ليش الأي فون مرتفع سعره بالسوق !!!!

[UNDER_0]

ليش الأي فون مرتفع سعره بالسوق !!!!

المحلات يقولون الوكيل مو منزل او موقف يزود السوق !!!

هل هذا السبب ولا السبب المنحه ال 1000 و بداية إستغلال التجار عشان يتلونها من الناس !!

 

[بو بـدر]

ليش على جم واصل ... والايفون ماله وكيل بالكويت

 

[anwarkamel]

اخوي اللي عرفه ان ابل نفسها رفعت الاسعار من فترة لان اسعار الشحن العالمي كلها ارتفعت و ترى الايفون مرتفع سعره من قبل منجة 1000 دينار ...

 

[سعود العجمى]

عشان المنحه باختصار شديد والله يستر من الايام الجاية

 

[ukhrep]

يقولون سعر اليايفون زاد سعره

اظاهر عشان المنحة

لان انا اليوم كنت عند بن العميد

وزاد سعره من 4.600 دك الى 5 دك

الله يستر من الباجي​

 

[cookies24]

انا من يومين كنت بمحل تلفونات قال كله علشان المنحه

 

[Mr_SaLiM]

شباب المنحه يمكن تكون سبب لكن السبب الرئيسي انه شركه ابل عنده جرد لمده اسبوع فجميع الطلبات وقفت عليها تأخير فالسوق خلص من الجهاز فالعنده حبه او حبين يزيد سعره يعني احتكار انا ما أقول الا الصبر زين يا ناس

 

[@ عبدالله@]

ياشباب باختصار على شان المنحه رفعوا الاسعار ولحد يقولكم غير جذي

 

[CrystaL]

المنحه اهيا السبب ،،،

انا عندي واحد بامريكا كلمته و قالي كل شي عادي و متوفر و ما في اي مشكله ،،، متوفر عند المحلات و شركه ابل

و يا جماعه قالوا قاااااااطعوهم اللي يرفعون الاسعار خلو الاغراض تطيح بجبدهم

 

[بدون مجامله]

واحد من الشباب شاري واحد من قبل اسبوعين على 260 الاسعار مرتفعه قبل صدور المنحه وطبعا الحين فرصه يرفعونها اكثر واكثر لكن الي يبي يشتري ارض المعارض 30 الشهر عندهم عروض

 

[يامكو]

انا اللي سمعته ان الغانم و يركا سحبو كل الكميات المعروضه عندهم وخزنوها
على شان يستغلون الناس في منحتهم
التجار ماايعرفون 1000 ولا يفكرون فيه يفكرووون بالمليار اشلون يستحوذون عليه بشتى الطرق الله يستر منهم

 

[مهندسنا]

شباب قبل يومين كنت عند الغانم

وسالتهم عن سالفة سحب الاجهزة من السوق

وقالو ان كل هل كلام غير صحيح

وكانت كل الاجهزة موجوده​

 

[sooo]

احنا ليش لازم نشتري في وقت المنحة عطها 3 شهور يالحبيب

 

[topic_love]

الغانم والكتروزون نصابين

روحوا يوريكا اقل من اسعار الغانم والكتروزون باكثر من 20 دينار

البلاك بيري تورج 198 وبيوريكا بـ169

شوفوا الفرق

 

[mxxy]

أسعار الهواتف النقالة أرتفعت بشكل ملحوووظ ليس فقط الايفون .. وهذا داخل الكويت فقط .. وأسعار التذاكر السفر أرتفعت جدا ... ماعدا المطاعم والجمعيات والبقالات وزين وفيفا والوطنية فهذول ما يقدرون يسون شي لأنهم اصلا عارفين أنهم حاليا مراقبين ومحسوب عليهم كل شي ... يوريكا والغانم ومحلات التليفونات ذبحهم الجشع ... والشاطر فيكم والذكي الي ماراح يشتري منهم ألا بعد المنحة بشهرين ... أقسم بالله أن أحد المحلات قالي اياها بكل صراحه يقولي راح نرفع الاسعار فوق فوق فوق بعد نزول المحنة ​

 

[Q8_28]

هناك سببين السبب الاول اهو قبل اقرار المنحه قله توفر اجهزه الايفون من ابل نفسها والسبب الثاني اهي المنحه يعني هناك سببين ولا تتخذون المنحه سبب رئيسي لاني متابع اسعار الايفون في سوق البحريني والكويتي ولاحظت مثل ما السعر ارتفع في الكويت ايضا البحرين مرتفع سعره بس الكويت اكثر بشوي لان المنحه اثرت

 

[kokokaka]

الحسبة بسيطة الطلب اكثر من العرض فا السعر لازم يزيد

الزيادة لها اكثر من سبب

اولا نفاذ الكمية من السوق قبل المنحة بسبب اقبال الشديد على الشراء وانا اسميها طفرة نوعية

الايفون

وثانية ابل استور زاد سعرة

وثالثا نفاذ الاجهزة من الغانم ويوريكا بسبب بعض التجار الاحتكار

اللي انا شفتة ان هاتف 2000 ( الله يرزقة ووسع عليه ) قبل 10 ايام وصل 16 جيجا270

وجميع محلات الفروانية ومحلات شرق كلهم يعرضون بضاعته وعندة كمية اتغرق الكويت

وقبل كم يوم يقولون وصلة 279 ال ...16 طبعا زيد على الكلام الايبود كانو عارضينة 65 وبعدها زاد

الى70... الصراحة يعجبني اللعب هذا الانه التجارة تبي قلب قوي وسياسة

وعلى العموم يقولون راح يطوف سعرة ال300 اذا استمر الوضع على ماهو عليه

وانا اتكلم عن نفسي عندي ايفون 4 32 جيجا مستعمل عارضة في المنتدى وسامة

واحد مني اليوم بي 270 مع العلم ان قبل شهر كان ينباع الجديد بنفس السعر

واخيرا في ناس طالبين من بريطانيا كميات كبيرة وراح تكسر السوق

 

[csc100]

السبب الرئيسي المنحه
يتم احتكار الاجهزه حتى يرتفع سعرها طبيعي وراح يعرضونها بعد استلام المنحه

 

[UNDER_0]

انا رأيي انا احنا الكويتيين عادي ارفع السعر من الحين لي باجر هم راح تلقه شرايه و راح تلقا ناس تطلب سلعتك !!

لو الكل عنده وعي و كل شي يرتفع سعره اتم مقاطعته جان محد يتجرأ يرفع الأسعار جذيه

لو أي سلعه إب دوله اجنبية ترتفع شوف الناس هناك شلون يقاطعونها

 

[محب الرياضه]

أسعار الهواتف النقالة أرتفعت بشكل ملحوووظ ليس فقط الايفون .. وهذا داخل الكويت فقط .. وأسعار التذاكر السفر أرتفعت جدا ... ماعدا المطاعم والجمعيات والبقالات وزين وفيفا والوطنية فهذول ما يقدرون يسون شي لأنهم اصلا عارفين أنهم حاليا مراقبين ومحسوب عليهم كل شي ... يوريكا والغانم ومحلات التليفونات ذبحهم الجشع ... والشاطر فيكم والذكي الي ماراح يشتري منهم ألا بعد المنحة بشهرين ... أقسم بالله أن أحد المحلات قالي اياها بكل صراحه يقولي راح نرفع الاسعار فوق فوق فوق بعد نزول المحنة ​

والله انك غلطان اخوي من قالك انت شفت بعينك؟

حبيب قلبي انا فرقت معاي اسعار الجمعيه

صارلي 7 شهور وانا اشتري ماجلة البيت على 82.860 دينار شهريا
(العيش والبهارات والعصاير كي دي دي والاجبان بأنواعها و البرجر والشبس المثلج واغراض الفريزر و الحفاظات و حليب الاطفال )

عدا هذا الشهر وبالتحديد قبل يومين شاري ماجلة البيت فرقت معاي طلعت الفاتوره 94.585 دينار علما انها نفس الاغراض

ادري بتقول مستحيل كل شهر بشتري بدون ما اضيف شي حتى لو صبعين كيت كات بس انا اخلي شغل خرابيط اليهال من كاكاوات وغيره من 20 لي 25 دينار بفاتوره غير)
بس اللي ضحكني انهم صاروا 34 دينار تقريبا قلت ههههه بلشنا بزيادة الاسعار

اعطيك مثال بسيط تقريبا 99% من سكان دولتنا الحبيبه مواطينين ومقيمين يشربون كي دي دي قبل ربطة العصير 6 حبات 0.495 فلس الحين يا بعد قلبي 900 فلس
تخيل انت ماراح تشتري بس 6 حبات لا على الاقل راح تشرب 30 حبه بالشهر لا خل نقول 15 عشان نقتصد نخليها يوم وترك نشرب تخيل مو بس انت اللي بتشرب العيال وامهم يعني من 4 او 6 اشخاص تقريبا كل يوم 6 اشخاص ضرب 30 حبه = 180 حبه عصير يصير 27 دينار لانه الحبه صارت 150 فلس
وقبل يطلع العصير 14.850 دينار وتقولي مو زايده الاسعار اقول صل على النبي وادعوا تنزل الاسعار مره ثانيه

ترى زيادة 100 فلس عن اي شغله تفرق وياك الحسبه فما بالك زياده 70 الى 100 % وتصل الى 200 % زياده

تراني مو بخيل بس والله علي ايجار شقه ومصروف اليهال والتزامات واقساط وغيره قبل كنا متشلخين بس الحين كل فقره من فقرات العامود الفقري تشلخت انا وغيري على هالحال واقل
(بس شنقول غير الحمدلله والشكر على الصحه والعافيه)

وعلى فكره ترى معلومتك 1 % صح عن عدم زيادة الجمعيات

الشي اللي ما زادوه الخبز ومشتقاته من منتجات المطاحن كثر الله خيرهم

هم البيبسي ينطرون واحد يشبس لهم عشان يزيدون الاسعار