معرض انفو كونكت

[ffaazz22]

الف مبروك الان افتتاح معرض انفو وبمناسبة المنحة تم رفع اسعار اشتراكات الانترنت بالاتفاق
بدل ما تنزلون الاسغار ترفعونها صج ما تستحون الله لا يوفقكم
المشكلة ماكو احد يردعكم ويوقفكم عند حدكم

 

[anwarkamel]

انا باذني سامع من بياعين الغانم انهم راح يرفعون الاسعار قال شنو هذه تجارة وشطارة وقاعد يقلون نبي ناخذ اكثر حصة منها ... صج استغلال و الغلط مو عليهم علي قاعد يشتيري اه والله

 

[foxmind]

رفعت الاسعار بسببنا ياخوي ومعرفتهم بالمستهلك في الكويت انه مايصبر عن شي ومستعد يدفع مع ان اغلب شريحه يستنفع منها التجار هم ذوي الدخل المجدود كونهم اكبر شريحه

بكل بساطه احنا مو بحاجة المعرض طنشو هاليومين ولا لي اخر يوم بالمعرض وشوفو النتيجه وان مانزلت هم طنشو مو لازم وراح توصل الايام اللي تحصل فيها العروض الحقيقيه

 

[BO-MUBARAK]

نصحية اللي بيشتري شي يرووح الخبر يتمشى ويشتري اللي يبيه

 

[الهاشمي1]

رفعت الاسعار بسببنا ياخوي ومعرفتهم بالمستهلك في الكويت انه مايصبر عن شي ومستعد يدفع مع ان اغلب شريحه يستنفع منها التجار هم ذوي الدخل المجدود كونهم اكبر شريحه

بكل بساطه احنا مو بحاجة المعرض طنشو هاليومين ولا لي اخر يوم بالمعرض وشوفو النتيجه وان مانزلت هم طنشو مو لازم وراح توصل الايام اللي تحصل فيها العروض الحقيقيه

بارك الله بك

 

[الهاشمي1]

نصحية اللي بيشتري شي يرووح الخبر يتمشى ويشتري اللي يبيه

تقصد توفر الابفون بالسعودية اخي الفاضل ؟

 

[BO NASER]

أسعار اشتراكات الانترنت لشركة زين

سرعة 21 مع 30 gb عقد لمدة سنة

قيمة الاشتراك الشهري 21 دينار وسعره قبل المعرض 32

شهر مجاني أو قطعة هواوي مجانا

الالغاء قبل سنة رسوم 40 دينار

---------------------

سرعة 7.2 مع 20 gb

قيمة الاشتراك الشهري 13 دينار وسعره قبل المعرض اعتقد 21 دينار

شهر مجاني أو قطعة انترنت حسب اختيارك

عند الالغاء قبل سنة 20 دينار رسوم

------------------------

واسعار اشتراكات الوطنية لمدة سنة

21 دينار للسرعة العالية

13 دينار للسرعة العادية

​

 

[wl4s.com]

تسلم ابوي على الموضوع


والله من رايي في شركة مادري اذا كان هذا نصب ولا استعباط على العميل
الي يبي اسمها يراسلني و لا يمكن تعرفونها


الله وكيلكم بالمعرض منزلين عرض 14 شهر ب 196

و والله يمكن بعد اقل من شهر نزلو نفس العرض حتى نفس الصوره و الديزاين و مسوين العرض 144 او 154 !!!!
و تم هالعرض اكثر من 3 ولا 4 شهور ...


يعني شنو الحركة ان المعرض 196 و بعدها بشهر 144 ؟؟ عيل شنو فايدة المعرض



الله يعين

 

[eng.explorer]

السلام عليكم

رحت المعرض امس وكنت ناوي اشتري نوكيا c3 لقيت سعره في المعرض 58 دينار وهو معروض في الغانم 55.750 دينار وبصراحة رحت الفروانية ولقيت اسعاره بين 54 و53 وشريته ب 52.500 كفالة المستقبل .اللي صاير عندنا في الكويت ان الشركات بس تحط اعلان عروض وفي الحقيقة مافي شي المستهلك اللي هو انا وانت لازم يكون عندنا ثقافة شراء ونبحث عن الارخص ذيج الساعة راح ينزلون اسعارهم .واسمحولي على الاطالة .

 

[ayando4]

نعم يا اخوان الاسعار غاليه امس رحت وانصدمت بالنسبه للانترنت شبه اتفاق بين الشركان يعني 2 جيجا عند كوالتي 225 دينار وكيمز 215 دينار

كوالتي مع كوبون امسح واربح والجوائز فلاش ممولري او سيدي انتي فايروس او شهر مجانا بالمقابل كيميز بدون كوبونات وكذلك فاستلكو نفس الاسعار مع مضاعفه السرعه بليل بس

للعلم العام السابق كولتي نت 2_ 4 جيجا كان ب 225 دينار مع كوبونات

السعر نفسه بس شالو ضعف السرعه

وبالنسبه للموبايلات الاسعار نار

بلاك بيري 9800 تورج السعر : 197 دينار لدى الاغلبيه ينقص دينار او يزيد دينار بالمقابل موجود بيوريكا 169 دينار ومو مشاركين بالمعرض وبشرق والمنقف تلاقونه 165 دينار
والجذب والحركات من شركات الاتصال نعطيك الجهاز ب 159 مع شرط الاشتراك معاهم لمده سنتين ب 18 دينار ناس مايخافون الله كل هذا علشان يبوقون المنحه الالف

ارجو من الجميع الشراء من المحلات صدقوني ارخص من الشركات والهوامير الكبيره اللي ينهبون اللقمه منه

 

[Se7T]

اسعارهم ماارتفعت الا لأنهم يدرون ان بينا ناس مثل الغنم بدون كرامة او احساس
قاطعوهم وخلاص
وكل شخص يشتري ويدري انه مستغل اما انه انسان غبي او انسان ماعنده غيرة

 

[q8i^boy]

افشل معرض علي الوجود ماله داعي

 

[omar1lb]

والله يا اخوان ارخص اسعار بالكويت وافضل معاملة حصلت عليها في يوريكا.