يبا شلووونك . . .. ؟

[ورد و هيل]

-

يبه شلونك...
ملل هالــكــون من دونك ..

يبه شلونك ؟؟
وتمضي رحلة الدنيا..
بليا طلة عيونك..؟؟!!

يبه شلونك ؟؟
وشلون المرض وياك ؟؟
بعد ماهدك بدنياك..عساها تغمض جفونك ؟؟

تبي تدري عن احبابك ؟؟
عن عيون تغنا بك ؟؟عن قلوب دفنها الشوق..واذا جاها الغفا جابك ؟؟

.. يبه امي تخيلك دوم...تغني لك مع القمرا..

يبه واللي خذاك بيوم......
خذا.. وياماخذا.. وياما..خذا ناس يحبونك


يبه حنا صرنا كبار..توفقنا وتخرجنا..
يبه ماعاد فيه صغار..يموج بهالزمن كل شي..
وحنا ماتموجنا..على ذاك العهد نسري..
نبيع العمر والدنيا..ولا تخلف بنا ظنونك

يبه شلونك ؟؟
تبي تدري عن اخباري ؟؟
عن افكاري وتذكاري ؟؟
اشيلك بداخلي جمره ..وبعيون الحزن عبره..
تغرقني .. وتحرقني..
اشوفك نجمة تجبر..مراعيها .. يراعيها..
واشوفك للرجوله اسم..اذا شد الزمن تقسى..واحلم من معاني الحلم..احسك مقبل بكرى..وعيا لايجي بكرى !!

يبه تذكر زمان مر؟؟
يبه تذكر مجالسنا ؟
مقلطنا ؟
وسكتنا ومسجدنا ؟

يبه تذكر هدايا العيد ؟
صلاة العيد؟ وبشت العيد؟
يبه تذكر سوالفنا ؟
لاجل هذا ..
وكل هذا ..


اقول اليوم يايبــه ..
ملــــــــــــــل هالكون من دونك


يبه وينك ؟؟ .... ولهت لنظره من عينك ....

يبه وينك ؟؟

اشوفه طوّل غيابك !! ... و من ودّاك .... ما جابك !!
قالوا ما يدوم الزين !! ... و انا عندي امل للحين ..
و لكني اعرفك وين !!

يبه وينك ؟؟
بس ارجوك علمني ...
علمني .. شلووننك ؟؟

وش احلى من طلوع اثنين ؟؟
طلوع الشمس .... و طلوعك
يبه وينك ؟؟

سألت امي ...... غيابك طال ؟؟
ولا كنّي اعرفك وين !!
و قالت مثل ما قالت .. حسافه ...
ما يدوم الزين ... مع كل هذا صدقني .. انا عندي امل للحين !!

سؤالي عنك يالوالد .. صار كما الموال
و اشوفه طال ... والله طال ..
حزين .. بلحنه و حروفه ... يخاف ..
يموت من خوفه ... و قلب ٍ كان اقوى قلب ... ضعف .. من قسوة ظروفه ..


يبه ..
ارجوك علمني ...
تشوف اللي انا اشوفه ؟؟
انا اشوفك نهار و ليل ...
في وسط المجلس تصلي .. و تدعي الرب ييسر لي ..

يبه ..
ما عاد بي من حيل .. وين الحيل ؟؟
و انا اشوفك نهار و ليل .. مع اني ادري ما ترجع !!
غريبه .. بعدها تدمع .. عيوني من هموم البين !! .... و ادريبه مكانك وين !! ... مع َ هذا .. ارد و اسأل !!

يبه .... وينك ؟؟
و لا كني اعرفك وين !! شبكت العشر في غيابك ...
.. و من وداك ... ما جابك ..

و لا ادري وش يخبي الغيب !! ...
و جرح ٍ عذ ّب احبابك ....
يبه ..عيّا يخف و يطيب !!

يبه.. كل جرح في الدنيا ..
مصيره بالدوا يلتم ... و لكن البلا من جرح ..
نزف فرقاك ... بليّا دم !! ...
و هذا الفرق في جرحي ... عجز يلقا الدوا دكتور ..
انا جرحي غريب الطور !!!
ينزف ... بس بليّا دم .. و زاد الهم فوق الهم ...
و دام انك يبه غايب ... جروح الغيبه ما
تـلتم ..

بس عندي امل للحين !! ... و لا كنّي اعرفك وين !!
يبه .. ذكراك تفرحني ....
في نفس الوقت تجرحني !!
... لا من جبت في طاريك ...
دموعي غصب تفضحني ....

يبه .. تذكر ليالي الصيف ؟؟
عرس الحي .. و رقص السيف ؟؟
و كرم قلبك معَ هـالناس .. كل ٍ كان في بيتك ضيف ..

يبه . .
دايم اذكر سفراتنا معك . . . وضحكاتنا و شقاوتنا معك . .

يبه وينك ؟؟
تعال و شوف ...
كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلك في كل ظروف ..

يبه وينك ؟؟
تعال و شوف .. صحيح الدنيا ما ترحم ..
تجرعنا التعب انواع ... و لكن الأمل ما ضاع ..
و انا عندي امل للحين !! ... و لا كني اعرفك وين !!

يبه تذكر شطانـتـنا ؟؟
انا و اخواني و اخواتي ... معانا عيال حارتنا ..
نلعب في زوايا البيت .. يبه ... والله انا حنيت ..
لذاك الوقت في وجودك ... الا يا ريت ... الا يا ريت ...


يبه امي تذّكرنا ... بأيامك قبل ما تروح ... تناديها.. يا روح الروح ..
تغازلها و تنظر لك .. مثل طفله ... ملامحها عشق مفضوح ...
في ذاك الوقت .. كنا صغار ...
معَ هذا ... كنا نغار ..
عليها .. او بعد منها ... كنا نغار

نحبك يا يبه ... ارجع ..
مثل شمس الفجر .. اطلع
حزينه الشمس في غيابك .. و نفس الحزن في احبابك .. واخاف الشمس من حزني .
تغيب و ما بعد تطلع !! ..

يبه . . دايم احلم انك ب ترجع !! ...
تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم ..

يبه سامحني بترخّص ... قبل ينشف حبر الأقلام .. كلامي بعده ما خلّص ..
و لكن موعد الأحلام .. حان ..
ولازم اوفي له.. بعد ما ضاعت الحيله .. اشوفك والوعد باكر !!
اذا فكّر يجي باكر ..!! ..

و برجع اسألك وينك !!
بس لازم تجاوبني .. ترى عندي امل للحين !! .. و لا كني اعرفك وين ..!!
يبه شلونك ؟
ملل هالكون من دونك

يبه شلونك ؟
وتمضي رحلة الدنيا ... بليا طلة عيونك
لاجل هذا ... وكل هذا ... اقول اليوم يايبه..
ملل هالكون من دونك..

-----------------------------

الله يرحم ابوووي
ويدخله جنات النعيم

ويخلي لكم ابهاتكم
و يخليهم ذخر لكم​

 

[قلم حر]

الله يرحم ابوج ويرحم ابوي ويرحم جميع اموات المسلمين

الله يسامحج خنقتني العبره ​

 

[بوالعيس بيك]

الله يرحم ابوج

ويرحم موتانا وموتا المسلمين

اللهم آمين​

 

[راعي الرايه]

الموت حق وش اشد من فراقك يا يبه اذذكر يوم موتك بكل التفاصيل على الرغم من مرور الوحد والثلاثون عام....

الله يرحم جميع موتى المسلمين

 

[هيفا]

الله يرحم ابوج برحمته ويرزقه الجنه يارب

ويصبركم على فراقه

ويرحم أمي وأخوي برحمته

وجميع المسلمين امين يارب ​

 

[بوالعيس بيك]

الموت حق وش اشد من فراقك يا يبه اذذكر يوم موتك بكل التفاصيل على الرغم من مرور الوحد والثلاثون عام....

الله يرحم جميع موتى المسلمين

الله يرحمه ويغفر له

 

[ورد و هيل]

الله يرحم ابوج ويرحم ابوي ويرحم جميع اموات المسلمين

الله يسامحج خنقتني العبره ​

الله يرحم ابوك

وجميع اموات المسلمين

ويدخله جنات النعيم

 

[ورد و هيل]

الله يرحم ابوج

ويرحم موتانا وموتا المسلمين

اللهم آمين​

امين

يارب العالمين

شكرااا لمرورك بوالعيس

 

[ورد و هيل]

الله يرحم ابوج برحمته ويرزقه الجنه يارب

ويصبركم على فراقه

ويرحم أمي وأخوي برحمته

وجميع المسلمين امين يارب ​

هيفاا حبيبتي

شكراااااا

و الله يعينج ويصبرج عا فراق احبابج

ويدخلهم جنات النعيم

 

[النايفه]

الله يسامحج ورد...جات عالجرح...أخخخ

 

[ورد و هيل]

الله يسامحج ورد...جات عالجرح...أخخخ

حبيبتي والله

ما قصدت

الله يخلي لج احبابج


بس ابوي الله يرحمه ما اطلع من يزاااه ابد

ربانا على الدين والعلم والادب

وما كمل الدرب ويااااانا


ف انشا الله يدخل جنات النعيم

 

[يوسف_007]

الله يرحمه

ويرحم جميع موتا المسلمين

ومن خلف ما مات

وحديث الرسول صلى الله عليه وسلم يقول


: عن أبي هريرة -رضي الله عنه- أن رسول الله -صلى الله عليه وسلم- قال: إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له، رواه مسلم


والبركه فيك إن شاء الله​

 

[فضل]

الله يتغمده بواسع رحمته ..

فعلا .. الاب الحنون ما يتعوض ابد ​

 

[النجدي2007]

اخخخخخخخخخ شسويتي فيني ياورد وهيل ذكرتيني في ابوي الله يرحمة وفي تقصيري معااااااه , اللهم يا رحمن يارحيم اغفر لابوي واغفر لوالد اختنا ورد و جميع موتي المسلمين الذين شهدوا لك بالوحدانية ولنبيك بالرسالة اللهم امين

 

[بو شيشه]

الله يرحمه ويسكنه بفسيح جناته

 

[ورد و هيل]

الموت حق وش اشد من فراقك يا يبه اذذكر يوم موتك بكل التفاصيل على الرغم من مرور الوحد والثلاثون عام....

الله يرحم جميع موتى المسلمين

امين

جزاك الله خير

 

[ورد و هيل]

الله يرحمه

ويرحم جميع موتا المسلمين

ومن خلف ما مات

وحديث الرسول صلى الله عليه وسلم يقول


: عن أبي هريرة -رضي الله عنه- أن رسول الله -صلى الله عليه وسلم- قال: إذا مات ابن آدم انقطع عمله إلا من ثلاث: صدقة جارية، أو علم ينتفع به، أو ولد صالح يدعو له، رواه مسلم


والبركه فيك إن شاء الله​

هلااا يووووسف


شكراااااااااا


ويخلي لك احبابك ويجعلهم بركة لك

 

[ورد و هيل]

الله يتغمده بواسع رحمته ..

فعلا .. الاب الحنون ما يتعوض ابد ​

امين يارب العالمين


فضل


الله يسلم حبايبك من كل شر

 

[ورد و هيل]

اخخخخخخخخخ شسويتي فيني ياورد وهيل ذكرتيني في ابوي الله يرحمة وفي تقصيري معااااااه , اللهم يا رحمن يارحيم اغفر لابوي واغفر لوالد اختنا ورد و جميع موتي المسلمين الذين شهدوا لك بالوحدانية ولنبيك بالرسالة اللهم امين

لاا انشالله يالنجدي

مو مقصر بحقه

شكراااا عا لدعاء الحلوووووووو

والله يرحم والدك وموتى المسلمين

 

[ورد و هيل]

الله يرحمه ويسكنه بفسيح جناته

شكرااا بوشيشة

و الله يخلي لك اهلك احبابك