سؤال يطرح نفسه

[بو بـدر]

سلام عليكم

المواطن الكويتي البسيط لاهو ولد تاجر ولا ابوه عضو مجلس امة وماعنده الا الله سبحانه وتعالى ومعاشه الحكومي وقنوع برزقه

كم يحتاج "اقل شي" فوق 70 الف مالت الحكومة حتى يتلحلح ويشتري بيت يلم حاله وعائلته البسيطة فيه في منطقة ذو الدخل المحدود

وسلامتكم

 

[أعرابي]

طبعا يحتاج المواطن ليكون مديون أغلب أو كل عمره ليأخذ قرض و يضيفه ل70 الحكومه حتى يشتري بيت وقد لايكفي ذلك القرض ,أو ينتظر دوره لفتره تطول ولا تقصر حسب الأوضاع الحالية , ولولا الله ثم الحكومه ما سكنا في بيوت بل في عشش مثل السبعينات أيام العشيش , لذلك الحكومة تتحمل توفير بيت لائق للمواطن لعلمها بحدود إمكانياته المادية و لتورطها بإرتفاع أسعار العقار فالتجار هم من يدير الحكومة فيكفى إغراق السوق بمواد البناء و منع التأجير و المضاربة بالسكن الخاص لتحجيم أسعار العقار لحجمها الحقيقي و ذلك ملا يريده التجار .

 

[بو بـدر]

يعطيك العافية ,, ولكن كم يحتاج ليدفع طول عمره ثمن هذا البيت

 

[بومحمـد]

58 سنه
قسط 100 دينار مديونية 70 ألف

غير القرض اللي تحتاجه فوق ال 70 ألف
اللي غالبا ما يكون قسطه 400 أو 500 لمدة 15 سنه

و الله يطول بعمرك و يكون بعونك يا بو بـدر
بالتوفيق

 

[بو بـدر]

الله يعطيك العافية يا بو محمد

يعني يبيلك غير 70 الحكومة 70 مثلها واكدح طول عمرك ببيت 300 متر

الله يعزنا بطاعته بس ويخلي الحكومة للتجار

 

[عايش على قدي]

السلام عليكم

يا أخوان 140 الف دينار كويتي يمكن تجيب لك بيت حكومي ويمكن لأ

وإذا حصلت بيت بهالمبلغ تلقها مستعمل وماشي واجد ولا ف العداد
ويبيلك مبلغ محترم علشان تسوي له تجفيت وخراطة علشان يرد يمشي

وتقدر تسكنه .... هل يعقل هذا الكلام ؟؟

يعني ما يقارب 450 الف دولار ما تجيب لك بيت بالكويت .......ليش ؟؟

بـــــ 450 الف دولار تشتري جزيرة وتقعد أنت وعيالك في الكاريبي شغل عدل مدل

وتبني بيت بالنص فيها والإرتدادات من كل صوب .


حسنا الله ونعم الوكيل يارب ... يا منقذ إبارهيم من النار ومنقديونس من بطن الحوت

أنقذنا من ازمة السكن واقذنا من الإيجار

 

[بومحمـد]

اذا تبي بيت حكومي بالفردوس مثلا تلقاه على 90 - 95
اذا تبي جديد , مدينة سعد مثلا تلقاه على 100 - 110

انا رأيي لك يابو بدر تشتري بمدينة سعد , أكبر و جديد

و بالتوفيق ان شاء الله

 

[بو بـدر]

يعطيك العافية بو محمد وشاكر متابعتك للموضوع

شيلمهن