحد فيهم استخدمها لكني أنا بتكلم عن الافالون 2011 من واقع تجربه.

انا كان عندي افالون 2007 وبعد ما انزلت 2011 بعت القديمه واشتريت الجديده والكلام هذا بشهر 8 يعني صار لها عندي اكثر من 6 شهور و
بصراحه افضل من القديمة بكثير من جميع النواحي لانها جمعت كثير من المميزات من حيث الشكل والنعومه والقوة والرحابة الداخليه والفخامة بالاضافة إلى السعر المعقول.

سافرت عليها عدت سفرات والسرعه فوق ال 200 وكانت قمة في الثبات والنعومه لدرجة اني ما احس بالسرعه وكان كل ذلك بحفظ الله ورعايته.

فانا انصحك تاخذها بدون تردد وان شاء الله ما راح تتحسف ولو حصل ما اعجبتك ترى هذي تويوتا سعرها فيها مثل الذهب وليست مثل باقي السيارات اللي اذا ما اعجبتك طاح منها الفين او ثلاثه.

ونصيحه اخذ بدون شاشه لان الساير موحاطين الشاشه الاصليه شوف الصور وانت احكم,



طبعا هذي الشاشة الاصلية

وهذي شاشة الساير بصراحة قمة التشويه للديكور

اذا نويت اخذ بدون شاشه احلى والفرق حوالي 1000 دك في السعر

وسامحوني على الاطالة واذا تبي اي استفسار انا حاضر راسلني على الخاص او اعطيك رقمي.

واتمنى التوفيق للجميع.