النسيم متى؟؟؟

[سعد فهد]

ياشباب توزيع النسيم متى _ افيدونا جزاكم الله خير _ دشيت جابر n3 ابي انسحب وانطر النسيم..... النصيحه ياجماعه !!!!!

 

[مواطن بدون سكن]

جاوب على الأسئلة وانا أعطيك رأيي :

1. انت مستعجل او راعي طويلة ؟
2. ناوي تسكن او تستثمر ؟
3. حضرتك من أي سكان ( أي منطقة ) ؟
4. هل عندك ميزانية جاهزة وكافية تضيفها على سلفة بنك التسليف عشان تبني ؟​

 

[سعد فهد]

1_ مستعجل
2_لا ابي ابدل
3_ من سكان المنطقه العاشره
4_عندي بحدود 70 الف

ننتظر الرد.... ودمتم
اخوك/ سعد

 

[مواطن بدون سكن]

رأيي لا تخصص بجابر ، والنسيم أفضل لوضعك .. والسبب :

لأنك مستعجل وجابر السماح بالبنيان بعد سنتين ، والتبديل الرسمي غير مسموح .
وثانيا السكن مو لك لأنك غير راغب المنطقة
وثالثا تخصص في النسيم وتقدر تبدل رسمي أو تقدر -من وجهة نظري- وهو اللي أشوفه صح : انك تبني في النسيم بسلفة بنك التسليف وتزيدهم بأربعين ألف وتبيع وتاخذ لك قسيمة محترمة في المنطقة العاشرة بالمكان اللي تبي. وتكون حققت هدفك بفترة وجيزة .
يعني خصصت في النسيم وحصلت على سيولة وحققت هدفك بشراء قسيمة محترمة بالمكان اللي تبي.
أما تخصيصك بجابر ما راح تحقق هدفك مكانك راوح وانتظار ثم انتظار​

 

[سعد فهد]

والله كلامك عين العقل_لا بس سالفة ابني بالنسيم لا !! ابي ابدل على طول وبعدين والله انا خصصت وانا متردد بجابر ولما دريت ان استلام الارض 30/6/2013 ضاق خلقي وانا مستعجل وخصوصا طلبي 93 شهر 10 يعني احتمال اتحوشني النسيم اللي بتوزع شهر 4 الياي والاستلام شهر 6 يعني بعد شهرين_واحتمال 90% اتحوشني هذا اذا ماطلعت لنا سالفة المعاقين اللي بيردونهم 5 سنين _ جزاك الله خير على النصيحه _ والله يجعلها في ميزان حسناتك.

اخوك/سعد
ودمتم،

 

[النجدي2007]

الله يوفقك يارب

 

[faisel 2]

ما حاشتك القيروان؟ حاول تدخل ابو حليفه..165 قسيمه تقريبا..

 

[العتيبي72]

رأيي لا تخصص بجابر ، والنسيم أفضل لوضعك .. والسبب :

لأنك مستعجل وجابر السماح بالبنيان بعد سنتين ، والتبديل الرسمي غير مسموح .
وثانيا السكن مو لك لأنك غير راغب المنطقة
وثالثا تخصص في النسيم وتقدر تبدل رسمي أو تقدر -من وجهة نظري- وهو اللي أشوفه صح : انك تبني في النسيم بسلفة بنك التسليف وتزيدهم بأربعين ألف وتبيع وتاخذ لك قسيمة محترمة في المنطقة العاشرة بالمكان اللي تبي. وتكون حققت هدفك بفترة وجيزة .
يعني خصصت في النسيم وحصلت على سيولة وحققت هدفك بشراء قسيمة محترمة بالمكان اللي تبي.
أما تخصيصك بجابر ما راح تحقق هدفك مكانك راوح وانتظار ثم انتظار​

احسنت نعم النصيحه كفو ا اخوي مواطن