دفعة بلا عنك ( تعرف طبيب عيون ) بالكويت فقط

[saadkuwait]

دفعة بلا عنك ( تعرف طبيب عيون )
عندي ولدي مريض ومحتاج طبيب
غير الدكتور الربيعة (الله يجزاه كل خير )
اللي يعرف ياخذ مني دعوه أب أبنه مريض
والله راح يجازيه بالخير

 

[Maxima]

دكتور مبارك العجمي

 

[ابو رجا]

دكتور سلطان المطيري

اذا ماخاب ظني عيادته بخيطان مقابل المضخه

 

[بو بـدر]

اولا الله يعافي ولدك وطيب ان شاء الله

ثانيا اذا العلاج عين الولد شي بسيط في اكثر من دكتور لا باس فيهم اما اذا عملية معقدة وفيها امور صعبة انصحك بدون تردد اذا انت مقتدر تعالجة بالخارج لان مافي اغلى من العين والولد توه صغير .

 

[بو شيشه]

الله يشافي ولدك باذن الله الأحد
عندك دكتور استشاري عيون عنزي يداوم بمستشفى السلام
كانت له حلقات بتلفزيون الكويت
رجال يخاف الله و صريح جدا يقولك يمين يمين يسار يسار ما يلف ويدور
بس انصحك اذا تقدر تسافر للأردن...دكاترة ممتازين بالعيون

 

[ورد و هيل]

الله يشافي وليدك و يعافيه


دكتور يوسف الظفيري

يداوم خاص ------ مستشفى دار الشفا

وحكومي --------------البحر للعيون

 

[ابوراشد99310]

السلام عليكم الله يشفيه انشاءالله انا اخوي من تجربه ومريت عليهم احسن دكتور بالكويت الدكتور خالد السبتي تخصصه للشبكيه وشاطر جدا وهوا راح يدزك لاحسن دكاتره بالكويت وانا اهلي سوو عنده عمليه صعبه جدا حتي بره ميئوس منها ونجحت عنده بفضل الله انصحك فيه

 

[ابوراشد99310]

خالد السبتي حكومه مستشفي البحر للعيون وخاص عياده بالشعب

 

[يوسف_007]

دفعة بلا عنك ( تعرف طبيب عيون )
عندي ولدي مريض ومحتاج طبيب
غير الدكتور الربيعة (الله يجزاه كل خير )
اللي يعرف ياخذ مني دعوه أب أبنه مريض
والله راح يجازيه بالخير

السلام عليكم ورحمة الله وبركاته،،،

أخوي :saadkuwait إذا تبي الدكتور يوسف الظفيري أو عجلاج إبنك عنده

أنا حاضر أكلمه لك وأبشر بالفزعه اللي ترضيك

دزلي على الخاص

إذا بغيت وأنا حاضر​

 

[زهره]

عيالي اثنينهم مستشفي البحر ما اعرفولهم , راحو بره وعقب ردت عين الثاني هم مو عارفين اشخصونها هني وبرد بروح اسافر. بس في وحده كانت رايحه عند سلطان المطيري بخيطان وقالت التشخيص والعلاج اللي عطاها كان نفس التشخيص والعلاج اللي سوولها لما راحت تعالج بلندن. الله يشافيه وانشالله يكون شي سهل وبسيط

 

[saadkuwait]

الله يجازيكم بالجنة
بدون حساب ولا ادني عقاب
راح أشوف الاطباء اللي زكيتوهم لنا وراح أباشر بالبحث عنهم لان المستشفى البحر مواعيدة بالاشهر وعناية ما تحصل خاصة ان الولد فقد أكثر من 50 بالمية من النظر والحمدلله على كل حال
---------
ويوسف ياخوي أنا أرسلت رساله لك على الخاص

 

[زهره]

انزين شنو مشكلته ؟ بشنو بالضبط؟

 

[saadkuwait]

راكان ولدي عمره 3 سنوات -
أنولد بعملية قيصرية
كان ما فيه شئ
بس طاح من مكان عالي على راسه
وصار عنده ارتخاء بالعصب للعين حسب ما يقول آخر طبيب
فكرت ان الموضوع سهل أهملته وهذي طبيعتي بالحياة مهمل في كل شئ
بعد فترة صرت أشوف راكان مو طبيعي
صار عنده صعوبة بالنطق وقبل كان ما كلنا بلسانه
صار ما يتكلم
صار حول عنده (
وصار ما يشوف رحت مستشفى الفروانية حولني البحر
البحر ما سوا شئ
بدون ما يكشف ولا شئ اعطانا موعد شهرين
وبعد الشهرين اعطانا اربع شهور
بس الاطباء ما يريحون القلب ( يمكن علشان عليهم ضغط - مادري
بس يفتح عينه ويقول راجعنا
مرة ارتخاء بالعصب
مرة قرنية
مرة لازم عملية
----------
الولد صار احول صرفنا له نظارة وللحين
هذا الموضوع
رحت أكثر من دكتور من جنسية عربية
اهم شئ عندهم أفتح ملف وبعدين أسئل
والله كريم
قلت اسئل الاخوان عسى الله يجازيهم الجنة ما قصرو
والحمدلله على نعمة الايمان والقضاء باقدر
------------
فوق كل هذا يقهر قلبك لما تشوف العيال يسمون ولدك
ابو نظارة الاحول

 

[زهره]

انا عشان مشكلة عيون عيالي قريت كتب وايد واتوقع عند ولدك مشكله بالعصب بالراس لانك تقول انه اثر علي كلامه بعد والنظاره ما اتوقع راح تفيده, عيالي عندهم وراثه تظهر وقت البلوغ وكنت اغير النظاره لهم كل 3 شهور والنظر يسوء وانا علبالي لانه ما يلبسها ليمن نصحني موظف اللي بمحل النظارات انه اراجع فيهم طبيب عيون لانه حتي النظاره قامت ما تنفع. الله يخليك روح خيطان حق الدكتور سلطان المطيري مو لازم موعد حتي.

 

[زهره]

اخوي لا تلوم نفسك تري الواحد ما يتوقع شنو ممكن اصير , عيالنا اطيحون ويتعورون واردون يلعبون , الواحد ما يدري شنو ممكن يصير . يمكن عنده انسداد بالعصب لانه هذا هم بعد ااثر علي النظر. المهم انك تحرص وما تهمله الحين

 

[saadkuwait]

الله يطول بعمرك أختي ويحفظ عيالك
وكل من اهتم بالموضوع
والله يجزاكم الجنة يارب العالمين

 

[باناسونيك..]

السلام عليكم ورحمة الله وبركاته

00962795524834 هذا رقم موبايل الدكتور عزام شاهين بالأردن بصراحه مبدع ومجرب لإبني ولأكثر من حاله وآنا داز أكثر من أربعه من الربع والنتائج كانت رائعه وجميعهم ما شاء الله يمدحونه...

أسأل الله لأولادكم السلامة والعافية والشفاء العاجل باذن الله..

 

[العاشق]

راكان ولدي عمره 3 سنوات -
أنولد بعملية قيصرية
كان ما فيه شئ
بس طاح من مكان عالي على راسه
وصار عنده ارتخاء بالعصب للعين حسب ما يقول آخر طبيب
فكرت ان الموضوع سهل أهملته وهذي طبيعتي بالحياة مهمل في كل شئ
بعد فترة صرت أشوف راكان مو طبيعي
صار عنده صعوبة بالنطق وقبل كان ما كلنا بلسانه
صار ما يتكلم
صار حول عنده (
وصار ما يشوف رحت مستشفى الفروانية حولني البحر
البحر ما سوا شئ
بدون ما يكشف ولا شئ اعطانا موعد شهرين
وبعد الشهرين اعطانا اربع شهور
بس الاطباء ما يريحون القلب ( يمكن علشان عليهم ضغط - مادري
بس يفتح عينه ويقول راجعنا
مرة ارتخاء بالعصب
مرة قرنية
مرة لازم عملية
----------
الولد صار احول صرفنا له نظارة وللحين
هذا الموضوع
رحت أكثر من دكتور من جنسية عربية
اهم شئ عندهم أفتح ملف وبعدين أسئل
والله كريم
قلت اسئل الاخوان عسى الله يجازيهم الجنة ما قصرو
والحمدلله على نعمة الايمان والقضاء باقدر
------------
فوق كل هذا يقهر قلبك لما تشوف العيال يسمون ولدك
ابو نظارة الاحول

اخي العزيز نصيحه ولدك محتاج مستشفى اطفال متخصص

وانصحك تروح علاج بالخارج بالكويت لاتوقف عليهم
مع احترامي لهم مومال امراض جايده او قديمه

لاتهمل ولدك مستقبله وباجي حياته امانه برقبتك احرص عليهاا

اولادنا ابدا من كل شيء والله ان تعب الله لايقوله او صار فيه شيء راح تلوم نفسك العمر كله​

 

[saadkuwait]

الله يجزاكم خير ويبارك لكم في عيالكم
ويجزاكم الجنة
بخصوص السفر شبة مستحيلة والله وحده العالم بالاسباب

------------
والحمدلله على كل حال
--------

 

[khalid592]

عسى الله يشفي ولدك .. بس ترى الدكتور سلطان المطيري ممتاز على حد علمي وانا اراجع عنده .. وحريص ودقيق على الحاله .. مع اني ماجربت الدكاتره اللي قالوا عنهم الشباب .. بس اشوفه ممتاز وعيادته بخيطان قدام المضخه ..