(منقول)السوق صاعد لشفط كل بيزة من المكرمة الاميرية .....

[مصــباح]

السوق صاعد لشفط كل بيزة من المكرمة الاميرية .....


--------------------------------------------------------------------------------

السلام عليكم

اخواني الكرام ......
لازم نتعلم من التجارب السابقة ويجب ان ننتبه ونتريث ونفكر عدل قبل الاقدام على اي تصرف . بلاعين البيزة ناطرينكم بس تقبضون المكرمة الاميرة راح يقدمون لكم جميع المغريات وعروض رائعة من فنون الاكروبات والحركات اللي هي تخلي الواحد يدوخ وما يفكر .
يروح البنك ويسحب حلاله وحلال اولاده على امل ان يعوض خسائره السابقة بضربة سريعة موجعة ... اشوف كثير من الناس قاعدين يضربون الالف بعشرة وعايش بالاحلام ....
اقولكم من الحين راح يرفعون السوق حتى يضمنون انكم تروحون وتشترون ويدخلونكم الفخ ويسحبون عليكم واسمع الصراخ هذاك الوقت ....
لذلك يجب الانتباه واخذ الحيطة والحذر .....

 

[بدون مجامله]

تبي تشتري اسهم خلك مضارب سريع لاتروح فلوسكم وخاصه المنحه الاميريه ترى صناع السوق ناوين عليكم نيه مو طيبه كل واحد قاعد يمسح شاربه ولسان حاله يقول المنحه قيمتها مليار دينار كم دينار راح يدخل البورصه ,واذا انت انسان ماتعرف تضارب انصحك بكل سهم قيادي اعيد واكرر قيادي واذا حطيتها بقطاع البنوك افضل واياك والاسهم الصغيره ماخسرنا الا هي هذه نصيحه مني لاخواني من اخذها اخذها بحظ وافر ومن تركها فلايلومن الا نفسه والله المستعان